Valie Export

Na Galipedia, a Wikipedia en galego.
Saltar ata a navegación Saltar á procura
Valie Export
Österreichischer Filmpreis 2013 C Valie Export.jpg
Nome completoWaltraud Lehner
Nacemento17 de maio de 1940
 Linz
NacionalidadeAustria
Ocupacióndirectora de cine, artista plástica, catedrática, guionista, fotógrafa e escultora
Coñecido/a porVALIE EXPORT SMART EXPORT, The Practice of Love, Invisible Adversaries, Aspects of Feminist Actionism e Time and Countertime
PremiosGold Decoration for Services to the City of Vienna, City of Vienna Prize for Fine Arts e Condecoração Austríaca de Ciência e Arte
editar datos en Wikidata ]
Escultura en Allensteig.

Valie Export tamén VALIE EXPORT, nada en Linz o 17 de maio de 1940, o seu nome de nacemento é Waltraud Lehner e despois da súa voda Waltraud Höllinger, é unha artista feminista austríaca. O seu traballo inclúe videoinstalacións, performances, cine expandido, animacións de computador, fotografía, escultura e publicacións sobre arte contemporánea. É unha das artistas pioneiras en analizar as políticas de xénero. Na súa creación abórdanse temas como a identidade, o sexo e o corpo como modo de expresión e linguaxe.[1]

Traxectoria[editar | editar a fonte]

Até os 14 anos foi educada nun convento e máis tarde estudou na Escola de Artes e Oficios de Linz.

Os seus inicios artísticos estiveron vencellados ao accionismo vienés dos anos 60, un movemento formado no seu maior parte por homes, e que tiña no propio corpo o campo de formulación artística esencial, coa realización de performances que buscaban tirar da súa comodidade a unha sociedade austríaca que se volveu a acomodar na normalidade con gran rapidez unha vez finalizada a Segunda Guerra Mundial.

A súa identidade como muller e a procura dun camiño persoal, levouna a entrar de cheo en reflexións sobre o papel que desempeñara historicamente a muller na historia da arte, e como os esquemas patriarcais definiran dunha maneira determinada a identidade feminina incorporándose de cheo nos postulados dunha arte feminista.[2]

En 1967 inventou e adoptou o seu nome artístico "VALIE EXPORT", un concepto e logotipo que lle dará nome o resto da súa carreira e que debe ser escrito en maiúsculas. Rexeitando os apelidos do seu pai e do seu marido, colle o termo dunha marca de cigarros.

Nun dos seus primeiros traballos, o seu rostro ocupaba cunha fotografía (Selbsproträt, 1968) un paquete de cigarros cuxo logotipo fora manipulado e cunha lenda en latín e alemán "Semper et ubique, Immer und Uberall" (sempre e ubicua), unha forma de significarse como unha muller cuxa marca é froito da súa vontade e non da imaxe sexista que a iconografía occidental construía delas.[1]

O seu traballo é relevante dentro da historia da arte feminista grazas ás súas "performances de guerrilla".

Desde 1995/1996 é catedrática de performance multimedia na Academia de Media Kunst|Kunsthochschule für Medien de Colonia, Alemaña.[2]

Obra[editar | editar a fonte]

  • Splitscreen - Solipsismus (1968)
  • INTERRUPTED LINE (1971)
  • ...Remote…Remote... (1973)
  • Mann & Frau & Animal (1973)
  • Adjungierte Dislokationen (1973)
  • Invisible Adversaries (Unsichtbare Gegner, 1976)
  • Menschenfrauen (1977)
  • Syntagma (1983)
  • The Practice of Love (Die Praxis der Liebe, 1984)
  • I turn over the pictures of my voice in my head (2008)

Exposicións[editar | editar a fonte]

  • 1997 Split Reality: VALIE EXPORT. Mumok, 20er Haus, Viena
  • 2004 VALIE EXPORT. Camden Arts Centre, Londres
  • 2007 VALIE EXPORT. Centre Georges Pompidou, París
  • 2010 Zeit und Gegenzeit. Österreichische Galerie Belvedere, Wien, after at the Museion, Bolzano
  • 2012 VALIE EXPORT Archiv. Kunsthaus Bregenz, Bregenz

Premios[editar | editar a fonte]

  • 1990: City of Vienna Prize for Visual Arts
  • 1992: Austrian Prize for video and media art
  • 1995: Sculpture Award at the Generali Foundation
  • 1997: Gabriele Münter Prize
  • 2000: Oskar Kokoschka Prize
  • 2000: Alfred Kubin Prize Big Price culture of Upper Austria
  • 2003: Gold Medal for services to the City of Vienna
  • 2005: Austrian Decoration for Science and Art
  • 2009: Honorary Doctorate of the University of Arts and Industrial Design Linz
  • 2010: Grand Gold Decoration for Services to the Republic of Austria

Notas[editar | editar a fonte]

  1. 1,0 1,1 País, Ediciones El (17 de xaneiro de 2004). "Reportaje | Valie Export: la mirada resistente" (en castelán). Consultado o 31 de xulo de 2016. 
  2. 2,0 2,1 Bock, ans-Michael; Bergfelder, im (30 de setembro de 2009). The Concise Cinegraph: Encyclopaedia of German Cinema (en inglés). Berghahn Books. ISBN 9780857455659. Consultado o 31 de xullo de 2016. 

Véxase tamén[editar | editar a fonte]

Ligazóns externas[editar | editar a fonte]