Symeon Lukach

Na Galipedia, a Wikipedia en galego.
Saltar ata a navegación Saltar á procura
Симеон Лукач
(Symeon Lukach)
Simeon Lukach.jpg
Bispo da Igrexa católica bizantina ucraína
Biografía
Nacemento7 de xullo de 1893
Pasamento22 de agosto de 1964
Bispo auxiliar de Ivano-Frankivsk
1945 - 1964
Outros
Ficha en catholic-hierarchy.org

Symeon Lukach (en ucraíno: Симеон Лукач), nado o 7 de xullo de 1893 e finado o 22 de agosto de 1964, foi un bispo grecocatólico ucraíno, finado como mártir e beatificado por Xoán Paulo II en 2001.

Traxectoria[editar | editar a fonte]

Lukach naceu na vila de Starunia, na rexión de Stanislaviv. Os seus pais eran granxeiros. Entrou no seminario en 1913, mais a Primeira Guerra Mundial interrompeu os seus estudos durante dous anos. Finalizounos en 1919, cando foi ordenado sacerdote por Hryhorii Khomyshyn. Posteriormente deu clases de Teoloxía moral no seminario de Stanislaviv até abril de 1945, cando Khomyshyn consagrouno bispo en segredo.

O 26 de outubro de 1949 foi arrestado por vez primeira polo NKVD e deportado a Siberia para dez anos de traballos forzados. Logo de cumprir a metade da condena, foi liberado o 11 de febreiro de 1955. Continuou a exercer o seu ministerio de xeito clandestino, e en xullo de 1962 foi novamente arrestado. Foi xulgado canda a Ivan Sleziuk, tamén bispo na clandestinidade, e foi sentenciado a cinco anos máis de prisión. Na cadea contraíu tuberculose, e foi liberado e enviado á súa vila natal, onde finou o 22 de agosto de 1964.

O papa Xoán Paulo II beatificouno o 27 de xuño de 2001 na súa visita pastoral a Ucraína, xunto a Mykolai Charnetskyi e compañeiros mártires.[1]

Notas[editar | editar a fonte]