Etcétera

Para outras páxinas con títulos homónimos véxase: Et cetera.

Etcétera é unha locución latina que en galego significa “e o demais”. É unha tradución tomada do grego "καὶ τὰ ἕτερα" (kai ta hetera: e as outras cousas). A forma grega máis usada é "καὶ τὰ λοιπά" (kai ta loipa: “e o restante”). Utilízase para substituír o resto dunha enumeración. Esta locución abréviase coa forma “etc.” ou “&c.”, sendo o punto o final da oración se esta é a derradeira palabra. A palabra completa escríbese etcétera, aínda que tamén se acepta et caetera, et coetera ou et cœtera. Como xa inclúe a conxunción "e", non vai precedido dunha coma: No zoolóxico hai leóns, tigres, xirafas etc.^[1]^[2]

Usos

*OLIVAR[IVS]·D[EI]·G[RATIA]·R[EI] P[VBLICAE]·ANG[LIAE]·SCO[TIAE] ·ET·HIB[ERNIAE]* &c *PRO[TECTOR]* (*Óliver, pola graza de Deus e protector da República de Inglaterra, Escocia, Irlanda etc.)*

É incorrecto^[3] usar etcétera precedido de "e" ou repetido varias veces:

Comeu patacas, tomates, nabos e etc.
Comeu patacas, tomates, nabos etc. etc. etc.

Tamén é redundante (pero non incorrecto) o uso desta palabra acompañada de puntos suspensivos:

Viu elefantes, hipopótamos, xirafas etc…

Para máis información sobre o uso redundante, ver o termo pleonasmo.

A ortotipografía di que esta locución pode aparecer ao final dunha liña pero non ao principio desta, porque así queda desvinculada do conxunto de elementos que pecha.

Os monarcas europeos coma o tsar Nicolao II de Rusia, que tiñan moitos títulos nobiliarios, abreviábanos con "et cetera" e ás veces repetíano para salientar a grandeza do monarca: "Eu, Nicolao II, pola graza de Deus, Emperador e Autócrata de todas as Rusias, Rei de Polonia, Gran Duque de Finlandia etc. etc. etc.".

Expresións latinas semellantes

Outras expresións latinas semellantes son:

Et alii, “e outros”, en listas de persoas, en lugar de empregar etc.
Et alibi, “e en calquera lugar”, en listas de lugares. Abreviado en et al. (Significa: en calquera outro lugar)
Et sequentes, (versus) “e os seguintes (versos)” ou et sequentia en literatura. Abreviado en et seq.

Notas

↑ "Dicionario da Real Academia Galega". Arquivado dende o orixinal o 17 de abril de 2015. Consultado o 13 de abril de 2015.
↑ Traballo xornalístico na UVI: pautas para un correcto uso da linguaxe Arquivado 20 de outubro de 2013 en Wayback Machine., p. 32: "A diferenza doutras linguas, non se escribe coma antes da locución pronominal etc., pois a conxunción copulativa e xa vai incluída no latinismo".
↑ Zabala, R., El libro y sus orillas. México D.F., Dirección General de Publicaciones y Fomento Editorial, 1995. ISBN 968-36-2217-8

Véxase tamén

Ligazóns externas

Recompilación de usos na prensa escrita Arquivado 09 de novembro de 2013 en Wayback Machine.

[1] "Dicionario da Real Academia Galega". Arquivado dende o orixinal o 17 de abril de 2015. Consultado o 13 de abril de 2015.

[2] Traballo xornalístico na UVI: pautas para un correcto uso da linguaxe Arquivado 20 de outubro de 2013 en Wayback Machine., p. 32: "A diferenza doutras linguas, non se escribe coma antes da locución pronominal etc., pois a conxunción copulativa e xa vai incluída no latinismo".

[3] Zabala, R., El libro y sus orillas. México D.F., Dirección General de Publicaciones y Fomento Editorial, 1995. ISBN 968-36-2217-8

[1]

[2]

[3]