Pradolongo (filme)

Pradolongo
	Rubén Riós, Ignacio Vilar e Roberto Porto
	Título Pradolongo
	Instancia de filme
	Xénero cinema dramático
	Lingua orixinal lingua galega
	Cor en cor
Autoría
	Director/a Ignacio Vilar
	Compositor/a Zeltia Montes
	Guionista Ignacio Vilar
	Editor/a de cine Guillermo Represa
	Actores Rubén Riós ; Roberto Porto ; Tamara Canosa ; Mela Casal
Temática
	Ambientado en Galicia
Publicación
	Data de publicación 2008
	País de orixe España
	Recadación 153.487,3 €
	Custo 1.200.000 €
	Premios Premio Mestre Mateo á mellor interpretación feminina protagonista (2008)
Dimensións
	Duración 2 horas e 34 minutos
Localizacións
	Localización rodaxe Galicia
Fontes e ligazóns
	Páxina WEB pradolongo.net
	Redes
	Wikidata

Para outras páxinas con títulos homónimos véxase: Pradolongo.

Pradolongo é un filme galego dirixido por Ignacio Vilar que se estreou no 2008. Rodado integramente en galego, a rodaxe fíxose na comarca de Valdeorras. Está protagonizado por Tamara Canosa, Rubén Riós, Mela Casal e Roberto Porto.

Sinopse

Pradolongo é a historia de tres amigos da infancia que ven como a súa amizade se deteriora a raíz das diferenzas de clase e dos conflitos amorosos que xorden nas súas vidas. Raquel, Martiño e Armando son tres amigos que acaban de cumprir a maioría de idade. O verán preséntase como todos os demais, con festas ou tardes no río, pero esta vez nada vai ser igual. O amor que os dous rapaces comezan a sentir por Raquel e a posible venda de Pradolongo (un prado de alta montaña pertencente á familia de Martiño) á empresa do pai de Armando, obrígaos a reconsiderar os soños e vencellos que os mantiveron unidos dende a infancia.

Personaxes

Rubén Riós como Martiño
Tamara Canosa como Raquel
Roberto Porto como Armando
Mela Casal como Maruxa
Gonzalo Rei Chao como Xervasio
Carlos Sante como Roi
Antonio Mourelos como Lourenzo
Cristina Rodríguez como Loli
Laura Álvarez como Neves
Belén Constenla como Lurdes
Pepo Suevos como Xosé Manuel
Ricardo de Barreiro como Celestino
Fernando Dacosta como Pedro
Marcos Viéitez como Ramón
Antón Olmos como Pepe

Recepción

Pradolongo estreouse nos cines galegos o 14 de marzo de 2008, cunha distribución limitada de 6 copias en salas comerciais, e no ano da estrea tivo 17.879 espectadores e recadou € 82.715,80. A súa recadación total dende a súa estrea ascende a €153.487,30.^[1] Ademais, saíu á venda cunha edición en DVD e Blu Ray, sendo o primeiro filme galego comercializado neste formato de alta definición.^[2]

Por outra banda, estreouse na TVG o 31 de marzo de 2009, sendo un dos filmes con maior audiencia da TVG, con 190.000 espectadores e un 20,0% de audiencia.^[3]

O 17 de abril de 2010, estreouse nas salas Cinemax de Braga, converténdose no primeiro filme en galego estreado en Portugal.^[4]

Galardóns e nomeamentos

A música do filme, obra de Zeltia Montes, gañou o premio Jerry Goldsmith en 2008, e en 2009 foi candidata aos premios Hollywood Music in Media Awards, na categoría de mellor composición novel. O filme recibiu en 2008 o IV premio cidade de San Sebastián Film Comission, galardón integrado na sección Made In Spain do Festival de San Sebastián.

Premio Cidade de San Sebastián 2008. Film Commission. 56 Edición do Festival de Cine de San Sebastián.
Premio Especial na XIII Edición do Festival de Cine Internacional de Ourense, 2008.
Premio Jerry Goldsmith Mellor Banda Sonora e Mellor Composición Novel, Zeltia Montes. IV Congreso Internacional de Música de Cine Cidade de Úbeda 2008.
Premio “Director’s Choice Gold Medal for Excellence. Park City Film Music Festival. Utah. USA. 2009
Premio Moondance Atlantis Award de la Banda Sonora Moondance International Film Festival de Colorado. (USA). 2009
Premio “Hollywood Music in Media Awards", Pradolongo nomeada na categoría "Best New Composer" (Mellor Compositor Novel/ Revelación). Os Ánxeles. USA. 2009.

Premios Mestre Mateo

Nos Premios Mestre Mateo 2008 da Academia Galega do Audiovisual (entregados en 2009) a actriz Tamara Canosa recibiu o galardón de mellor interpretación feminina protagonista por este filme.

Ano	Categoría	Receptor	Resultado
2ª edición	Mellor filme	Ignacio Vilar	Nomeado
	Mellor director	Ignacio Vilar	Nomeado
	Mellor actriz	Tamara Canosa	Gañadora
	Mellor montaxe	Guillermo Represa	Nomeado
	Mellor música orixinal	Zeltia Montes	Nomeada
	Mellor fotografía	Alberto Díaz "Bertirxi"	Nomeado

Galería de eventos promocionais e actores do filme

Notas

↑ mecd.gob.es (ed.). "Axudas á Cinematografía 2010" (PDF). Ministerio de Educación Cultura e Deporte de España. Arquivado dende o orixinal (PDF) o 02 de abril de 2015. Consultado o 3 de marzo de 2015.
↑ "Producións de Vía Láctea". Vía Lácta Filmes. Arquivado dende o orixinal o 29 de marzo de 2015. Consultado o 3 de marzo de 2015.
↑ "Pradolongo na TVG". Fórmula TV. Consultado o 3 de marzo de 2015.
↑ "'Pradolongo' triunfa en Portugal fronte ás superproducións". www.vieiros.com. Consultado o 2020-04-11.

Véxase tamén

Outros artigos

Lista de filmes en galego con maior recadación

Ligazóns externas

[1] .gob.es (ed.). "Axudas á Cinematografía 2010" (PDF). Ministerio de Educación Cultura e Deporte de España. Arquivado dende o orixinal (PDF) o 02 de abril de 2015. Consultado o 3 de marzo de 2015.

[2] "Producións de Vía Láctea". Vía Lácta Filmes. Arquivado dende o orixinal o 29 de marzo de 2015. Consultado o 3 de marzo de 2015.

[3] "Pradolongo na TVG". Fórmula TV. Consultado o 3 de marzo de 2015.

[4] "'Pradolongo' triunfa en Portugal fronte ás superproducións". www.vieiros.com. Consultado o 2020-04-11.

[1]

[2]

[3]

[4]