Nykyta Budka

Na Galipedia, a Wikipedia en galego.
Saltar ata a navegación Saltar á procura
Nykyta Budka
Никита Будка (1877 - 1949).jpg
Bispo da Igrexa católica bizantina ucraína
Ordes
Ordenación sacerdotal25 de outubro de 1905, por Andrei Sheptytskyi
Consagración episcopal13 de outubro de 1912, por Andrei Sheptytskyi
Exarca apostólico do Canadá
1912 - 1928
SucesorVasyl Ladyka
Outros
Ficha en catholic-hierarchy.org

O Beato Nykyta Budka (en ucraíno: Никита Будка), nado o 7 de xuño de 1877 en Dobromirka (Reino de Galicia e Lodomeria) e finado o 1 de outubro de 1949 nun campo de concentración en Qarağandı (RSS de Casaquistán), foi un eclesiástico católico ucraíno, exarca apostólico do Canadá entre 1912 e 1928, e posteriormente mártir baixo o réxime soviético.

Traxectoria[editar | editar a fonte]

Nykyta Budka naceu o 7 de xuño de 1877 na aldea de Dobromirka, no Reino de Galicia e Lodomeria (hoxe no distrito de Zbarazh da rexión de Ternopil).[1][2] Logo de rematar a súa formación teolóxica no Collegium Canisianum de Innsbruck, foi ordenado sacerdote o 14 de outubro de 1905 polo metropolita Andrei Sheptytskyi,[1][2] e dende o comezo prestou moita atención á emigración ucraína.[2] O 8 de xaneiro de 1909 doutorouse en Teoloxía polo Frintaneum de Viena.[1][2]

O 15 de xullo de 1912 a Santa Sé nomeouno exarca apostólico do Canadá e bispo titular de Patara,[2] recibido a consagración episcopal o 13 de outubro de 1912 de mans de Andrei Sheptytskyi, e tendo como co-consagradores a Hryhorii Khomyshyn e a Konstantyn Chekhovych.[1]

En novembro de 1928 renunciou como exarca e volveu a Lviv como bispo auxiliar, e alí foi vigairo xeral.[1][2] O 11 de abril de 1945 foi arrestado xunto a outros bispos e condenado a oito anos de prisión. Caracterizouse por un constante apoio espiritual e consolación aos seus compañeiros no campo de concentración. Finou como mártir en Qarağandı, segundo algunhas fontes o 1 de outubro[2] e segundo outras o 6 de outubro de 1949.[1][3][4] O seu cadáver foi abandonado no bosque para ser devorado pola fauna salvaxe.[2]

Culto[editar | editar a fonte]

O papa Xoán Paulo II beatificouno o 27 de xuño de 2001 na súa visita pastoral a Ucraína, xunto a Mykolai Charnetskyi e compañeiros mártires.[5][6]

Notas[editar | editar a fonte]

  1. 1,0 1,1 1,2 1,3 1,4 1,5 Blazejowskyj, Dmytro (1990). Hierarchy of the Kyivan Church (861-1990). Roma: Editiones Universitatis Catholicae Ucrainorum S. Clementi Papae. pp. 315, 348. OCLC 22834909. 
  2. 2,0 2,1 2,2 2,3 2,4 2,5 2,6 2,7 Burns, Paul (2005). Butler's Saints of the Third Millennium: Butler's Lives of the Saints: Supplementary Volume. Bloomsbury Publishing. pp. 77–78. ISBN 9781441130778. 
  3. Zinkevych, Osyp; Sorokowski, Andrew, eds. (1988). A Thousand Years of Christianity in Ukraine: An Encyclopedic Chronology. Smoloskyp Publishers, National Committee to Commemorate the Millenium of Christianity in Ukraine. p. 247. ISBN 9780914834588. 
  4. Galter, Albert (1957). The Red Book of the Persecuted Church. Newman Press. p. 453. 
  5. Os outros mártires da Igrexa Católica Ucraína beatificados canda el foron: os bispos Yosafat Kotsylovskyi, Symeon Lukach, Vasyl Velychkovskyi, Ivan Sleziuk, Hryhorii Khomyshyn e Hryhorii Lakota; os presbíteros Mykola Konrad, Andrii Ishchak, Roman Lysko, Mykola Tsehelskyi, Petro Verhun e Oleksii Zarytskyi; os relixiosos Yakym Senkivskyi, Severiian Baranyk, Zenon Kovalyk, Vitalii Bairak e Ivan Ziatyk; as relixiosas Tarsykiia Matskiv, Olimpiia Bida e Lavrentiia Harasymiv; e o laico Volodymyr Pryima. Tamén foron beatificados os bispos grecocatólicos rusos Leonid Fedorov e Klymentii Sheptytskyi; e o bispo ruteno Teodor Romzha.
  6. Resch, Andreas (2006). I beati di Giovanni Paolo II. Libreria Editrice Vaticana. p. 108. ISBN 9788820978334. 

Véxase tamén[editar | editar a fonte]

Bibliografía[editar | editar a fonte]

  • McVay, Athanasius (2014). God's Martyr, History's Witness: Blessed Nykyta Budka, the First Ukrainian Catholic Bishop of Canada (en inglés). Ukrainian Catholic Eparchy of Edmonton. ISBN 9780980930917. 
  • Hryniuk, Stella (1988). "Pioneer Bishop, Pioneer Times: Nykyta Budka in Canada". Historical Studies (en inglés) (Canadian Catholic Historical Association) (55): 21–41. ISSN 1193-1981. 

Este artigo tan só é un bosquexo
 Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.