Diápsidos

Os diápsidos (Diapsida) son unha Subclase de réptiles que se caracterizan por presentar, orixinariamente, dúas aberturas no cranio por detrás da órbita do ollo. Este grupo contén os dinosauros, lagartos, serpes, crocodilos, as aves e os seus correspondentes antecesores. Algúns diápsidos descendentes dos antigos perderon despois esta estrutura cranial típica; así aos lagartos quedoulles unha soa abertura, as serpes perderon as dúas, e as aves modernas restruturaron profundamente o seu cranio.

Algúns réptiles primitivos (ictiosauros, placodontes, notosauros e plesiosauros) desenvolveron, secundariamente, a partir do cranio diápsido, un novo tipo de fenestración, a euriápsida, cunha soa abertura na parte superior do óso temporal, xa que se perdeu a outra.

O nome diápsido significa "dous arcos", que son os que delimitan as súas aberturas craniais características. Esta disposición cranial permite a inserción de músculos mandibulares grandes e longos, e facilita que a mandíbula se poida abrir máis amplamente. A clasificación dos grandes grupos de amniotas fíxose clasicamente atendendo á súa estrutura cranial. A estrutura do teito cranial permite identificar entre eles 3 grandes grupos, que diverxeron durante o período do Carbonífero. Estes grupos son:

• 1. Diápsidos
• 2. Sinápsidos
• 3. Anápsidos.

Clasificación

Taxonomía

• Subclase DIAPSIDA
  • Orde Araeoscelidia
  • Orde Avicephala
  • Orde Younginiformes
  • Superorde Ichthyopterygia (ictiosauros)
  • Infraclase Lepidosauromorpha
    • Orde Eolacertilia
    • Superorde Lepidosauria (tuatara, lagartos, e serpes)
    • Superorde Sauropterygia (plesiosauros)
  • Infraclase Archosauromorpha
    • Orde Aetosauria
    • Orde Choristodera
    • Orde Phytosauria
    • Orde Prolacertiformes
    • Orde Pterosauria (pterosauros)
    • Orde Rauisuchia
    • Orde Rhynchosauria
    • Orde Trilophosauria
    • Superorde Crocodylomorpha (crocodilos)
    • Superorde Dinosauria (dinosauros)

Filoxenia

 ,_____________________________________________ Younginiformes +
_|
 |                                     ,_______ Ichthyosauria +
 |                                     |
 |               ,_ Lepidosauromorpha _|  
 |_ Neodiapsida _|                     |_______ Sauropterygia
                 |                     |
                 |                     |_ Lepidosauria
                 |
                 |_____________________________ Archosauromorpha

Véxase tamén

Outros artigos

• Anapsida
• Synapsida
• Euryapsida

Ligazóns externas

• Diapsida Arquivado 28 de novembro de 2020 en Wayback Machine.. Michel Laurin e Jacques A. Gauthier. (en inglés)
• Diapsida Cladograma (en inglés)