Steve McQueen

Na Galipedia, a Wikipedia en galego.
Steve McQueen
Steve McQueen.png
Nome completoTerrence Stephen McQueen
Nacemento24 de marzo de 1930
LugarBeech Grove, Indiana, Estados Unidos de América Estados Unidos
Falecemento7 de novembro de 1980 (50 anos)
LugarCiudad Juárez, Chihuahua, Flag of Mexico.svg México
Causacancro de pulmón
NacionalidadeEstados Unidos de América
Educado enNeighborhood Playhouse School of the Theatre, Boys Republic, Actors Studio e HB Studio
PaiWilliam McQueen
NaiJulia Crawford
Cónxuxe(s)Neile Adams (1956–72)
Ali MacGraw (1973–78)
Barbara Minty (1980)
FillosTerry, Chad
ProfesiónActor
Na rede
https://stevemcqueen.com/
IMDB: nm0000537 Allocine: 2188 Rottentomatoes: celebrity/1010407-steve_mcqueen Allmovie: p48038 TCM: 128731 TV.com: people/steve-mcqueen IBDB: 106871
Discogs: 553278 WikiTree: McQueen-764 Find a Grave: 1318 Editar o valor em Wikidata
editar datos en Wikidata ]

Terrence Stephen "Steve" McQueen, nado o 24 de marzo de 1930 en Beech Grove e finado o 7 de novembro de 1980 en Ciudad Juárez, foi un actor estadounidense.

Traxectoria[editar | editar a fonte]

Mocidade[editar | editar a fonte]

McQueen nunca coñeceu o seu pai, que abandonou a súa nai pouco antes de nacer el. Criouse na casa do seu tío no estado de Missouri, e aos doce anos era un mozo rebelde. O seu tío tomou a decisión de envialo coa súa nai, que vivía nos Ánxeles, mais tan só dous anos despois foi enviado a un reformatorio.

Abandonou o reformatorio e vagou ata alistarse nos marines en 1947. Cinco anos máis tarde, tendo en conta que o goberno prestaba axuda económica aos militares para que se reincorporasen á vida civil, decidiu ser actor e comezou a estudar no Actors Studio de Nova York.

Cinema[editar | editar a fonte]

En 1955 conseguiu o seu primeiro papel en Broadway e un ano despois actuou en papeis secundarios no cinema. En 1958 protagonizou o filme de ficción científica The Blob. Durante os anos seguintes, de 1958 a 1961, protagonizou a serie de televisión Wanted Dead or Alive, que o fixo un actor moi popular, lanzouno á fama e valeulle o recoñecemento da crítica.

Pero o filme que o converteu nunha estrela foi A grande evasión (1963). Foi candidato ao Óscar ao mellor actor por protagonizar The Sand Pebbles (1966) e repitiu o éxito con Bullitt (1968). Ese mesmo ano protagonizou outro clásico, The Thomas Crown Affair (1968).

A partir de entón, McQueen foi combinando papeis de acción, como o filme de carreiras de coches Le Mans (1971), o éxito The Getaway (1972), con papeis de carácter, como en Papillon (1973), demostrando que ademais dunha estrela era un bo actor. Outros papeis salientables foron os de The Cincinnati Kid e o filme de Sam Peckinpah, Junior Bonner.

Despois de The Towering Inferno (1974) e en que McQueen compartiu cartel con actores como Paul Newman e William Holden, retirouse durante uns anos do cinema. Regresou en 1978 para actuar en An Enemy of the People, baseado na obra homónima de Henrik Ibsen.

McQueen foi un grande afeccionado ás motocicletas e aos automóbiles de carreiras. Amaba as máquinas veloces e aproveitaba cada ocasión que podía para conducir el mesmo os vehículos nas escenas dos seus filmes en que había persecucións de motocicletas ou coches. No transcurso da súa carreira como actor chegou a considerar seriamente converterse en piloto de carreiras. foi amigo persoal do mestre de artes marciais Bruce Lee.[1]

Despois de 1978, McQueen protagonizou dous filmes máis, un dos cales, Tom Horn, destaca pola súa excelente interpretación.

Falecemento[editar | editar a fonte]

Steve McQueen morreu de cancro de pulmón en 1980 aos cincuenta anos en Ciudad Juárez, Chihuahua, México. Crese que a doenza puido estar relacionada coa inhalación do amianto que contiñan os traxes que usaba para limpar os cascos dos buques da mariña.[2]

Vida persoal[editar | editar a fonte]

McQueen casou en tres ocasións:

  • Coa actriz e bailarina filipina Neile Adams (1956-1972),[3] nai dos seus dous fillos Terry Leslie e Chad.
  • Coa actriz e modelo Ali MacGraw (1973-1978).[4]
  • Casou con Barbara Minty en xaneiro de 1980, dez meses antes de morrer.[5]

Filmografía[editar | editar a fonte]

Notas[editar | editar a fonte]

  1. Burrows, Alyssa (21 de outubro de 2002). "Lee, Bruce (1940–1973), Martial Arts Master and Film Maker". History Link.org. Arquivado dende o orixinal o 9 de xullo de 2018. Consultado o 15 de abril de 2017. 
  2. McQueen, Steve (1980). Medical interview. Entrevista con Burgh Joy, clinical professor at UCLA. Personal archives of Barbara McQueen. 
  3. "Steve McQueen: King of Cool". Life. 1 de xuño de 1963. Arquivado dende o orixinal o 27 de maio de 2010. Consultado o 11 de setembro de 2009. 
  4. Rachel Sexton (2009). "Steve McQueen – Career Retrospective". moviefreak.com. Arquivado dende o orixinal o 6 de maio de 2009. Consultado o 11 de setembro de 2009. 
  5. All Movie Guide (2009). "title". American Movie Classics Company LLC. Arquivado dende o orixinal o 25 de novembro de 2009. Consultado o 11 de setembro de 2009. 

Véxase tamén[editar | editar a fonte]

Bibliografía[editar | editar a fonte]