Praia de Río Sieira
Praia de Río Sieira / Boca do Río | |
---|---|
Coordenadas: 42°38′55″N 9°02′12″O / 42.648499999807, -9.0367999999941 | |
Características xerais | |
Lonxitude | 950 m |
Largo medio | 28 m |
Grao de ocupación | Media (no verán) |
Grao de urbanización | Non hai |
Paseo marítimo | Non hai |
Características específicas | |
Tipo de praia | Aberta |
Tipo de area | Fina |
Condicións do baño | Ondada de forte a moderada |
Seguridade | |
Sinalización do perigo | Si |
Accesibilidade | |
Tipo de acceso | Acceso a pé, fácil |
Sinalización do acceso | Si |
A praia de Río Sieira é un grande areal situado no concello de Porto do Son, na parroquia de Xuño, lugar da Coviña.
Características[editar | editar a fonte]
Trátase dunha praia de ámbito virxe de case 1 km de longo e uns 28 m de anchura, na desembocadura do río Sieira, ao que se debe o seu outro nome, de Boca do Río.
É unha praia illada, sen paseo marítimo, principalmente composta por rochas e area fina, branca e dourada.
Ao estar formada na desembocadura do río Sieira, provocou a aparición dun sistema lagunar que permite bañarse tamén en auga doce e moito máis tranquila que a da praia propiamente dita.
O seu nivel de ocupación, na temporada estival, é medio.
Acceso[editar | editar a fonte]
Desde o Porto do Son, pola estrada AC-550, en dirección a Ribeira. Posúe dous accesos: un pola súa marxe dereita, que corresponde á parroquia de Caamaño, e outro pola marxe esquerda, que corresponde ao lugar da Coviña, na parroquia de Xuño.
Accesibilidade[editar | editar a fonte]
Hai unha parada de autobús interurbano a 200 m da praia. Tamén pode accederse en coche, xa que hai aparcadoiro, non vixiado, nas proximidades da praia.
Servizos[editar | editar a fonte]
Dispón de servizo de vixilancia durante o verán (Protección Civil). Hai sinalizacións de perigo claramente visíbeis. O hospital máis próximo é o Hospital da Barbanza, que se encontra a 9 km, no lugar de Salmón, na parroquia de Oleiros, no veciño concello de Ribeira.
Véxase tamén[editar | editar a fonte]
Ligazóns externas[editar | editar a fonte]
- Praia de Río Sieira - Boca do Río Arquivado 17 de agosto de 2016 en Wayback Machine. en TurGalicia (en galego).
- Playa de Río Sieira en Playas de España (en castelán).