Andrea Maceiras
| Andrea Maceiras | |
|---|---|
 | |
| Nacemento | 6 de novembro de 1987 |
| A Coruña | |
| Nacionalidade | España |
| Alma máter | Universidade da Coruña |
| Ocupación | escritora |
| Estudos | Doutora en Filoloxía Hispánica e Licenciada en Filoloxía Galega |
| [ editar datos en Wikidata ] | |
Andrea Maceiras Lafuente, nada na Coruña o 6 de novembro de 1987, é unha escritora galega.
Traxectoria[editar | editar a fonte]
Licenciada en filoloxía hispánica e en Filoloxía galega, doutorada na Universidade da Coruña.
Publicou a súa primeira novela, Proxecto bolboreta no ano 2007, tras gañar o I Certame de Micronovela do Concello de Soutomaior.
En 2009 gañou o premio Meiga Moira con Violeta tamurana, publicada o ano seguinte.
En 2012 publica O segredo do lagarto arnal, e un ano despois sae Nubes de evolución, finalista do premio Fundación Caixa Galicia e nomeado mellor libro xuvenil dese ano nos Premios Fervenzas Literarias.
No ano 2014 publica Miña querida Sherezade, obra gañadora do premio Meiga Moira, e ese mesmo ano publica tamén Volverás, golfiño, finalista do Premio Merlín.
Ao ano seguinte, en 2015, gaña o premio Jules Verne con Europa express, obra publicada ese mesmo ano e pouco tempo despois traducida ao inglés. Tamén foi recoñecida como a mellor novela xuvenil nos Premios Fervenzas Literarias.
En 2018 gañou o Premio Lazarillo á creación literaria por Conta nove estrelas, segundo o xurado: "unha obra ben urdida e entramada cunha linguaxe poética con belísimas escenas que te transportan a un mundo galáctico. Unha aposta á imaxinación desbordante e á ciencia ficción”.[1]
Tamén no 2018 queda finalista do Premio Raíña Lupa con O que sei do silencio, publicada ese mesmo ano e traducida ao español en 2020.
En 2020, concedéronlle o premio dos Clubs de Lectura da Consellería de Educación de Galicia como a autora máis lida. E ese mesmo ano, gañou o premio Merlín de literatura infantil con A folla azul, publicada en 2021.
No ano 2021, gañou o XV premio Raíña Lupa de literatura infantil e xuvenil da Deputación da Coruña coa obra Que se me pare o corazón se te esquezo.
Obras[editar | editar a fonte]
Literatura infanto-xuvenil[editar | editar a fonte]
- Proxecto Bolboreta, 2007, Xerais, ISBN 978-84-9782-824-6.[2]
- Violeta Tamurana, 2010, Baía Edicións, ISBN 978-84-92630-85-1.[3]
- O segredo do lagarto arnal, 2012, Baía, ISBN 978-8499950488.
- Nubes de evolución, 2013, Xerais, ISBN 978-84-9914-463-4.
- Miña querida Sherezade, 2014, Baía, ISBN 978-8499951447.[4]
- Volverás, golfiño, 2014, Xerais, ISBN 978-84-9914-579-2.[5]
- Europa Express, 2015, Xerais, ISBN 978-84-9914-949-3.[6][7] Foi traducida ao inglés.[8]
- O que sei do silencio, 2018, Xerais, ISBN 978-84-9121-402-1.[9][10]
- Conta nove estrelas (2019). Xerais, Merlín. Ilustracións de Paula Mayor. ISBN 978-84-9121-527-1.[11]
- A folla azul (2021). Xerais, Merlín. Ilustracións de Sonia García. 184 páxs. ISBN 978-84-9121-844-9. ePub: ISBN 978-84-9121-852-4.
Premios[editar | editar a fonte]
- Obtivo en varias ocasións o primeiro premio do Certame Literario do Concello de Cambre.
- Gañadora do I Certame de Micronovela do Concello de Soutomaior.
- Finalista do VI Premio de Novela Biblos-Pazos de Galicia no 2010.
- Gañadora do Premio Meiga Moira de Literatura Infantil e Xuvenil en 2010, por Violeta Tamurana.
- Finalista do Premio Fundación Nova Caixa Galicia 2011, por Nubes de evolución.
- Terceiro premio do XIV Premio de poesía Díaz Jácome, por Auga lonxincua en 2013.
- Gañadora do Premio Meiga Moira de Literatura Infantil e Xuvenil en 2014, por Miña querida Sherezade.
- Gañadora do Premio Jules Verne en 2015, por Europa Express.
- Premio Fervenzas literarias ao mellor libro de literatura xuvenil en 2015, por Europa Express.
- Premio Lazarillo 2018 á creación literaria[12]
- Premio dos Clubs de Lectura da Consellería de Educación en 2020.[13]
- Gañadora do Premio Merlín en 2020, por A folla azul.
- 2021: XV Premio Raíña Lupa de literatura infantil e xuvenil da Deputación da Coruña, por Que se me pare o corazón se te esquezo.[14]
Notas[editar | editar a fonte]
- ↑ "Paloma Corral, Begoña Oro y Andrea Maceiras ganan los Premios Lazarillo 2018". revistababar.com. Consultado o 03/12/2018.
- ↑ "Proxecto Bolboreta". xerais.gal. Consultado o 03/12/2018.
- ↑ "Violeta tamurana de Andrea Maciras". blogoteca.com. Consultado o 03/12/2018.
- ↑ Nicolás, Ramón. "Miña querida Sherezade, de Andrea Maceiras". cadernodacritica. Consultado o 03/12/2018.
- ↑ "Volverás golfiño". xerais.gal. Consultado o 03/12/2018.
- ↑ "Europa Express". xerais.gal. Consultado o 03/11/2018.
- ↑ "Andrea Maceiras, Europa Express". palabradegatsby.com. Consultado o 03/12/2018.
- ↑ "Europe Express". bibliotraducion.uvigo.es. Arquivado dende o orixinal o 27 de maio de 2020. Consultado o 2019-11-06.
- ↑ "O que sei do silencio". trafegandoronseis. Consultado o 03/12/2018.
- ↑ "O que sei do silencio". xerais.gal. Consultado o 03/12/2018.
- ↑ "Ficha de libro. Editorial Xerais". www.xerais.gal. Consultado o 2019-05-07.
- ↑ L., R. (4 de decembro de 2018). "La escritora gallega Andrea Maceiras gana el premio Lazarillo de creación literaria". farodevigo.es. Consultado o 21 de novembro de 2020.
- ↑ "Premio dos Clubs de Lectura 2020 para Andrea Maceiras". edu.xunta.gal.
- ↑ Diario, Nós. "Andrea Maceiras gaña o XV Premio Raíña Lupa de literatura infantil e xuvenil da Deputación da Coruña". Nós Diario. Consultado o 2021-06-30.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Andrea Maceiras  |
