Ponte romana de Lugo

Na Galipedia, a Wikipedia en galego.

Coordenadas: 43°00′07″N 07°33′48″O / 43.00194, -7.56333

Ponte romana de Lugo
Puente romano de Lugo1.jpg
Río Miño
Concello Lugo
Provincia Lugo
Construción século I (restauracións na Idade Moderna e no s. XIX)
Lonxitude 104 m
Ancho 4 m
Gálibo
Tipo Ponte romana de arco
Material Pedra

A ponte romana de Lugo, con 104 m de lonxitude e 4 m de largura, cruza o río Miño ao seu paso polo suroeste da cidade de Lugo, unindo a Calzada da Ponte coa estrada vella de Santiago, vertebrando esta última o barrio lugués de San Lázaro. Fica entre medias da Ponte Nova, que enlaza a capital da provincia coa estrada N-540, e o balneario de augas termais, que data así mesmo da época da romanización.

Características[editar | editar a fonte]

Trátase dunha estrutura feita a base de pedra e lousa, e máis recentemente se lle teñen engadidas unhas pasarelas metálicas. O firme está asfaltado e permite o paso de vehículos ininterrompidamente, agás os vehículos pesados, que non teñen autorizado o paso.

É unha ponte de moito uso, ao ficar moi preto do Club Fluvial de Lugo, entre outras instalacións de recreo, ou do Policlínico Lucense, e ao ser o paso máis lóxico cara a estrada de Portomarín ou o Club de Golf de Lugo. Actualmente esta ponte é unha das dúas coas que conta a cidade, malia que vén de se licitar en xaneiro de 2009 unha terceira a uns 1.200 metros río abaixo, á altura do Campus Universitario.

Historia[editar | editar a fonte]

É dunha ponte deseñada e construída na época da romanización de Galicia, que se valeu da vía número XIX do Itinerario de Antonino, comunicando Lucus Augusti con Bracara Augusta (a actual Braga) pasando por Iria Flavia (a actual vila de Padrón). A razón da súa construción é a necesidade de cruzar o río Miño.

Séculos máis tarde, na Baixa Idade Media, sufriría restauracións de certa relevancia debido por unha banda ao mal estado en que se atopaba e pola outra ás novas necesidades de transporte da época. Chegada a Idade Moderna, novamente houbo que facer reparacións para, finalmente, en 1893 modificar definitivamente o seu aspecto, ao sérenlle suprimidos varios elementos. Porén, os fundamentos da ponte actual, chamada vella ou romana, son en boa parte os orixinais.

Percorrido da cidade de Lugo até a ponte Romana[editar | editar a fonte]

A Calzada da Ponte que baixa desde a Porta Miñá ou Porta do Carme (unha das dez portas da muralla, que é ademais unha das cinco orixinais e a que mellor se conserva) até a ponte vella forma parte do Camiño Primitivo de peregrinación a Santiago de Compostela. Aquí comeza tamén a ruta de sendeirismo "As ribeiras altas, Miño arriba", coñecida popularmente co nome de Paseo da Ponte Vella, unha ruta de máis de once quilómetros que transcorre por ambas beiras do río, en dirección a vella fábrica da luz.

Galería de imaxes[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]