Tamara Canosa

Tamara Canosa
	;
Biografía
Nacemento	12 de abril de 1983 (43 anos); A Coruña
Actividade
Ocupación	actriz, xestora cultural, Directora teatral, produtor de teatro
Premios
	(2008) Premio Mestre Mateo á mellor interpretación feminina protagonista, premiado polo traballo Pradolongo ;

Tamara Canosa Ferrío, nada na Coruña o 12 de abril^{[Cómpre referencia]} de 1983,^[1] é unha actriz e directora de teatro^[2] galega.

Traxectoria

Comezou na pequena pantalla en series e telefilmes autonómicos a finais dos anos 90, con papeis de adolescente. Así, encarnou a Laura na serie Mareas vivas, dos capítulos 54 ao 150. Fixo roles secundarios en diversas producións, o que lle abriu as portas ao debut cinematográfico da man de Gerardo Herrero en Heroína.

Outro papel importante foi coma secundaria na serie da TVG Valderrei, con 95 episodios. Dende o 2005 combina papeis televisivos en series coa interpretación na grande pantalla, en curtas como Bechos Raros ou Juan Marante, e a participación no filme Pradolongo, que protagonizou xunto con Rubén Riós e Roberto Porto. O seu traballo nesta película valeulle o Premio Mestre Mateo á mellor interpretación feminina protagonista do ano 2008. No 2012 volveu á gran pantalla con Ignacio Vilar no filme Vilamor.

En 2015 pasou a formar parte da xunta directiva da Academia Galega do Audiovisual.

Obras teatrais

Os actos e as profecías, 2024. Dirección e coautoría. Centro Dramático Galego
Soños 2023. Dirección. Culturactiva
Amantis. 2022. Dirección e coautoría. Rebordelos.
Liberto. 2020. Dirección e adaptación. Rebordelos.

Galardóns e nomeamentos

Premios Mestre Mateo

Ano	Categoría	Filme	Resultado
2007	Mellor interpretación feminina secundaria	Valderrei	Finalista
2008	Mellor interpretación feminina protagonista	Pradolongo	Gañadora
2016	Mellor interpretación feminina secundaria	Hospital Real	Finalista
2018	Mellor interpretación feminina secundaria	Trote	Finalista

Premios María Casares

Ano	Categoría	Obra	Resultado
2020	Mellor dirección e mellor adaptación	Liberto	Finalista

Notas

↑ CulturaGalega.gal (ed.). "Tamara Canosa en AVG". Consultado o 27 de febreiro de 2019.
↑ "Marelas Teatro estréase con 'Liberto'". Cultura Galega. 4 de marzo de 2019. Consultado o 5 de marzo de 2019.

Véxase tamén

Ligazóns externas

Rebordelos, empresa cultural da que é fundadora.
El escondite de las palabras, blog persoal.
Ficha na AVG

[1] CulturaGalega.gal (ed.). "Tamara Canosa en AVG". Consultado o 27 de febreiro de 2019.

[2] "Marelas Teatro estréase con 'Liberto'". Cultura Galega. 4 de marzo de 2019. Consultado o 5 de marzo de 2019.

[1]

[2]