Metal Gear Solid

Metal Gear Solid
Desenvolvedor(es)	Konami
Distribuidora(s)	Konami
Deseñador(es)	Hideo Kojima e Yoji Shinkawa
Lanzamento	3 de setembro de 1998
Xénero	videoxogo de acción e aventura e jogo eletrônico de stealth
Modos de xogo	videoxogo para un xogador
Clasificación	PEGI ; CERO ; USK
Plataforma(s)	Microsoft Windows, PlayStation Portable e PlayStation
Na rede
	https://www.konami.com/mg/archive/mgs/
	[ editar datos en Wikidata ]

Metal Gear Solid é a terceira entrega da serie de videoxogos Metal Gear creada por Hideo Kojima. As primeiras entregas foron lanzadas primeiro para NES e MSX, e a seguinte para PSX e PC. Tamén dispoñible para PS3 (na Store Xaponesa). No Metal Gear Solid 4 apareceu un mapa orixinal do Metal Gear Solid.

Introdución

Para moitos é un dos grandes xogos de espionaxe e acción do cal derivaría todo un subxénero de videoxogos que utilizarían os mesmos conceptos. Caracterízase pola complexidade do seu argumento e das personaxes, as súas longas escenas cinematográficas; o emprego ou mención de armamento nuclear, organizacións ou medios de transporte (vehículos, helicópteros,etc.) de guerra existentes na realidade; e as súas intrigadas tramas, que falan de diversos temas filosóficos. En España foi dobrado ao castelán, sendo unha das dobraxes máis lembradas da historia dos videoxogos. A voz de Solid Snake foi dobrada por Alfonso Vallés.

Outra característica importante e revolucionaria deste xogo é o feito da inmersión co contorno do xogador. En certa etapa onde o protagonista enfróntase a un dos "xefes" do xogo, chamado Psycho Mantis, o xogo fai crer ao xogador que se cambiou a TV ao modo VÍDEO (co estilo de letras verdes en televisión de SONY, só que en vez de VÍDEO di HIDEO en alusión a Hideo Kojima, creador da serie). Pouco antes, nesa mesma etapa, o personaxe de Psycho Mantis pide ao xogador deixar o control da consola no chan ou nunha mesa e logra movelo coa mente, sempre e cando o controlador sexa un DualShock en PlayStation. No MGS4 faise alusión a aquel feito, xa que o primeiro mando da PS3, o Sixaxis carece de vibración. Coa chegada do DualSchock 3 Psycho Mantis puido volver a mover o controlador no MGS4. Adiviña outros xogos que o xogador xogou antes (xogos de Konami) ou se o xogador é cauto e adoita sobrescribir moito.

Todo isto unido ao carácter do protagonista deu lugar a un dos xogos máis influentes e que perduran por máis tempo na memoria da xogador.

Trama

Tralo incidente de Zanzibar Solid Snake retirouse do servizo activo, e anos máis tarde é requirido para realizar unha nova misión: infiltrarse na base da illa de Shadow Moses en Alasca, onde algúns integrantes do grupo de elite FOXHOUND reveláronse e ameazan con usar Metal Gear Rex, un tanque bípede capaz de lanzar unha cabeza nuclear a calquera punto do planeta. Na historia á parte de Snake sobresaen outras personaxes como Liquid Snake, o seu irmán xemelgo, Meryl Silverburgh, a sobriña do coronel Campbell, e Hall "Otacon" Emmerich, un gran científico creador de Metal Gear Rex.

O período de paz augurado en Metal Gear 2 non se materializa, e para o ano 2005, o desenvolvemento nuclear está de novo de plena actualidade. Un grupo de terroristas secuestra unha instalación militar dos Estados Unidos na illa Shadow Moses, (Alasca), mentres se leva a cabo alí unha serie de ensaios con respecto a unha nova arma segreda. É interesante ver que o grupo está liderado polos axentes renegados de Fox Hound, procedente da antiga unidade de Solid Snake. Tómase como reféns a importantes funcionarios do goberno e de empresas armamentísticas, alí presentes para observar os ensaios. As esixencias dos terroristas son sinxelas, aínda que un pouco desconcertantes: se non se lles entregan os restos de Big Boss dentro dun prazo de vinte e catro horas, procederán ao lanzamento dunha cabeza nuclear. O antigo comandante de Fox Hound, Roy Campbell, chama de novo a Solid Snake para que se infiltre na base, rescate aos reféns e desactive a capacidade nuclear dos terroristas.

Snake queda impresionado ao descubrir que o líder desta insurxencia é Liquid Snake, un axente co mesmo código de nome “Snake” que ten unhas características físicas case idénticas. Xunto a Liquid está un grupo dos mellores axentes de Fox Hound, composto por :

Revolver Ocelot: Especialista en torturas. A súa habilidade co revolver convérteno nun perfecto pistoleiro (de aí o seu nome). A súa avanzada idade non o prexudica en nada no momento de disparar.
Psycho Mantis: O psíquico do equipo. As súas habilidades son a telekinese e a telepatía. Isto faino uns dos máis fortes de Fox-Hound.
Vulcan Raven: Un indio sioux con forza sobrenatural. Chámase Vulcan porque sempre leva unha xigantesca metralladora Vulcan e Raven provén da súa habilidade para controlar aos corvos.
Sniper Wolf: Unha muller de orixe kurda que é excelente no manexo do rifle de precisión e que sempre vai acompañada de lobos, de aí o nome.
Decoy Octopus: É a mestre do disfrace. Cambia o seu contorno físico e inxéctase o sangue de quen quere imitar para chegar a parecerse a dita persoa. Imita a voz de calquera persoa ao 100%.
Liquid Snake: Líder de grupo Fox Hound, dirixe unha lexión de soldados Xenoma, tropas cuxos xenes foron condicionados para aumentar os seus atributos físicos. Á vista desta capacidade de manipular xenes, quedan claras as esixencias dos terroristas con respecto aos restos de Big Boss, o “soldado lendario”.

Snake viola con éxito a seguridade da base e atopa aos reféns, descubrindo que os ensaios que se levan a cabo na illa realízanse para un novo modelo de Metal Gear, alcumado Rex. A misión de Snake é agora de busca e destrución. Na súa busca de Metal Gear Rex, crúzase con varias figuras interesantes, incluída Meryl Silverburgh, sobriña de Roy Campbell (que á sobremesa termina sendo a súa filla) e soldado sen experiencia, e Hall “Otacon” Emmerich, o científico a cargo do proxecto Metal Gear Rex. Snake e os terroristas tamén se ven asexados por un misterioso ninja cun exoesqueleto cibernético, que despois resulta ser Gray Fox, ao que se cría anteriormente morto.

Tras derrotar a todos os ex-axentes de Fox Hound (a excepción de Revolver Ocelot, que escapa tras perder a man dereita por causa do Ninja), Snake destrúe a Rex. Entón, Liquid Snake enfróntase a el, revelando o terrible segredo sobre a liñaxe ao que ambos pertencen. Ambos son experimentos xenéticos, produto do proxecto Les Enfants Terribles (”Os nenos terribles”), deseñados por científicos a partir do material xenético do soldado perfecto, Big Boss. A pesar dos seus impulsos morais para non facelo, Solid Snake existe unicamente para loitar. Tras unha escapada ao límite e a suposta morte de Liquid, Snake e Meryl/Otacon(dependendo do xogo) cabalgan unha vez máis para a posta de sol.

Tralos créditos finais, a xogador recibe a sorpresa dunha breve transmisión do fuxitivo Revolver Ocelot para o presidente dos Estados Unidos (de todas as persoas). Queda claro que Ocelot foi un dobre axente todo o tempo. Máis impresionante é que Solidus, o Presidente, é un terceiro produto do proxecto Les Enfants Terribles.

Similitudes coa realidade

O xogo tamén é coñecido entre outras por no armamento real empregado, o cal lle chegou a provocar certas polémicas con respecto á súa comercialización no mercado, e a correspondente clasificación de xogo non recomendado para menores de 18 anos.

No xogo entre outro armamento atopamos:

Rifle de asalto francés FAMAS.
Lanzamísiles Stinger.
Lanzamísiles Nikita.
Lentes de visión nocturna.
Lentes de visión térmica ou radiación infravermella.
Pistola Socom MK23.
Rifle con mira telescópica PSG1
Minas Claymore
Explosivos a control remoto C4

Vehículos de transporte:

Helicóptero ruso de combate Hind D.

Medicamentos:

Relaxante muscular Diazepam

Etc.

Véxase tamén

Ligazóns externas

Guía Completa do xogo
The Unnoficial Site (en inglés).
Metal Gear System Arquivado 20 de xaneiro de 2009 en Wayback Machine. (en castelán).