Padua

Na Galipedia, a Wikipedia en galego.

Coordenadas: 45°25′N 11°52′L / 45.417, -11.867

Padua
Padova
Padoa
Blason ville it Padoue.svg
Localización
Padua en Italia
Padua
Padua
País Italia Italia
Rexión Véneto
Provincia Provincia de Padua
Xeografía
Altitude 12 msnm
Superficie 92,85 km²
Demografía
Poboación 214.125 hab. (2013)
Densidade 2.300 hab/km²
Outros datos
Código postal 35100
Alcalde Ivo Rossi (PD)
Páxina oficial de Padua

A cidade de Padua[1] (en latín Patavium, en italiano Padova, en véneto Padoa) é o centro económico e de comunicacións da rexión do Véneto, no norte de Italia. É así mesmo a capital da provincia homónima, sobre o río Bacchiglione, a 40 km ao oeste de Venecia e a 29 km no sueste de Vicenza, cunha poboación de 211.985, en 2004.

A comuna de Padua esténdese por unha área de 92 km²2 e ten límites cos concellos de Abano Terme, Albignasego, Cadoneghe, Legnaro, Limena, Noventa Padovana, Ponte San Nicolò, Rubano, Saonara, Selvazzano Dentro, Vigodarzere, Vigonovo, Vigonza e Villafranca Padovana.

Padua é unha cidade cunha vinculación moi importante coa vida universitaria, dado que un terzo da súa poboación é estudante. A universidade, fundada en 1222, é unha das mes antigas de Europa e do mundo. Entre os seus profesores máis celebras destacan Galileo e William Harvey.

Monumentos[editar | editar a fonte]

En Padua hai moitos monumentos e lugares de interese artística. Entre eles destacan Prato della Valle, praza de época napoleónica coñecida pola súa amplitude, e a capela dos Scrovegni, polos frescos de Giotto, que constitúe unha das obras máis importantes deste pintor. Ademais, resultan agradables para unha visita: a Basílica de San Antonio, patrón da cidade; o Palazzo della Ragione, sede do Goberno da cidade na Idade Media, que separa a Piazza delle Erbe (praza das Herbas) da Piazza della Frutta (praza da Froita); a igrxa dos Eremitani; o Palazzo Moroni, actual localización da casa do concello e a catedral.

Universidade[editar | editar a fonte]

Padua é famosa, tamén, pola súa universidade, unha das máis antigas de Europa e do mundo. Fundouse en 1222 e nas súas aulas ensinaron científicos tan célebres como Galileo ou William Harvey. Actualmente ten máis de 60.000 estudantes.

Curiosidades[editar | editar a fonte]

Padua é coñecida por ser a cidade dos "tres sen":

  • "O santo sen nome", porque San Antonio, do cal é tradicionalmente popular a súa devoción, é comunmente chamado "O Santo" por antonomasia, con especial referencia á Basílica homónima;
  • "O café sen portas", porque o monumental "Café Pedrocchi", histórico local da cidade, estaba antigamente aberto todo o día, tódolos días;
  • "O prado sen herba", porque o "Prato della Valle", espectacular "praza", a máis grande de Europa segundo algúns, estaba en realidade até finais do século XVIII, tempo no cal foi remodelada seguindo as pautas de Andrea Memmo para tomar a súa fisionomía actual, desprovista de herba.

Notas[editar | editar a fonte]

  1. Editorial Galaxia, ed. (2007). Diciopedia do século 21 3. Isaac Díaz Pardo, Víctor F. Freixanes, Antón Mascato (edición). p. 1546. ISBN 9788482893600. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]