Sergio Vázquez Rouco
| Biografía | |
|---|---|
| Nacemento | 15 de setembro de 1933  Salaia, España |
| Morte | 3 de abril de 2006 (72 anos) |
| Lugar de sepultura | Salaia |
| Relixión | Igrexa católica |
| Educación | Universidade Pontificia de Salamanca Universidade Pontificia Comillas |
| Actividade | |
| Ocupación | sacerdote católico, historiador |
  | |
Sergio Vázquez Rouco, nado o 15 de setembro de 1933 na parroquia de Salaia (Palas de Rei)[1] e finado o 3 de abril de 2006,[2] foi un sacerdote e historiador galego.
Traxectoria
[editar | editar a fonte]Foi ordenado presbítero en 1962 e licenciouse en teoloxía pola Universidade Pontificia de Salamanca en 1966. Foi coadxutor da parroquia de San Xoán de Poio entre 1967 e 1970 e párroco até 1982.[1]
Após se trasladar a Madrid, entre os anos 1983 e 1987, doutorouse e realizou a carreira de Antropoloxía relixiosa e Ética na Universidade Pontificia Comillas e no Instituto Superior de Ciencias Morais. De 1987 a 1990 foi director da igrexa de Buena Dicha.[1]
De volta a Galiza, entre 1990 e 1995, foi profesor de relixión no instituto Eduardo Pondal de Compostela á parte de vigairo das parroquias de San Mamede do Monte, Covas e San Cibrán de Barcala.[1]
Desde o 1 de xaneiro de 1996 foi párroco de Curtis. Como tal, realizou numerosas obras de acondicionamento e mellora das instalacións, quer nas igrexas de Santaia e Teixeiro, quer na súa contorna. Restaurou a casa reitoral de Teixeiro, participou na reconstrución da antiga fonte da Nosa Señora de Teixeiro e impulsou a figura de San Pedro de Mezonzo.[1][3][4]
Finou o 3 de abril de 2006, con 72 anos.[2] Foi enterrado na súa parroquia natal o 6 de abril[5] e o seu funeral foi celebrado polo arcebispo Julián Barrio na igrexa de Teixeiro o 28 de abril.[2]
Obra
[editar | editar a fonte]- San Xoán de Poio. Monasterio, coto, parroquia (Cambados, 1998). ISBN 978-84-89690-40-0.
- Santa Eulalia de Curtis: Cuna de San Pedro de Mezonzo. Coto - Monasterio - Parroquia (Teixeiro, 2002)
- Artigos
Notas
[editar | editar a fonte]- ↑ 1,0 1,1 1,2 1,3 1,4 Vázquez Rouco, Sergio (2002). Santa Eulalia de Curtis: Cuna de San Pedro de Mezonzo. Coto - Monasterio - Parroquia (en castelán). Teixeiro. pp. 289–295.
- ↑ 2,0 2,1 2,2 "Esquelas". La Voz de Galicia (en castelán). 23.4.2006. p. 51. Arquivado dende o orixinal o 16-09-2019. Consultado o 18-05-2019.
- ↑ Rodríguez, Pacho (5.9.2000). "Desenterrando la fuente de la edad". La Voz de Galicia (en castelán). p. 3.
- ↑ Vázquez Rouco, Sergio (23.12.2003). «Hemos redescubierto el valor de San Pedro de Mezonzo». La Voz de Galicia (en castelán). Entrevista con Francisco Espiñeira.
- ↑ "Esquelas". La Voz de Galicia. 6.4.2006. p. 57. Arquivado dende o orixinal o 16-09-2019. Consultado o 18-05-2019.
- ↑ Vázquez Rouco, Sergio (1992). "Provinciales de la Merced en Castilla: 1361-1834". El Museo de Pontevedra (en castelán) (46): 359–396. ISSN 0210-7791.
Véxase tamén
[editar | editar a fonte]Bibliografía
[editar | editar a fonte]- "Vázquez Rouco, Sergio". Dicionario biográfico de Galicia 3. Ir Indo Edicións. 2010-2011. p. 298.
