Universidade Pontificia Comillas
| Universidade Pontificia Comillas | |||||||||
|---|---|---|---|---|---|---|---|---|---|
.jpg){kind=logo} | |||||||||
_01.jpg) | |||||||||
|
Parte de
| |||||||||
|
Lingua usada
| |||||||||
|
Composto por
Faculty of Canon Law of the Comillas Pontifical University Madrid (en)
 Faculty of Theology of the Comillas Pontifical University (en) Faculty of Human and Social Sciences of the Comillas Pontifical University (en) Escola Técnica Superior de Enxeñería - ICAI ICADE Facultad de Ciencias Económicas y Empresariales (ICADE) (en) "San Juan de Dios" School of Nursing and Physiotherapy (en)  | |||||||||
| Persoas e organizacións | |||||||||
|
Reitor/a
| |||||||||
|
Cadro de persoal
2186 | |||||||||
|
Entidades subsidiarias
| |||||||||
| Datas | |||||||||
| |||||||||
| Cronoloxía | |||||||||
| |||||||||
| Localización | |||||||||
| |||||||||
| Identificadores | |||||||||
| |||||||||
| Fontes e ligazóns | |||||||||
| |||||||||
| Wikidata C:Commons | |||||||||
A Universidade Pontificia Comillas é unha universidade privada, da Igrexa Católica, dirixida pola Compañía de Xesús, con sede en Madrid. En 2010 tiña 9.301 alumnos e 1.712 profesores.[1]
Historia
[editar | editar a fonte]
Foi creada como Seminario de San Antonio de Padua de Comillas o 16 de decembro de 1890 en Comillas (Cantabria), erixido polo papa León XIII, mediante o Breve Sempiternam Dominici Gregis.[2] Nos seus inicios era un seminario católico para a formación de candidatos ao sacerdocio, promovido a instancias do pai xesuíta Tomás Gómez Carral (1837-1898) e construído polo seu patrocinador, Antonio López y López (1817-1883), primeiro marqués de Comillas, e o seu fillo Claudio López Bru (1853-1925), segundo marqués de Comillas, que continuaría o labor do seu pai. A súa disciplina interna e calidade académica fixeron del un lugar no que confluíron un importante número de vocacións sacerdotais procedentes de todas as dioceses españolas, hispanoamericanas e de Filipinas. O aumento da súa actividade fixo que paulatinamente foran agregándose novos edificios aos xa existentes: Seminario Maior (1882), Seminario Menor (1912), Colexio Máximo (1944) e o Colexio Hispanoamericano (1946).
O 19 de marzo de 1904, o Papa San Pio X concede ó Seminario Pontificio de Comillas, por medio do Decreto "Praeclaris honoris argumentas", a facultade de conferir graos académicos en Filosofía, Teoloxía e Dereito Canónico, converténdoo en Universidad Pontificia.
O 24 de xaneiro de 1969, o Papa Paulo VI autoriza e referenda mediante carta ao Gran Chanceler o traslado a Madrid da universidade e a súa apertura á ensinanza de segrares.
O día 20 de xuño de 1978 realizouse a erección canónica e a incorporación da Escola Técnica Superior de Enxeñeiros Industriais, da Facultade de Ciencias Económicas e Empresariais, da Facultade de Dereito e da Escola Universitaria de Enxeñería Técnica Industrial (centros universitarios de ICAI-ICADE) á agora denominada Universidade Pontificia Comillas. O Estado Español recoñeceu plenos efectos civís aos estudos cursados nas mencionadas Escolas e Facultades, por Real Decreto 1610/1979, de 4 de abril, de conformidade co establecido no Convenio entre a Santa Sé e o Goberno Español de 5 de abril de 1962.
Posteriormente incorporáronse á universidade novos centros de estudo e investigación, ata chegar ás 4 facultades, 2 escolas e 7 institutos que a compoñen actualmente.
Campus e centros
[editar | editar a fonte]
- Rúa Alberto Aguilera 23, Madrid
- Facultade de Teoloxía
- Facultade de Dereito Canónico
- Facultade de Dereito (ICADE)
- Facultade de Ciencias Económicas e Empresariais (ICADE)
- Instituto Universitario de Espiritualidade
- Instituto Universitario da Familia
- Instituto de Idiomas Modernos
- Rúa Alberto Aguilera 25, Madrid
- Rúa Santa Cruz de Marcenado 26, Madrid
- Instituto de Investigación Tecnolóxica
- Rúa Quintana 21 e 23, Madrid
- Facultade de Ciencias Humanas e Sociais
- Instituto Universitario de Estudos sobre Migracións
- Cátedra Javier Benjumea (Focus-Abengoa) de Ética Económica e Empresarial
- Rúa Rey Francisco 4, Madrid
- Rúa Universidad de Comillas 3-5, Cantoblanco
- Facultade de Teoloxía
- Facultade de Ciencias Humanas e Sociais
- Instituto Universitario de Ciencias da Educación
- Avenida de San Juan de Dios 1, Ciempozuelos
- Escola Universitaria de Enfermería e Fisioterapia "San Juan de Dios"
Antigos alumnos
[editar | editar a fonte]
Na Universidade Pontificia Comillas formáronse importantes profesionais para a vida económica de España, especialmente na rama do dereito e a empresa. Podemos citar entre diversos empresarios de renome a Sebastián Escarrer (Conselleiro delegado de Sol Meliá), Juan Arena (presidente de Bankinter), Carlos Espinosa de los Monteros (presidente de Mercedes Benz España), Javier Benjumea (presidente de Abengoa), Amparo Moraleda (directora da área Internacional de Iberdrola), Ignacio Sánchez Galán (presidente de Iberdrola), Fernando Conte (expresidente de Iberia), Magda Salarich Fernández de Valderrama (conselleira delegada de Citröen) ou Rafael Miranda (conselleiro delegado de Endesa). Na política, algúns alumnos acadaron postos de importancia, incluíndo a Diego López Garrido (Secretario de Estado para a Unión Europea), Pilar Barreiro Álvarez (alcaldesa de Cartagena), José Bono (ministro), Rodrigo Rato, Enrique Barón (ministro) ou Ginés López (exalcalde de Arganda del Rey).
Notas
[editar | editar a fonte]- ↑ "Fundación Universidad.es". Arquivado dende o orixinal o 30 de setembro de 2010. Consultado o 08 de novembro de 2010.
- ↑ Ministerio de Cultura de España
Véxase tamén
[editar | editar a fonte]Ligazóns externas
[editar | editar a fonte]- Universidad Pontificia Comillas. Arquivado 15 de xullo de 2006 en Wayback Machine.
- Asociación de Antiguos Alumnos de ICADE-COMILLAS.
| Control de autoridades |
|
|---|
