Pterosauria

Na Galipedia, a Wikipedia en galego.
Pterosauros
Rango fósil: Triásico - Cretáceo
Geosternbergia sternbergi
Geosternbergia sternbergi
Clasificación científica
Reino: Animalia
Filo: Chordata
Superclase: Tetrapoda
Clase: Sauropsida
Subclase: Diapsida
(sen clasif.): Archosauria
Orde: Pterosauria
Kaup, 1834
Distribución dos fósiles de pterosauros.

Distribución dos fósiles de pterosauros.
Subgrupos[1]

Os pterosauros[2] ("lagartos alados") son un grupo de réptiles voadores que existiron durante a Era Mesozoica. As súas ás estaban formadas por unha complexa membrana sostida polo cuarto dedo da man, que estaba hipertrofiado. O seu corpo estaba cuberto de pelo, preservado en fósiles de polo menos tres especies distintas.

Os fósiles máis antigos de pterosaurios coñecidos pertencen como mínimo ó Triásico tardío. O máis antigo chámase Eudimorphodon. É de pequeno tamaño, cola con extremo en forma de rombo, e dentes puntiagudos en ambas as dúas mandíbulas.

Os primeiros pterosaurios, desenvolvidos entre o Triásico serodio e principios do Xurásico, eran similares ó Eudimorphodon; de pequeno tamaño, rabo longo, e dentes (como o Rhamphorynchus, que tiña dentes que pechaban en forma de trampa).

Xa para o Cretáceo se diversificaran en varias formas: algúns sen cola e sen dentes (como o Pteranodon), outros do tamaño dun avión da Primeira Guerra Mundial (como Quetzalcoatlus, a criatura voadora máis grande coñecida), numerosos con cristas (como Dsungaripterus e Pteranodon), e outros con outras características (como o Ctenochasma, que asemellaba unha garza e filtraba plancto por medio dos seus finos dentes).

Aparentemente, os pterosaurios perderon moita da súa diversidade antes de concluír a Era Mesozoica. Só se coñece unha especie que existise no momento da grande extinción masiva do Cretáceo: Quetzalcoatlus northropi.

Notas[editar | editar a fonte]

  1. Andres, Brian Blake (2010). "A review of pterosaur phylogeny". En Martill, D., Unwin, D., & Loveridge, R. F. (eds). The Pterosauria. Cambridge University Press. 
  2. Entrada pterosauro en Digalego