Premio Jules Verne

Os galardoados da edición dos premios Xerais de 2017 (Santiago Lopo, María Canosa e Manuel Lourenzo González) xunto a membros do xurado e o equipo editorial de Edicións Xerais de Galicia.

O Premio Jules Verne de Literatura Xuvenil é un premio que concede Edicións Xerais desde 2006 entregándose de maneira conxunta co Premio Xerais e o Merlín. Por razóns de patrocinio coñeceuse ata o ano 2011 como Premio Fundación Caixa Galicia de Literatura Xuvenil. Non se convocou nos anos 2012 e 2013, refundándose co seu actual nome no ano 2014. A súa dotación é de dez mil euros.

Galardoados no Caixa Galicia de literatura xuvenil

• 2006: Santiago Jaureguízar (A cova das vacas mortas).
• 2007: An Alfaya (Illa Soidade).
• 2008: Marilar Aleixandre (A cabeza de medusa).
• 2009: Rosa Aneiros (Ás de bolboreta).
• 2011: Héctor Carré (Febre).

Galardoados no Jules Verne de literatura xuvenil

De esquerda a dereita, Anxo González Guerra, Manuel Lourenzo González e Manuel Bragado na presentación de Ceiba de luz no Ateneo de Pontevedra no 2017.

• 2014: Eduardo Santiago (O gran reino)
• 2015: Andrea Maceiras (Europa Express)
• 2016: Iria Misa Peralba (Xa non estou aquí)
• 2017: Manuel Lourenzo González (Ceiba de luz)
• 2018: Carlos Negro (Aplicación instantánea)
• 2019: Enma Pedreira (Os corpos invisibles)
• 2020: Antonio Manuel Fraga (Santoamaro)