Vila Nova de Cerveira

Vila Nova de Cerveira
Instancia de concello de Portugal
Datas  Día festivo festa patronal
Localización  Situado en distrito de Viana do Castelo, Portugal  Comparte fronteira con Tomiño Ponte de Lima Paredes de Coura Caminha O Rosal Valença  Contén división administrativa Sopo Mentrestido Campos e Vila Meã Candemil e Gondar Reboreda e Nogueira Loivo Covas Gondarém Sapardos Cornes Vila Nova de Cerveira e Lovelhe  OpenStreetMap  Coordenadas 41°56′00″N 8°44′00″O
Cifras e dimensións  Poboación    9.253 (2011)  Superficie    108,47 km²
Códigos e identificadores Código postal 4920 OpenStreetMap 5195994 VIAF 157068906 Freebase /m/0bv4t5
Fontes e ligazóns  Páxina WEB cm-vncerveira.pt  Correo mailto:geral@cm-vncerveira.pt
Wikidata C:Commons

Vila Nova de Cerveira (coñecida frecuentemente apenas por Cerveira) é unha vila portuguesa no Distrito de Viana do Castelo, rexión Norte e subrexión do Minho-Lima, con cerca de 1.300 habitantes.

É sede dun municipio con 108,46 km² de área e 8852 habitantes (2001), subdividido en 15 freguesías. O concello limita ao nordés con Valença, ao leste con Paredes de Coura, ao sueste con Ponte de Lima, ao suroeste con Caminha e ao noroeste co concello galego de Tomiño, a través do río Miño. No ano 2004 construíuse a Ponte da Amizade que a conecta con Galiza.

A cidade foi fundada polo rei Don Dinís de Portugal en 1321 e hoxe é moi coñecida e visitada pola Bienal Internacional de Arte de Cerveira que ten lugar na cidade desde 1978. O complexo do Fórum Cultural de Cerveira tamén é un lugar para exposicións e outros eventos fóra da Bienal. En portugués Cerveira é coñecida como "Vila das Artes". A cidade mantén, entre outras cousas, residencias creativas na Casa do Artista "Pintor Jaime Isidoro" e alberga a Escola Superior Gallaecia. O CineTeatro, convertido en centro cultural e de eventos, o arquivo da cidade (Arquivo Municipal), a Biblioteca e a Casa do Turismo, aloxados nunha casa histórica de dous andares do século XIX, entre outros son ​​outros lugares de arte que hai que mencionar en Vila Nova de Cerveira.

Na vila hai unha estación de ferrocarrís, con paso regular trens. Os monumentos arquitectónicos tamén inclúen edificios públicos históricos, fontes de pedra, o centro de artesanía Casa do Artesão, o Aquamuseu do Río Minho (aberto en 2005, dedicado á historia, á flora e fauna do río Miño), a pousada de Don Dinís, e varios de edificios sacros, como a Igrexa Matriz de Vila Nova de Cerveira (tamén Igrexa de São Cipriano) e a igrexa barroca, construída orixinalmente no século XVI.

Demografía

Freguesías de Cerveira

Poboación do concello de Vila Nova de Cerveira (1801 – 2004)
1801	1849	1900	1930	1960	1981	1991	2001	2004
6.706	9.401	9.691	10.794	11.030	8.666	9.144	8.852	8.813

Alén da de Lovelhe e Vila Nova, Cerveira ten 10 freguesías:

• Campos e Vila Meã
• Candemil e Gondar
• Cornes
• Covas
• Gondarém
• Loivo
• Mentrestido
• Nogueira e Reboreda
• Sapardos
• Sopo

Recoñecementos

• 2015: Xuíz Honorario do Couto Mixto.

Galería

• 
  O río Miño, ao seu paso pola vila.
• 
  Vista desde a atalaia de Lovelhe.
• 
  Escultura do Cervo
• 
  Solar dos Castros
• 
  Porta do Castelo
• 
  Igrexa matriz
• 
  Praza central de Cerveira
• 
  Piares da Ponte que conecta Portugal e Galiza
• 
  Aquomuseu
• 
  Cámara Municipal de Cerveira
• 
  Indicativo do Caminho Portugués, na rúa 25 de abril
• 
  Casas arredor da muralla do Castelo

Véxase tamén

Outros artigos

• Goián
• Forte de San Francisco de Lovelhe