Théodore Géricault

Théodore Géricault

Biografía
Nacemento	(da) Jean-Louis André Théodore Géricault 26 de setembro de 1791 Ruán, Francia
Morte	26 de xaneiro de 1824 (32 anos) París, Francia
Causa da morte	osteoarticular tuberculosis (en)
Lugar de sepultura	Cemiterio do Père-Lachaise, 12 (1828–) 48°51′39″N 2°23′34″L Grave of Théodore Géricault (en)
Residencia	Ruán
Educación	Escola Nacional Superior de Belas Artes (1811–) Liceo Louis-le-Grand Collège Stanislas (París)
Actividade
Campo de traballo	Pintura e escultura
Lugar de traballo	Albacete Florencia París
Ocupación	pintor, debuxante arquitectónico, debuxante, litógrafo, artista gráfico, escultor, artista visual
Período de actividade	1810 - 1824
Xénero artístico	Retrato
Movemento	Romanticismo
Catálogo crítico	Q99472474 (década de 1980)
Profesores	Carle Vernet (pt) e Pierre-Narcisse Guérin (pt)
Alumnos	Joseph Simon Volmar (pt)
Obra
Obras destacables (1819) A Balsa da Medusa (década de 1820) Portrait of a Kleptomaniac by Théodore Géricault (en) (1821) The 1821 Derby at Epsom (en)
Familia
Cónxuxe	sen valor
Fillos	Georges-Hippolyte Géricault
Descrito pola fonte	Grande Enciclopedia Soviética 1969-1978, (sec:Жерико Теодор) Obálky knih, Dicionario Enciclopédico Brockhaus e Efron

Jean-Louis André Théodore Géricault, coñecido como Théodore Géricault, nado en Ruán o 26 de setembro de 1791 e finado en París o 26 de xaneiro de 1824, foi un pintor francés do Romanticismo.

Traxectoria

Géricault mudouse para París co seu pai, un coñecido xurista, despois da morte da súa nai, e aos 10 anos ingresou no Liceo Imperial. Terminados os estudos, tivo aulas co pintor Vernet e anos máis tarde xa traballaba no taller de Pierre-Narcise Guérin, xunto con Delacroix.

Nos seus primeiros lenzos, Géricault amosou unha grande admiración por David e polos cánones estéticos neoclásicos. Dedicouse a copiar Rubens, Velázquez e Caravaggio. O seu primeiro lenzo importante foi Oficial de Cazadores a Cabalo Durante a Carga, co cal gañou a medalla de ouro da Academia en 1812. Esta obra reflicte a influencia de Gros e o cromatismo impactante e vigoroso que se observa en Rubens.

Despois de facer o servizo militar como mosqueteiro imperial na armada real, Géricault viaxou a Italia, onde estudou profundamente as obras de Michelangelo e Rafael. Na volta, en 1817, o pintor iniciou aquela que sería a súa obra prima, A Balsa da Medusa. Aínda que o tema do naufraxio sexa coherente coa desesperación romántica, o certo é que con este lenzo Géricault faise eco da crítica ao réxime, compadecéndose dos sobreviventes e dos mortos no naufraxio ocorrido por culpa do goberno. Sábese que a súa obsesión chegou a levalo a falar cos sobreviventes nos hospitais e inclusive a facer esbozos dos mortos no cemiterio.

A doenza, a loucura e o desespero pasaran entón a ser unha constante nos seus lenzos. O efecto do claro-escuro, que o pintor tanto admiraba en Caravaggio, inspirárano a crear ambientes patéticos e de intenso sufrimento. Anos despois, en Londres, Géricault retomou súa paixón polos cabalos, pintando o O Derby de Epson, que de certa forma anticipou a súa preocupación en captar o movemento. Tamén fixo lenzos de doentes mentais nun hospital. Logo dunha tentativa de suicidio, o pintor volveu a París, onde poucos meses despois, vítima dun accidente, acabou morrendo.

Obras

• 
  A hiena de Salpêtrière no museo de Belas Artes de Lión (Francia)
• 
  Estudo de nu masculino
• 
  A balsa da Medusa, Museo do Louvre - París (Francia).
• 
  Dous axustizados, Mus. Nacional - Estocolmo, (Suecia).
• 
  Captura dun cabalo bravo, Museo das Belas-Artes - Ruán (Francia).
• 
  O derby de Epson, Museo do Louvre - París.

Véxase tamén

Ligazóns externas

• Olga's Gallery: Théodore Géricault

---

Este artigo sobre arte é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---