Rosh HaAyin
Coordenadas: 32°05′44″N 34°57′24″L / 32.09556, -34.95667
| Rosh HaAyin | ||
|---|---|---|
| רֹאשׁ הָעָיִן | ||
| ||
 | ||
| Localización | ||
  Rosh HaAyin | ||
| País |  Israel | |
| Distritos de Israel | Centro | |
| Xeografía | ||
| Altitude | 41[1] msnm | |
| Superficie | 24,39 km² | |
| Demografía | ||
| Poboación | 38 500 hab. (2009)[2] | |
| Densidade | 6 099,04 hab/km² | |
| Outros datos | ||
| Alcalde | Moshe Sinai | |
| Rosh-HaAyin.muni.il | ||
Rosh HaAyin (en hebreo רֹאשׁ הָעָיִן, en árabe روش هاعين, literalmente Fonte Superior) é unha cidade de Israel pertencente ao Distrito Centro de Israel. Ao oeste de Rosh HaAyin está a fortaleza de Antipatris e a fonte do río Yarkon. Ao sueste está a fortaleza de Migdal Afek (Migdal Tzedek).[3] No ano 2009 a poboación da cidade era de 38.500.[2] A cidade está situada a 25 km ao leste de Tel-Aviv.
Historia[editar | editar a fonte]
Rosh HaAyin foi fundada na década de 1950 preto do lugar onde se atopaba a antiga Antipatris, nos terreos da vila palestina de Majdal Sadek, tamén coñecida como Majdal Yaba (que significa torre de Iafa). Os residentes palestinos foron forzados a marchar en xullo de 1948, logo de que se establecera o estado de Israel. Moitos dos xudeus residentes logo de 1950 eran xudeus iemenís chegados en avión a Israel en 1949 e 1950 na Operación Alfombra Máxica.
Durante décadas Rosh HaAyin foi coñecida como "a cidade iemení". Así a todo, na década dos '90 construíronse novos e grandes barrios, constituíndo de feito unha nova cidade que atraeu a un considerable número de xudeus doutras orixes. A cidade mantén aínda, con todo, unha gran poboación iemení, concentrada principalmente nos varrios máis vellos.
Demografía[editar | editar a fonte]
Segundo o Israel Central Bureau of Statistics (CBS), en 2001 o principal grupo étnico na cidade eran os xudeus e os non-árabes, cun 99,8 % da poboación, non contando cunha poboación árabe significativa. Tiña 17.400 homes e 17.400 mulleres.
Hai unha gran cantidade de xente nova, sendo a porcentaxe por idades de:
- 40,7 % de 0-19 anos.
- 12,7 % de 20-29 anos.
- 25,8 % de 30-44 anos.
- 13,0 % de 45-59 anos.
- 2,6 % de 60-64.
- 5,3 % de 65 anos e máis.
A taxa de crecemento anual está en torno ao 2,5 %.
Cidades irmás[editar | editar a fonte]
Notas[editar | editar a fonte]
- ↑ Fonte: Fallingrain.com
- ↑ 2,0 2,1 "Table 3 - Population of Localities Numbering Above 2,000 Residents and Other Rural Population" (PDF). Israel Central Bureau of Statistics. 2009-12-31. Consultado o 17-10-2012.
- ↑ "Rosh Ha'Ayin". Partnerships with Israel. Jewish Agency for Israel. Consultado o 17-10-2012.
Véxase tamén[editar | editar a fonte]
Ligazóns externas[editar | editar a fonte]
- Sitio web oficial (en hebreo) (en inglés)
- Imaxes en pbase.com
| Cidades |  | |
|---|---|---|
| Consellos locais | ||
| Consellos Rexionais | ||
| Boroughs | ||
| Véxase tamén | ||
| ||
