Metal Gear

Na Galipedia, a Wikipedia en galego.
書.svg Esta páxina contén texto en xaponés.
Se o seu navegador non está axeitadamente configurado pode ver caracteres estraños.

Metal Gear (メタルギア Metaru Gia?) é unha saga de videoxogos creado por Hideo Kojima, desenvolvido e publicado pola compañía Konami.

O xogador toma o control dun soldado de elite, dependendo de que Metal Gear se trate, poderás controlar a Solid Snake (protagonista do MGS1 e MGS4; ao soldado Raiden adestrado por Realidade Virtual quen controlas en MGS2 e a Naked Snake (que máis tarde é coñecido como Big Boss) o pai de Solid Snake, a quen controlas durante todo o MGS3, que é cronoloxicamente, o primeiro de todos.

Os Metal Gear son uns tanques bípedes coa capacidade de lanzaren armas nucleares desde calquera punto do planeta. Son indetectables para calquera radar, e posúen outras armas menos poderosas pero máis útiles no campo de batalla como: ametralladoras, láseres, bombas e foguetes, pero con modificacións que as fan máis mortais. Esta saga caracterízase polas súas longas escenas cinematográficas, as súas intrincadas tramas, e a súa infinidade de detalles ao longo de todo o xogo que interactúan co xogador. Profundízase na exploración da política natural, a guerra, censuras, enxeñería xenética, intelixencia artificial, lealdade e sempre baseándose na realidade dunha forma divertida.

O Metal Gear orixinal debutou no ordenador MSX2 en 1987 en Xapón e Europa. Este foi un dos primeiros xogos no que a infiltración e o sixilo foron enfatizados sobre a confrontación directa co inimigo. Moitos dos aspectos da saga, como a comunicación inarámica, xa estaban presentes noutros videoxogos. O xogo foi despois posto á venda en América do Norte, Europa e Xapón, nesta ocasión, para a consola NES, vendendo unha cantidade superior ao millón de unidades.

A secuela, Metal Gear 2: Solid Snake, foi lanzada en 1990 para o NES, soamente en Xapón. Metal Gear 2 fixo moitas variacións e adicións ao xogo, incluíndo unha historia máis desenvolvida, xunto a significativas melloras á xogabilidade e á intelixencia artificial. Moitas destas características e argumentos, foron promovidos á secuela, Metal Gear Solid. Aínda que Metal Gear 2, como tal, non saíu á venda en Europa e América do Norte ata 15 anos despois, cando foi incluído en Metal Gear Solid 3: Subsistence.

A saga Metal Gear regresou en 1998, na forma de Metal Gear Solid, para a plataforma de PlayStation e PC, a cal adaptou a xogabilidade do seu predecesor Metal Gear 2 a gráficos tridimensionais. Mentres que os dous primeiros títulos de Metal Gear tiveron un éxito moderado, Metal Gear Solid foi un grande éxito, vendendo máis de 6 (seis) millóns de unidades .[1][2] Isto creou o camiño para similares xogos de infiltración, e ao mesmo tempo establecendo a Metal Gear como unha importante saga de Konami.

Metal Gear Solid foi seguido da secuela Metal Gear Solid 2: Sons of Liberty, para a plataforma de PlayStation 2 en 2001, o cal vendeu máis de 7 (sete) millóns de unidades, e máis tarde, en 2003, a versión para PC e Xbox, "Metal Gear Solid 2: Substance".

Metal Gear Solid 2: Sons of Liberty foi seguido de Metal Gear Solid 3: Snake Eater en 2004, o cal sería a protosecuela do orixinal Metal Gear, vendendo 4,75 millóns de unidades (4 millóns de MGS 3: Snake Eater e o resto da versión mellorada, chamada MGS 3: Subsistence). Ambos os xogos proporcionaron maiores realces á xogabilidade de Metal Gear e expandiron os límites da trama. A xogabilidade tivo un bo cambio respecto das versións anteriores ao quitar a posibilidade de ver o rango de visión dos inimigos, ademais de incluír unha fiestra de curación no menú, todo isto deulle un maior realismo ao xogo. Tamén se optou por unha nova cámara, con maior grao de liberdade e coa posibilidade de poñer a cámara no ombreiro.

Metal Gear Solid: Portable Ops, unha intersecuela sita entre Metal Gear Solid 3 e o orixinal Metal Gear, está actualmente dispoñible para PSP, presentando unha variación no sistema de xogo ao poder recrutar aliados, desvelando a faceta de Big Boss como líder, ademais agora os vídeos preséntanse nun sistema de novela gráfica, dando a impresión dun cómic.

Metal Gear Solid 4: Guns of the Patriots secuela de MGS2, co eslogan: Non Place to Hide ("Non Hai Lugar para Agocharse"). Está producido por Kenichiro Imaizumi, en conxunto con Hideo Kojima, con Kojima tamén no rol de director, con Shuyo Murata, de co-director. No xogo regresan certos personaxes de Metal Gear Solid e Metal Gear Solid 2: Sons of Liberty. Este considérase o "punto final" da saga Metal Gear Solid, e a xubilación do personaxe Solid Snake.

Acción e efecto[editar | editar a fonte]

Aínda que a saga está baseada na guerra e o xénero da acción, e contén grandes cantidades de violencia (ata de forma gráfica), está baseada de forma subxacente no pacifismo. Isto reflíctese a través da saga, que se ocupou dos temas tales como a finalidade da guerra, a estupidez da destrución mutua, os perigos de armas nucleares en xeral, os efectos psicolóxicos da loita militar en nenos e adultos, o concepto que os inimigos son só inimigos en termos relativos e as motivacións detrás dos distintos tipos de vida que a xente escolle. Este ton e algo destes temas reflicten o pensamento dunha gran cantidade de cinema xaponés feitas desde o bombardeo de Hiroshima de 1945. Lembra que neste caso debes infiltrarte sen que che descubran. Ás veces se che descobren dise "Mission Failed".

Nota: Só ocorre ás veces en misións da historia ou directamente en "VR Missions". Lembra tamén que, se a túa barra de vida chega a Cero che dirá "Snake Is Dead". Así mesmo, tes o códec para chamar a todos os que marcases para unha axuda ou para onde tes que ir.

O orixinal Metal Gear, estreado durante a Guerra Fría, céntrase na manipulación das forzas militares, por parte dos políticos de Oriente e Occidente, contraposto con Outer Heaven, un país sen políticos.

Principais xogos[editar | editar a fonte]

A saga consiste nos seguintes títulos:

Ano Principais Xogos Videoconsola / Ordenador, etc.
1987 Metal Gear: Snake Revenge´s MSX2, NES, PC, Commodore 64, Teléfono móbil.
1990 Metal Gear 2: Solid Snake MSX2
1998 Metal Gear Solid PlayStation, PC, Nintendo GameCube, Playstation 3 dispoñible na Store Xaponesa, tamén incluído en MGS4 pero só un nivel.
2001 Metal Gear Solid 2: Sons of Liberty PlayStation 2, PC, XBOX
2004 Metal Gear Solid 3: Snake Eater PlayStation 2
2006 Metal Gear Solid: Portable Ops PlayStation Portable
2008 Metal Gear Solid 4: Guns of the Patriots Playstation 3

Edicións complementarias[editar | editar a fonte]

Desde a entrega de Metal Gear Solid, existiron varias "edicións especiais", con extras, melloras e ata, novo contido. En Xapón, as primeiras versións de Metal Gear Solid era usualmente faladas polos actores de voces xaponeses orixinais, mentres que nas versións actualizadas (MGS: Integral, MGS2: Substance) se atopaban dobradas ao inglés. Foi feita unha excepción coa versión xaponesa de MGS3: Subsistence, que se mantivo falada en xaponés.

Adicionalmente, o primeiro Metal Gear Solid foi reproducido dúas veces: Primeiro, nunha produción conxunta entre Konami e Silicon Knights, que tivo como resultado Metal Gear Solid: The Twin Snakes, en 2004, exclusivo de GameCube. Esta edición dobrouse totalmente ao inglés, engadíndolle melloras na xogabilidade, actualización dos gráficos, facéndoos máis parecidos aos de Metal Gear Solid 2: Sons of Liberty, e incluíndo escenas cortadas. Dirixido por Ryuhei Kitamura, recoñecido pola súa película xaponesa de acción/horror, Versus.

A segunda versión é, de feito, conversión a cómic, producida por IDW Publishing & Ashley Wood, titulado Metal Gear Solid Digital Graphic Novel (Metal Gear Solid: Bande Dessinée en Xapón), sendo lanzada á venda no 2006. Non é un xogo en sentido tradicional, senón unha comprensión de imaxes escaneadas do cómic con adicións de animacións e efectos sonoros. A xogador pode investigar os obxectos presentados nas ilustracións, as cales logo son gardadas nunha base de datos. Un tráiler do xogo foi publicado no sitio web oficial de Kojima Productions. Un remake similar baseado en Metal Gear Solid 2: Sons of Liberty está sendo adaptado a cómic por IDW Publishing & Ashley Wood, baixo o título de Metal Gear Solid: Digital Grapich Novel 2.

As versións actualizadas son:

Ano Edicións Complementarias e Remakes: Videoconsola / Computador persoal, etc.
1999 Metal Gear Solid: Integral Playstation / PC
1999 Metal Gear Solid: Special Missions Playstation
2002 Metal Gear Solid 2: Substance Playstation 2 / Xbox / PC
2002 The Document of Metal Gear Solid 2 Playstation 2
2004 Metal Gear Solid: The Twin Snakes Nintendo Game Cube
2005 Metal Gear Solid 3: Subsistence Playstation 2
2006 Metal Gear Solid Digital Graphic Novel Playstation Portable
2007 Metal Gear Solid Digital Graphic Novel 2 Playstation Portable
2007 Metal Gear Solid: Portable Ops + Playstation Portable

Outras plataformas e versións[editar | editar a fonte]

Despois da entrega do orixinal Metal Gear para MSX2, Konami puxo á venda unha nova versión do videoxogo para a plataforma NES (Nintendo Family Computer ou Famicom en Xapón). Foi o primeiro Metal Gear lanzado en Norteamérica. A versión NES foi desenvolvida sen a participación de Hideo Kojima e contén severos cambios, incluíndo diferentes niveis de deseño e a eliminación do Metal Gear mecha. Hideo Kojima foi citado dicindo que a versión NES/Famicom de Metal Gear foi levemente cambiada, con respecto á versión MSX2 orixinal. Foi feita sen o seu enderezo e o mesmo, atopa o videoxogo, "¡Un auténtico lixo!" (Metal Gear Saga Vol.1, Capitulo 2). A versión NES foi baseada nas dúas edicións posteriores para diferentes plataformas, lanzadas no 1990: unha para o IBM PC e outra para a Commodore 64. A versión Famicom foi lanzada para a GameCube, de forma emulada, para o pack xaponés de Metal Gear Solid: The Twins Snakes.

No 2000, Konami tirou unha versión de Metal Gear Solid para PC, conversión feita por Microsoft Game Studios. Esta edición contiña a versión de Metal Gear Solid: Integral e contiña o xogo orixinal e disco de Special Missions. Tamén foi creada unha versión de Metal Gear Solid por Bleemcast para ser xogada na Dreamcast.

No 2003, Metal Gear Solid 2: Substance foi lanzada para as plataformas de PS2, Xbox e PC.

No 2004, unha versión de Metal Gear e Metal Gear 2, baseadas nos orixinais das versións MSX2, foron tirados para as plataformas dos móbiles, en Xapón; Estes incluían, entre outros cambios, novos modos de xogo e novos ítems. Estas dúas versións foron incluídas na edición de Metal Gear Solid 3: Subsistence.

Secuelas non canónicas[editar | editar a fonte]

En adición á lista central de títulos, existe un certo número de títulos de Metal Gear, sen necesariamente seguir o curso da saga e a súa continuidade. [3] [4] O primeiro destes títulos foi Snake's Revenge, estreado no 1990, para NES, que intentou ser unha secuela do orixinal Metal Gear. O xogo foi feito en Xapón, e dirixido especialmente ao mercado occidental (A versión xaponesa nunca saíu á venda). Aínda que, Hideo Kojima non estivo involucrado na produción do videoxogo, este expresou o seu agrado polo xogo e o seu uso serviulle como inspiración para Metal Gear 2: Solid Snake, que suplantou a Snake's Revenge na orde canónica. Snake's Revenge foi adaptado aos xogos de man de LCD, por Tiger Electronics.

O seguinte título non canónico de Metal Gear foi Metal Gear: Ghost Babel ou Metal Gear Solid na súa versión occidental, para Game Boy Cor.

Máis tarde, lanzaron Metal Gear Acid e Metal Gear Acid 2, ambos os dous para a consola portátil de Sony. Estes eran xogos de infiltración mediante cartas, variando o estilo de xogo respecto aos títulos anteriores.

Ano Secuelas non canónicas Videoconsola, etc.
1990 Metal Gear: Snake's Revenge NES
2000 Metal Gear: Ghost Babel Game Boy Cor
2004 Metal Gear Acid Playstation Portable
2005 Metal Gear Acid 2 Playstation Portable

Aparicións ou cameos[editar | editar a fonte]

De cando en cando personaxes, ambientes e música da saga de Metal Gear, fan unha aparición especial noutros videoxogos.

Ano Videoxogo Videoconsola, etc. Aparicións ou Cameos
1997 Beatmania Playstation Metal Gear Solid Remix
2001 Konami Krazy Racers Game Boy Advance Cyborg Ninja & Torres de Comunicacións (MGS)
2002 Evolution Skateboarding Playstation 2 Solid Snake, Raiden, 2 Soldados & Big Shell
2004 Karaoke Revolution Volume 3 Playstation 2 Tema de Snake Eater
2004 BeatmaniaIIDX Telefonía móbil Tema de MGS3
2004 Boktai 2: Solar Boy Django Game Boy Advance Solid Snake
2005 DreamMix TV World Fighters Playstation 2

Nintendo GameCube

Solid Snake & Big Shell
2006 Ape Fuga 3 Playstation 2 Metal Gear Solid: Snake Fuga - Mini-xogo con Pipo Snake
2007 Super Smash Bros. Brawl Wii Solid Snake, Illas Shadow Moses, Tema Game Over, Tema de Amor de MGS4, Gray Fox
2008 New international track & field Nintendo DS Solid Snake MGS e MGS4

Grupos dos Personaxes[editar | editar a fonte]

FOX[editar | editar a fonte]

Artigo principal: Force Operation X.

A Fox é unha unidade totalmente innovadora na que se combinan a espionaxe e as forzas especiais dos Estados Unidos, deseñada especialmente para a Guerra Fría. Logo da Operación Snake Eater vólvese corrupta.

FOXHOUND[editar | editar a fonte]

Artigo principal: FOXHOUND.

Organización fundada por Big Boss, tras a desintegración de FOX en 1970. Varias versións foron creadas, en distintas épocas. O último grupo de asalto é Rat Patrol 01 que significa PATR10T, creado por Meryl Silverburgh.

The Patriots[editar | editar a fonte]

Artigo principal: Os Patriots.

É unha organización clandestina fundada por Zero a comezos dos anos setenta á que se uniron Big Boss, Revolver Ocelot, EVA, Sigint e Para-Medic. Os Patriots poderían considerarse como os herdeiros directos de Os Filósofos. Os seis membros do comité liderados por Zero pretendían nun principio, actuaren inspirados polas ensinanzas de The Boss, que sacrificara a súa vida para servir os xuros do seu país. Non obstante, ese desexo inicial de protexeren os Estados Unidos acabou transformándose nun intento coordinado para imporen os costumes sociais, políticos e económicos a outras nacións. Procuraban a estandarización e a uniformidade global dunha cultura que emulase o modelo Americano para atinxiren, deste xeito, os seus obxectivos. Ao decatarse, Big Boss (o "emblema" dos Patriots dun principio) abandona Os Patriots para loitar polos ideais de The Boss.

Dead Cell[editar | editar a fonte]

Artigo principal: Dead Cell.

Antigamente unha unidade elite antiterrorista, trala morte do comandante George Sears chamado Solidus Snake, para tomar o Big Shell.

Integrantes:

Outer Heaven[editar | editar a fonte]

Artigo principal: Outer Heaven.

A creación da nación-fortaleza de Outer Heaven xurdiu da intención de Big Boss de crear outra potencia mundial na marxe das occidentais que puidese competir con elas militar e economicamente, así como se enfrontar a The Patriots.

Zanzibar Land[editar | editar a fonte]

Grupo creado por Big Boss coas mesmas intencións da nación-fortaleza Outer Heaven.

Integrantes Coñecidos (forzas mercenarias):

  • Black Cor/Black Ninja: ninjas de alta tecnoloxía, antigos integrantes das forzas especiais da NASA. Ao ser derrotado por Solid Snake revela ser Kyle Schneider antigo mercenario de Outer Heaven.
  • Running Man: antigo líder terrorista.
  • Red Blaster: antigo integrante de Spetsnaz.
  • Ultra Box/ The Four Horsemen: antigos membros de Underwater Demolition Team GSG9 e SAS.
  • Predator/ Jungle Evil: antigo integrante de "Reccies".
  • Night Sight/Night Fright: antigo integrante de "Whispers".

Black Chamber[editar | editar a fonte]

Grupo especialista adestrado por Big Boss .

Integrantes Coñecidos:

  • Black Arts Viper.
  • Slasher Hawk.
  • Marionette Owl.
  • Pyro Bison.
  • Brian McBride (tamén un axente da CIA).

Nota: estes personaxes forman parte do videoxogo non canónico Metal Gear: Ghost Babel e non teñen ningunha relación coa historia.

Unidade Cobra[editar | editar a fonte]

Artigo principal: Unidade Cobra.

Grupo formado por The Boss polos anos da Segunda Guerra Mundial, co propósito de levar a cabo misións especiais durante esta, ao ser o grupo elite das potencias mundiais formaba parte do Legado dos Filósofos.

Integrantes:

The Beauty and the Beast unit[editar | editar a fonte]

Artigo principal: Beauty and the Beast Unit.

Grupo de catro mulleres convertidas en máquinas con exotraxes, a muller no interior é referido como a beleza mentres que a súa aparencia externa é aludida como a besta. Despois de derrotalas en combate, terán un momento de tolemia transitoria seguido dunha morte bastante desagradable.

Integrantes coñecidos:

Mercenarios de Gurlukovich[editar | editar a fonte]

Grupo de forzas GRU deslindado do goberno ruso tras a desintegración da Unión Soviética e comandado por Gurlukovich.

Integrantes Coñecidos:

  • Coronel Sergei Gurlukovich: En MGS2 intenta facerse co control de RAY, pero morre no incidente traizoado por Shalashaska (Revolver Ocelot).
  • Olga Gurlukovich: En Metal Gear Solid 2, móstrase como unha Cyborg Ninja e unha soldado, é a Nai de Sunny de MGS4. Morre asasinada por Solidus Snake.

Outros integrantes foron nomeados despois polas gañadores dun concurso de Konami.

Civís[editar | editar a fonte]

  • Kenneth Baker: Presidente de ArmsTech Inc.
  • Hal Emmerich: (Alias:Otacon) Enxeñeiro xefe de Metal Gear Rex e mellor amigo de Solid Snake durante gran parte da saga (tivo 2 finais no que se salva escapando da base inimiga xunto a Snake e no que se queda e é sacado máis tarde, segundo o final cando torturan a snake)
  • Nastasha Romanenko: Especialista en armamento de todo tipo.
  • Emma "E.E." Emmerich: Irmá de Otacon e enxeñeira de Arsenal Gear e "GW". (MGS2)
  • Dr. Drago Petrovich Madnar: Enxeñeiro de TX-55 Metal Gear e Metal Gear D.
  • Ellen Madnar: Filla de Petrovich.
  • Rosemary: Noiva de Raiden e analista de datos. (MGS2 - MGS4)
  • Peter Stillman: Antigo integrante do Dpto. de Policía de Nova York, experto en bombas. (MGS2)
  • Yosef Norden/Johan Jacobsen: Experto en animais.
  • Dr. Kio Marv: Inventor do OILIX. (Metal Gear 2: Solid Snake)
  • Nicholas Stepanovich Sokolov: Científico de foguetes soviéticos e creador do Shagohod (MGS3).
  • Aleksandr Leonovitch Granin: Prominente científico soviético premiado coa orde de Lenin, xefe orixinal das instalacións de Groznyj Grad e o primeiro en concibir a idea dun Metal Gear e amigo do avó de Otacon.
  • Maior Ivan Raidenovitch Raikov: Amante secreto do Coronel Volgin (MGS3). É practicamente igual a Raiden (Jack), Heroe de MGS2 e Cyborg Ninja de MGS4.

Axentes Estranxeiros[editar | editar a fonte]

  • EVA/Tathyana/Big Mamma: Axente dobre enviada polos Filósofos de China para facerse co Legado dos Filósofos en MGS3. En MGS4 volve como a líder dunha compañía anti-PMC.
  • Jennifer: Membro da resistencia de Outer Heaven.
  • Kyle Schneider: Membro da resistencia de Outer Heaven.
  • Diane: Membro da resistencia de Outer Heaven.
  • Johnny Sasaki: Sobrevivente de Shadow Moses e Big Shell con só unha orgullosa ferida. Ao cabo de MGS4: Guns of The Patriots casa con Meryl Silverburgh.
  • Johnny: Soldado soviético, avó de Johnny Sasaki, é o soldado que vixía a Big Boss cando é capturado por Volgin. (Metal Gear Solid 3)
  • Natasha Markova/Gustava Heffner: antiga axente de StB, asignada a protexer ao Dr. Marv, asasinada accidentalmente polo seu amante Gray Fox en Zanzibar Land.

Axentes do Goberno de EEUU[editar | editar a fonte]

  • Donald Anderson(Sigint): Xefe de DARPA e DarpaNet, foi membro de FOX na misión Snake Eater e logo foi parte dos Patriots.
  • Mei Ling: Deseñadora do Códec e do radar Sóliton.
  • Jim Houseman: Antigo secretario de Defensa e o home a cargo da misión en Shadow Moses.
  • Meryl Silverburgh: Recruta do Exército e filla da Coroa Roy Campbell (sobriña en Metal Gear Solid ao non aceptarlle como pai, pero en Metal Gear Solid 4 acéptaa como a súa filla).
  • Coronel Scott Dolph: Membro dos Marines en MGS2.
  • James Johnson: Presidente dos Estados Unidos.
  • Holly White: Axente da CIA/xornalista.
  • Coronel Richard Ames: Servizo Secreto, DIA.

Sinopse[editar | editar a fonte]

Aviso: Esta sección pode revelar detalles da trama e/ou do argumento.

En orde cronolóxica:

Metal Gear Solid 3: Snake Eater - PS2[editar | editar a fonte]

Artigo principal: Metal Gear Solid 3: Snake Eater.

Ambientado en 1964 na Guerra Fría, o xogo consta de dúas misións, a Virtuous Mission e a Operation Snake Eater, a primeira leva a Naked Snake (coñecido despois como Big Boss) á selva Soviética para rescatar a Sokolov, un científico que estivo traballando nunha nova clase de tanque que pode disparar mísiles nucleares, chamado Shagohod; misión que falla trala suposta deserción de The Boss a favor da Unión Soviética. A segunda misión consiste en infiltrarse en chan soviético para rescatar a Sokolov, destruír o Shagohod, matar o Coronel Volgin e acabar con The Boss (quen, pola súa banda, tiña a misión de facerse co Legado dos Filósofos).

MGS3: Snake Eater proporciona o peche a varios puntos soltos do argumento creados noutros títulos de MGS. Por exemplo, o papel de Os Filósofos na narrativa da saga é explicado, así como detalles do arco do personaxe de Big Boss. O xogo fai referencia a eventos reais no pasado da saga, e proporciónalle un contexto de fondo ao misterioso Revolver Ocelot, presentado por primeira vez en Metal Gear Solid. Ademais coñécense a personaxes que logo aparecerían nos futuros MGS, como EVA, Donald Anderson e Para-Medic.

Metal Gear Solid: Portable Ops[editar | editar a fonte]

Artigo principal: Metal Gear Solid: Portable Ops.

Ambientada en 1970, seis anos despois dos eventos da Operación Snake Eater, a Unidade FOX volveuse corrupta, tomando o control dunha base militar en América do sur, onde un novo prototipo de arma, baseado no Shagohod, está sendo desenvolvido. Big Boss, un ex membro da unidade, é acusado de estar involucrado na revolta. En orde de probar a súa inocencia, Big Boss comeza unha misión para eliminar os membros restantes da Unidade FOX, asistir á creación de FOXHOUND, e asumir o liderado desta. O xogo comeza con Big Boss espertándose nunha cela dunha prisión, nunha base situada nunha rexión ficticia de América do sur. Decontado, descobre que a Unidade FOX, os seus antigos camaradas, se tornou rebelde. Estes roubaron unha cabeza nuclear da CIA e planean comezar un incidente internacional apuntando con esta á Unión Soviética. Big Boss coñece a un mozo chamado Roy Campbell, quen lle axudará a escapar e na súa difícil misión. Comprendendo que non poderán deter sós á Unidade, os dous formularán o seu propio equipo de especialistas, FOXHOUND, para se encargaren de FOX.

Neste xogo descóbrese a importancia que ten Ocelot na historia e quen son realmente Os Patriots. O argumento tamén explorará os motivos de Big Boss para crear Outer Heaven, e as súas razóns para enviar a Solid Snake na Operación: Intruso N313, xunto coa conformación dos Patriots.

Ao final do xogo escóitase a Ocelot falando cun ser descoñecido acerca da creación dos Patriots, e que empregarían o Legado dos Filósofos para a institución, tamén solicitan a axuda de Big Boss. (En Metal Gear Solid 4 demóstrase que esta conversa de Ocelot é con Major Zero, e que logo se unirían aos Patriots; Sigint, EVA e Para-Medic)

Metal Gear[editar | editar a fonte]

Artigo principal: Metal Gear (videoxogo).

Este xogo este ambientado no ano 1995, en Outer Heaven, unha nación-fortaleza. O grupo de Elite FOXHOUND é recrutado para infiltrase en Outer Heaven, e así evitar a creación dun novo Metal Gear, na operación Intruso: N313.

Gray Fox é enviado a Outer Heaven, pero tempo despois pérdese o contacto con el, na última transmisión con Gray Fox só se pode ler "Metal Gear..." Big Boss recruta a Solid Snake para atopar a Gray Fox e destruír o Metal Gear TX-55. Solid Snake comeza a decatarse de que as trampas na súa contra eran demasiado precisas, no entanto, logra derrotar a todos e chegar ao Metal Gear TX-55. Ao tempo que se abre camiño cara á base do complexo. Enfróntase a un misterioso mercenario líder das forzas de Outer Heaven, quen se converte en realidade en Big Boss.

Perdido Metal Gear TX-55 e a maioría das súas forzas, Big Boss activa a secuencia de autodestrución para o campamento, e unha poderosa batalla anúnciase entre Big Boss e Solid Snake. Gravemente ferido, Snake derrota a Big Boss e escapa do campamento Outer Heaven. Big Boss permanece tras el e suponse a súa morte trala explosión.

Metal Gear 2: Solid Snake[editar | editar a fonte]

Artigo principal: Metal Gear 2: Solid Snake.

Ambientado 4 anos após os sucesos de Metal Gear; Solid Snake debe infiltrarse en Zanzibar Land, un territorio moi ben defendido entre a URSS, Afganistán, Paquistán e China, co fin de destruír o novo prototipo de Metal Gear.

Solid Snake, xa retirado, é recrutado polo novo comandante de FOXHOUND, Roy Campbell e enviado a Zanzibar Land para rescatar o Dr. Marv e recuperar o OILIX. En Zanzibar Land atópase un novo prototipo de Metal Gear, chamado Metal Gear D, este é controlado por Gray Fox, ao cal vence. Máis tarde ambos loitan sen armas nun campo minado, saíndo Snake vitorioso e derrotando a Gray Fox. Despois de derrotar a Gray Fox, vese obrigado a loitar contra Big Boss (o cal estaba a cargo de toda Zanzibar Land). Estando Snake desarmado intenta improvisar un lanzachamas, que consiste nun atomizador e un chisqueiro de cigarros, tomando desta forma a Big Boss por sorpresa, consegue derrotalo por segunda vez e definitivamente. Por último Snake consegue fuxir, e entregar a fórmula OILIX a Campbell.

Coa crise resolta, Snake desaparece no deserto de Alaska, onde vivirá na xubilación durante os vindeiros seis anos...

Metal Gear Solid[editar | editar a fonte]

Artigo principal: Metal Gear Solid.

Ambientado no ano 2005 na illa de Shadow Moses en Alaska.

Tralo incidente de Zanzibar Solid Snake retirouse do servizo activo, e anos máis tarde é requirido para realizar unha nova misión: infiltrarse na base da illa de Shadow Moses en Alaska, onde o grupo de elite FOXHOUND, agora comandado polo irmán xemelgo de Solid Snake; Liquid Snake, revelouse e ameaza con usar Metal Gear Rex, un tanque bípede capaz de lanzar unha cabeza nuclear a calquera punto do planeta.

Snake queda abraiado ao descubrir que o líder desta insurxencia é Liquid Snake, un axente co mesmo código de nome “Snake” ca el e características físicas case idénticas. Xunto a Liquid está un grupo dos mellores axentes de FOXHOUND.

Snake viola con éxito a seguridade da base e atopa os reféns, descubrindo que os ensaios que se levan a cabo na illa se realizan para un novo modelo de Metal Gear, alcumado Rex. A misión de Snake é agora de busca e destrución. Na súa busca de Metal Gear Rex, crúzase con varias figuras interesantes, incluída Meryl Silverburgh, sobriña de Roy Campbell (que á sobremesa remata sendo a súa filla) e soldado sen experiencia, e Hal Otacon Emmerich, o científico xefe do proxecto Metal Gear Rex. Snake e os terroristas tamén se ven asexados por un misterioso ninja cibernético, que despois resulta ser Gray Fox, ao que se cría anteriormente morto.

Tras derrotar a todos os ex-axentes de FOXHOUND (agás Revolver Ocelot, que foxe tras perder a súa man dereita perante Gray Fox), Snake destrúe a Rex. Daquela, Liquid Snake enfróntase a el, revelando o terrible segredo sobre a liñaxe ao que ambos pertencen. Ámbolos dous son experimentos xenéticos, produto do proxecto Les Enfants Terribles ("Os nenos terribles"), deseñados por científicos a partir do material xenético do soldado perfecto, Big Boss. A pesar dos seus impulsos morais para non facelo, Solid Snake existe unicamente para loitar. Tras unha escapada ao límite e a suposta morte de Liquid, Snake e Meryl/Otacon cabalgan unha vez máis para a posta de sol.

Metal Gear Solid 2[editar | editar a fonte]

Metal Gear Solid 2 Sons of Liberty divídese en dúas misións: O capítulo do Barco (no que controlaremos a Snake) e O capítulo da Planta (no que controlaremos a Raiden).

O capítulo do barco[editar | editar a fonte]

A historia comeza dous anos após os sucesos en Metal Gear Solid, durante ese tempo a tecnoloxía do Metal Gear circula no mercado negro grazas a Ocelot, pola súa banda, Solid Snake e Otacon son membros da recén fundada Philanthropy, unha ONG anti-Metal Gear e comezan unha tarefa clandestina para desvelaren os proxectos de produción en masa de Metal Gear de [[EUA|Estados Unidos], despois de saberen que os O.S.Marines crearon un novo protipo de Metal Gear e está a ser levado a un destino descoñecido.

Snake decide infiltrarse mentres o barco que transporta o novo Metal Gear camuflado como un petroleiro percorre o río Hudson, a súa intención é tirar fotos do Metal Gear e amosarllas ao mundo na internet.

Mais o barco cae preso por terroristas que supostamente desexan tomar o Metal Gear liderados por Ocelot, Coronel Sergei Gurlukovich e Olga Gurlukovich. Snake descobre que Ocelot implantouse no brazo de Liquid Snake e padece unha dobre personalidade. Despois Ocelot voa o barco con explosivos matando os mariños, os rusos e supostamente a Solid Snake e foxe co novo prototipo Metal Gear Ray.

O capítulo da fábrica[editar | editar a fonte]

Tempo despois atopámonos nunha fábrica de limpeza medioambiental chamada Big Shell sita fronte á costa de Nova York. O Big Shell converteuse en todo un símbolo da protección medio ambiental e da limpeza causada polos supostos tóxicos que se derramaron aí despois do incidente do capítulo do barco. O Big Shell, de súpeto, é capturado por un grupo terrorista, que se autonomean Sons of Liberty (Sons de Liberdade).

Este grupo ameaza con voar o Big Shell se non se cumpren as súas esixencias. Para colmo o presidente estaba de visita ese día e foi tomado como refén. A situación é claramente desesperante para o Goberno, que pediu á recén reformada unidade Fox Hound que se faga cargo da situación. O escollido é o axente Raiden, que debe infiltrarse por si só no Big Shell.

Pola súa banda Snake e Otacón descobren que o Big Shell non é máis que unha cortina para unha fábrica onde se constrúen e se fabrican en masa Metal Gears. Snake, so un nome falso, axuda a Raiden na súa misión, logo ámbolos dous descobren que todo foi un experimento feito polos Patriots e que todos os involucrados no evento, incluído o presidente, non foron máis que pezas no seu xogo.

Cómpre destacar que as superviventes do grupo Dead Cell tamén participan no asalto ao Big Shell.

Neste xogo desvélase o pasado familiar de Otacon, alén de darlle unha grande importancia aos Patriots

Metal Gear Solid 4[editar | editar a fonte]

A historia sitúase no ano 2014, cinco anos despois do "Incidente Manhattan" (os eventos do capítulo na Planta de Metal Gear Solid 2) e nove anos despois de que FOXHOUND asaltase a illa de Shadow Moses, onde Solid Snake foi inxectado cun retrovirus chamado Foxdie. Solid Snake aparece avellentado debido á súa prematura dexeneración celular, causada por un fallo no proceso de clonación que o creara, e agora ten tan só seis meses de vida. Metal Gear Solid 4 retrata un mundo onde o dominio militar en terras estranxeiras é o obxectivo para dominar a economía, levando a mercenarios a batallas contra Compañías Militares Privadas (Private Mitilitary Companies ou PMCs), con fins financeiros.

A economía mundial do século XXI depende agora da guerra. Malia todo, cinco das grandes PMCs están empeñadas en formaren unha soa gran compañía: Outer Heaven (o nome da compañía de mercenarios de Big Boss, e fortificada nación no xogo Metal Gear) ao mando de Liquid Ocelot, quen pretende tomar o control total sobre as nanomáquinas dos soldados. El quere acabar cos Patriots, para iso faise co control das PMC, últimos brazos de poder dos Patriots. Ao desligaren os nanobots dos soldados, os patriots perderían o seu derradeiro vestixio de poder, quedando destruídos. Sábese que Outer Heaven ten acumulado un capital militar equivalente ao que ten Estados Unidos, e agora está a preparar lanzar unha arma nuclear. Co mundo unha vez máis en crise, Solid Snake é recrutado por Roy Campbell (a ONU pídelle axuda a Snake para deter a Ocelot), acompañado por Otacon, para eliminar a Liquid Ocelot. A súa misión terá lugar en cinco localizacións repartidas arredor do mundo: Medio Oriente, América do sur, unha cidade europea, Shadow Moses e Outer Haven, un castelo flutuante (baseada en Arsenal Gear) onde se atopa o sistema GW e onde se refuxia Liquid Ocelot.

Os detalles da trama e/ou do argumento rematan aquí.

Adaptacións a outros medios[editar | editar a fonte]

Novelización[editar | editar a fonte]

A novela baseada en Metal Gear foi publicada en 1989 como parte da formación d' O Poder do Mundo Escolástico novelístico creado por FX Nine, baseado nos de terceira persoa de NES. Escrito por Alexander Frost. A novelización de Metal Gear non está baseada na historia real do xogo (pois Kojima non estivo implicado na produción do libro), pero algo en Konami de América fixo que se reinterpretase a historia (como se representa no manual do xogo). O libro tómase a liberdade de darlle a Solid Snake o nome Justin Halley. Contándose, así mesmo, en Metal Gear Solid a mudanza de nome á unidade de Snake de FOXHOUND a "Snake Men". Xa que o libro estaba feito para mozos lectores, Snake non mataba ninguén e só emprega a súa pistola para destruír unha pechadura (a cuberta do libro foi cambiada para omitir a pistola de Snake). A novela tamén deu consellos sobre o xogo coa súa propia narración.

Dramatización Radial[editar | editar a fonte]

Un radio-teatro baseado no Metal Gear Solid orixinal chamado Metal Gear Solid Drama CD foi lanzado en Xapón en 1998 e finalizou en 1999 como parte do programa do sindicato de Konami Club DB. Dirixido por Shuyo Murata e escrito por Motosada Mori. A serie durou 18 semanas e relatou 3 historias. A serie completa esta dispoñible en dous CDS separados (actualmente esgotados).[1][2]

Cómics[editar | editar a fonte]

Unha adaptación a banda deseñada do orixinal Metal Gear Solid foi publicado por IDW Publishing no 2004. Escrito por Kris Oprisko e ilustrado por Ashley Wood. A serie está composta por doce revistas e foi reunida en dous compendios de venda. Unha adaptación a cómic de MGS2: Sons of Liberty foi publicada polo mesmo equipo creador nos EE. UU.. En España, os dereitos de publicación obran en mans de Norma Editorial, que editou os dous compendios e a primeira parte de Sons of Liberty.

Películas[editar | editar a fonte]

No 2004, Hideo Kojima foi citado por dicir que cousas que un expresa nun xogo, son diferentes ás que se expresan nunha película... Tería que ser un guión moi diferente, case unha historia diferente.

Ninguén sabe quen será o director, aínda que Uwe Boll está descartado, segundo declarou o propio Kojima en varias entrevistas.

En febreiro de 2007 a produtora Columbia anunciou que estaba en negociacións para adquirir os dereitos da adaptación cinematográfica, e que quería que o filme fose un thriller de espionaxe con ambientación futurista. [5] Actualmente é Sony Pictures quen está traballando na versión cinematográfica do xogo. Non hai moitos detalles ao respecto.

Notas[editar | editar a fonte]


Ligazóns externas oficiais[editar | editar a fonte]