Saltar ao contido

Roberto Varela

Na Galipedia, a Wikipedia en galego.
Modelo:BiografíaRoberto Varela

(2009) Editar o valor en Wikidata
Biografía
Nacemento22 de marzo de 1959 Editar o valor en Wikidata (67 anos)
Dena Editar o valor en Wikidata
Embaixador de España no Uruguai
2012 – 2017 Editar o valor en Wikidata
Datos persoais
EducaciónUniversidade de Barcelona Editar o valor en Wikidata
Actividade
Ocupacióndiplomático, político Editar o valor en Wikidata

Roberto Varela Fariña, nado en Dena (Meaño) o 22 de marzo de 1959, é un diplomático, poeta e político galego. Desde o ano 2009 ata o 2012 foi conselleiro de Cultura e Turismo da Xunta de Galicia e desde o 2012 ata o ano 2017 foi embaixador de España no Uruguai. Actualmente é conselleiro de asuntos culturais na Embaixada de España na Arxentina.

Traxectoria

[editar | editar a fonte]

É licenciado en Filosofía pola Universidade de Barcelona e en Relacións Internacionais polo Institut libre d'étude des relations internationales (ILERI) da cidade de París.

Ingresou na carreira diplomática en 1989, cando entrou no Ministerio de Asuntos Exteriores de España como xefe de Área de Relacións Económicas con América Latina. Deseguido, traballou nas embaixadas españolas de Bonn (Alemaña) e Kuwait. Anos máis tarde, a partir de 2004, desenvolveu as funcións de cónsul de España na cidade norteamericana de Nova York, encargándose de asuntos culturais.[1]

O 20 de abril de 2009 foi nomeado conselleiro de Cultura e Turismo da Xunta de Galiza, presidida por Alberto Núñez Feijóo do Partido Popular, se ben non estaba afiliado ao partido, declarándose independente.[2] O 4 de xaneiro de 2012 cesou como conselleiro, sendo sucedido por Xesús Vázquez Abad. A comezos de marzo de 2012 foi nomeado embaixador de España no Uruguai, como sucesor da anterior embaixadora Aurora Díaz-Rato Revuelta,[3] tras presentar as súas cartas credenciais perante o presidente do país José Mujica. En maio de 2017 cesou do cargo, e foi sucedido por Javier Sangro, e pasou a ser designado director xeral de Relacións Culturais e Científicas da Axencia Española de Cooperación Internacional para o Desenvolvemento.[4]

Por resolución do 3 de xullo de 2018 do Ministerio de Asuntos Exteriores,[5] foi designado conselleiro de asuntos culturais da embaixada de España en Francia.[6] En abril de 2023 foi designado conselleiro de asuntos culturais da embaixada de España en Arxentina[7].

Polémicas

[editar | editar a fonte]

No ano 2009, nunhas declaracións pouco despois de asumir o cargo de conselleiro de Cultura e Turismo comentou: «la cultura gallega está muy bien pero limita».[2][8][9] No ano 2010, durante a celebración da Fitur en Madrid, leu un texto onde se referían ao concello de Sobrado dos Monxes coa tradución automática de «Desván de los Monjes»[10][11][12]. Perante as queixas e a recriminación da oposición, Varela dixo que era unha farsa e chamou «estúpidos» aos que cresen nese episodio.[13] Do mesmo xeito, poucas semanas antes, referiuse á cultura galega dicindo: «creo que la cultura gallega está ensimismada y a veces también acomplejada».[8][13][14]

Obra

[editar | editar a fonte]
Predecesor:
Ánxela Bugallo		  
Conselleiro de Cultura e Turismo 
2009–2012		 Sucesor:
Xesús Vázquez Abad

Notas

[editar | editar a fonte]
  1. ↑ "El ex conselleiro Roberto Varela, nuevo embajador de España en Uruguay". El Mundo (en castelán). 02-03-2012. Consultado o 24-01-2024.
  2. 1 2 Bugallal, Isabel (23-04-2009). "Roberto Varela: "La cultura gallega está muy bien pero limita, prefiero la cultura hecha en Galicia"". La Opinión de A Coruña (en castelán). Consultado o 24-01-2024.
  3. ↑ "El Gobierno nombra a Roberto Varela embajador en Uruguay". El País (en castelán). 02-03-2012. Consultado o 24-01-2024.
  4. ↑ "El embajador español en Uruguay dirigirá Relaciones Culturales de la Aecid". El Periódico (en castelán). 18-04-2017. Consultado o 24-01-2024.
  5. ↑ "Resolución de 23 de julio de 2018, de la Subsecretaría, por la que se resuelve la convocatoria de libre designación, efectuada por Resolución de 3 de julio de 2018, en la Carrera Diplomática" (PDF) (108). BOE. 30-07-2018: 76405. Consultado o 25-01-2024.
  6. ↑ Dopico, Montse (06-02-2021). "Os ataques que recibín sendo conselleiro doéronme moito; sentinme só e incomprendido. Non entendía nada". Praza.gal. Consultado o 24-01-2024.
  7. ↑ "BOE-A-2023-9421 Resolución de 12 de abril de 2023, de la Subsecretaría, por la que se resuelve la convocatoria de libre designación, efectuada por Resolución de 9 de febrero de 2023, en la Carrera Diplomática.". www.boe.es. Consultado o 2026-03-09.
  8. 1 2 Salgado, Daniel (20-01-2010). "Los 11 premios nacionales piden la dimisión de Roberto Varela". El País (en castelán). Consultado o 24-01-2024.
  9. ↑ Abet, Patricia (13-05-2011). "Cultura, un viraje de 180 grados". ABC (en castelán). Consultado o 24-01-2024. Un perfil «cosmopolita»
  10. ↑ «Desván de los Monjes» (YouTube). Consultado o 24-01-2024.
  11. ↑ Puentes, Iván (20-01.2010). "Desván de los Monjes". A Nosa Terra. Arquivado dende o orixinal o 10-01-2014. Consultado o 24-01-2024.
  12. ↑ "El conselleiro de Cultura sí dijo «Desván de los Monjes» para referirse a Sobrado dos Monxes". La Voz de Galicia (en castelán). 08-03-2010. Consultado o 24-01-2024.
  13. 1 2 "Eu non dimito". El Correo Gallego. 25-02-2010. Arquivado dende o orixinal o 24-08-2012. Consultado o 24-01-2024.
  14. ↑ "O conselleiro ve acomplexada e ensimesmada a cultura galega". Galicia Hoxe. 20-01-010. Arquivado dende o orixinal o 31-07-2012.
  15. ↑ López, Belén (20-01-2021). "Somos memoria e esquecemento". Diario de Pontevedra. Consultado o 24-01-2024.

Véxase tamén

[editar | editar a fonte]
Obtido de «https://gl.wikipedia.org/w/index.php?title=Roberto_Varela&oldid=7332423»