Monumento ecuestre a Gattamelata (Donatello)

Na Galipedia, a Wikipedia en galego.
Saltar ata a navegación Saltar á busca
Monumento ecuestre a Gattamelata
Gattamelata.jpg
Artista Donatello
Data 1453
Técnica Escultura en bronce
Dimensións 340 cm × 390 cm

O Monumento ecuestre a Gattamelata é unha estatua en bronce de Donatello, situada na Praza do Santo en Padua. É unha das primeiras e máis importantes estatuas ecuestres de todo o Renacemento[1].

Cando morre Erasmo da Narni, en 1443, as autoridades venecianas contrataron a Donatello para erguer a obra en Padua. No seu momento supuxo un pequeno escándalo porque as obras ecuestres eran propias, exclusivamente, de emperadores[2].

Está representado como cando tiña trinta anos (no momento do traballo de Donatello, tiña sesenta, en realidade), e semella sereno e decidido, co bastón de mando na man dereita. A armadura imitaba os modelos romanos, aparecendo na coiraza unha Vitoria alada, e incluíndo elementos da época como a longa espada. O outro elemento importante da obra é o cabalo polo porte e o tamaño, pois semella totalmente controlado con tranquilidade polo xinete.

No pedestal, de mármore, pode verse a sinatura do autor: "Opus Donatello, Flo"[3] (Realizado por Donatello de Florencia).

A obra foi rematada e develada en 1453, dez anos despois da morte de Gattamelata[4].

Detalle de Gattamelata.

Notas[editar | editar a fonte]

  1. Historia del arte, Anaya, pág. 363
  2. Hiriart, Hugo (1993). Disertación sobre las telarañas: y otros escritos. México D.F.: Ediciones Era. p. 34. ISBN 968-411-308-0. 
  3. Hiriart, Hugo (1993). Disertación sobre las telarañas: y otros escritos. México D.F.: Ediciones Era. p. 35. ISBN 968-411-308-0.
  4. Döpp, Hans-Jürgen; Thomas, Joe A.; Charles, Charles (2014). 1000 Obras de Arte Erótico. Parkstone International (para lengua castellana EDIMAT, S.A.). p. 70. ISBN 978-1-78310-414-7. 

Véxase tamén[editar | editar a fonte]



Este artigo tan só é un bosquexo
 Este artigo sobre arte é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.