Paul Bartsch
| Paul Bartsch | |
|---|---|
 | |
| Nacemento | 14 de agosto de 1871 |
| Lugar de nacemento | Tuntschendorf, Silesia, Imperio alemán |
| Falecemento | 24 de abril de 1960 |
| Lugar de falecemento | McLean, Virxinia |
| Soterrado | Glenwood Cemetery |
| Nacionalidade | estadounidense |
| Alma máter | Universidade de Iowa |
| Ocupación | malacólogo, carcinólogo |
| Coñecido por | ser o inventor dunha das primeiras cámaras subacuáticas |
| Organización | Universidade George Washington Smithsonian Institution |
| [ editar datos en Wikidata ] | |
Paul Bartsch, nado o 14 de agosto de 1871 en Tuntschendorf, Silesia, Imperio alemán, e finado o 24 de abril de 1960, foi un malacólogo e carcinólogo estadounidense,[1] coñecido por ser o último dos pertencentes á "Idade Descritiva da Malacoloxía".[2]
Traxectoria[editar | editar a fonte]
Paul Bartsch emigrou cos seus pais aos Estados Unidos en 1880, primeiro a Missouri e logo a Burlington, Iowa. Cando era neno comezou a traballar no seu tempo libre en varios empregos. Pronto se interesou pola natureza, primeiro mantendo un pequeno taller na casa e, durante os seus anos de instituto, recolleu paxaros e preparou peles. Estableceu un club de historia natural na súa casa cun pequeno museo e o taller. Cando ingresou na Universidade de Iowa, en 1893, xa recollera 2 000 peles.
Entre os seus profesores da Universidade estaban o xeólogo Samuel Calvin, os botánicos Thomas H. Macbride e Bohumil Shimek e o zoólogo Charles C. Nutting. Acadou o B.S. en 1896, o M.S. en 1899 e o doutoramento en 1905.[3]
Foi profesoror da Universidade George Washington e comisario da Smithsonian Institution de 1914 a 1945.
Inventou, en 1922, unha das primeiras cámaras subacuáticas.
Taxons nomeados por Bartsch[editar | editar a fonte]
Paul Bartsch propuxo 3 278 taxons, dos cales 2 979 foron de novas especies e subespecies e 299 son nomes supraespecíficos. Destes, 1 257 publicáronse xunto con outros autors. Estes taxons, excepto tres, eran todos de moluscos.[4]
Taxons nomeados en homenaxe a Paul Bartsch[editar | editar a fonte]
A especie lura de Bartsch (Uroteuthis bartschi) foi nomeada na súa honra por Harald A. Rehder.
O WoRMS enumera 61 taxa co epíteto, bartschi, moitos dos cales convertéronse en sinónimos.
Unha especie e unha subespecie de lagartos do Caribe foron nomeadas na súa honra: Anolis bartschi e Cyclura carinata bartschi.
Abreviatura[editar | editar a fonte]
A abreviatura Bartsch emprégase para recoñecer a Paul Bartsch como autoridade na descrición e taxonomía en zooloxía.
Notas[editar | editar a fonte]
- ↑ "Paul Bartsch, 1871–1960 | the Conchological Society of Great Britain and Ireland".
- ↑ Boss, Kenneth J.; Joseph Rosewater & Florence A. Ruhoff (1968): "The Zoological Taxa of William Healey Dall". United States National Museum Bulletin '287.
- ↑ "Copia arquivada". Arquivado dende o orixinal o 10 de novembro de 2014. Consultado o 21 de outubro de 2021.
- ↑ Ruhoff 1973.
Véxase tamén[editar | editar a fonte]
Bibliografía[editar | editar a fonte]
- Ruhoff, Florence A. (1973): "Bibliography and Zoological Taxa of Paul Bartsch". Smithsonian Contributions to Zoology nº 143.
