Roberto Varela

Na Galipedia, a Wikipedia en galego.
Saltar ata a navegación Saltar á procura
Roberto Varela
Roberto Varela, conselleiro de Cultura e Turismo.jpg
Nacemento22 de marzo de 1959
 Meaño
NacionalidadeEspaña
Alma máterUniversidade de Barcelona
Ocupacióndiplomático e político
editar datos en Wikidata ]

Roberto Varela Fariña, nado en Meaño o 22 de marzo de 1959, é un diplomático e político galego.

Traxectoria[editar | editar a fonte]

É licenciado en Filosofía pola Universidade de Barcelona e en Relacións Internacionais polo ILERI parisiense. Fai funcións de diplomático desde 1989, ingresando no Ministerio de Asuntos Exteriores de España como xefe de Área de Relacións Económicas con Iberoamérica. Así mesmo, traballou nas embaixadas españolas en Bonn (Alemaña), e Kuwait. Máis tarde, a partir de 2004, desenvolveu as funcións de cónsul de España na cidade norteamericana de Nova York, encargándose de asuntos culturais.

En abril de 2009 foi nomeado conselleiro de Cultura e Turismo da Xunta de Galiza que preside Alberto Núñez Feijóo, se ben non estaba afiliado ao Partido Popular. En xaneiro de 2012 cesou como conselleiro. A comezos de marzo de 2012 foi nomeado embaixador de España en Uruguai, posto no que permaneceu ata abril de 2017, cando foi designado director xeral de Relacións Culturais e Científicas da Agencia Española de Cooperación Internacional para el Desarrollo.

É (en 2021) conselleiro de asuntos culturais da embaixada de España en Francia[1].

Controversias[editar | editar a fonte]

En 2010, na Fitur de Madrid, referiuse ao concello de Sobrado dos Monxes como "Desván de los Monjes"[2][3], creando unha polémica e chimpando por riba da oficialidade única dos topónimos galegos. Perante as queixas e recriminacións da oposicións, Varela dixo que era unha farsa e chamou "estúpidos" a quen cresen nese episodio[4]. Así mesmo, poucas semanas antes deste episodio, xa irara o conxunto da industria cultural galega ao se referir á cultura galega como "unha cultura acomplexada e ensimesmada"[5].

Obra[editar | editar a fonte]

Galería de imaxes[editar | editar a fonte]


Predecesor:
Ánxela Bugallo
 Escudo de Galicia.svg
conselleiro de Cultura e Turismo
 
2009–2012
Sucesor:
Xesús Vázquez Abad


Notas[editar | editar a fonte]

  1. ""Os ataques que recibín sendo conselleiro doéronme moito; sentinme só e incomprendido. Non entendía nada"". Praza Pública. 2021-02-06. Consultado o 2021-02-08. 
  2. Vídeo en YouTube (consultado o 8 de marzo de 2010)
  3. Puentes, Iván (29/1/2010) "Desván de los Monjes" anosaterra.org, (consultado o 8 de marzo de 2010)
  4. "Eu non dimito. Só os estúpidos cren que dixen Desván de los Monjes" El Correo Gallego, 25 de febreiro de 2010 (consultado o 8 de marzo de 2010)
  5. "O conselleiro ve acomplexada e ensimesmada a cultura galega, Galicia Hoxe (20 de xaneiro de 2010)
  6. Pontevedra, Diario de (2021-01-20). ""Somos memoria e esquecemento"". Diario de Pontevedra (en castelán). Consultado o 2021-01-20.