Matthew Perry (actor)

Matthew Perry
Matthew Perry en decembro de 2013.
Nome completo	Matthew Langford Perry
Nacemento	19 de agosto de 1969
Lugar	Williamstown
Nacionalidade	Estados Unidos de América e Canadá
Educado en	Ashbury College, The Buckley School e Lisgar Collegiate Institute
Pai	John Bennett Perry
Profesión	actor de televisión, director de cinema, escritor, produtor de cinema, actor de cinema e guionista
Na rede
[ editar datos en Wikidata ]

Matthew Langford Perry, nado en Williamstown (Massachusetts) o 19 de agosto de 1969, é un actor estadounidense-canadense coñecido polo seu papel de Chandler Bing na serie Friends da NBC, pola que obtivo unha candidatura ao Premio Emmy en 2002. Perry tamén apareceu en Studio 60 on the Sunset Strip, así como papeis en películas como The Whole Nine Yards e a súa secuela The Whole Ten Yards e 17 Again. Perry tamén foi candidato para un Premio Emmy e un Globo de Ouro polo seu papel en The Ron Clark Story.

Traxectoria

A súa nai, Suzanne Perry Morrison, é unha periodista canadense e exsecretaria de prensa do Primeiro Ministro do Canadá, Pierre Trudeau, e o seu pai, John Bennett Perry, é un actor estadounidense e ex-modelo. Os seus pais divorciáronse antes do seu primeiro aniversario e a súa nai casou con Keith Morrison, un periodista de televisión. Perry foi criado pola súa nai en Otava, Ontario e estudou na Rockcliffe Park Public School e Ashbury College. Durante a súa infancia mostrouse particularmente interesado no tenis.

Carreira

Década de 1980

Perry estudou en Glebe Collegiate Institute en Otava. Presentouse como George Gibbs en Our Town e apareceu como un mozo nunha produción chamada The Miracle Worker. Patty Duke asistíu e eloxiou a Perry polo seu papel de Jimmy, irmán de Helen. Tamén apareceu en The Sound of Music como un mozo. No seu derradeiro ano, o director Tim Hillman tiña previsto unha produción de The Elephant Man, especificamente para ofrecerlle o papel de John Merrick, xunto con Vanessa Smith e a futura estrela de Les Misérables, Lisa Capps. Logo comezou a súa carreira profesional á idade de 18 anos.

Ao ser parte de A Night in the Life of Jimmy Reardon con River Phoenix, Perry retirouse de The Elephant Man e rematou a súa carreira como actor secundario. Tamén se dedicou á comedia improvisada en LA Connection en Sherman Oaks, mentres estaba en preparatoria, converténdose rapidamente nun intérprete destacado.

Despois dalgunhas aparicións na televisión a finais de 1980, a súa intención foi inscribirse na Universidade do Sur de California, cando lle ofreceron o papel principal de Chazz Russell en Second Chance e comezou a facerse notar na actuación. Perry protagonizou xunto a Kiel Martin esta serie cando se estreou en 1987, pero despois de 13 episodios, o formato do programa mudou: Second Chance converteuse en "Boys Will Be Boys", A pesar do cambio, o show só durou unha tempada. Cando chegou a súa fin, Perry quedou en Los Angeles e fixo a súa aparición no programa de televisión Growing Pains no que interpretou o mozo de Carol que morre polas súas feridas no hospital, sufridas nun accidente por conducir ebrio.

Década de 1990

En 1991 fixo unha aparición especial en Beverly Hills, 90210 como Roger Azarian. Perry era unha personaxe regular na serie Sydney da CBS en 1990, interpretando ao irmán máis novo da personaxe de Valerie Bertinelli. Tres anos máis tarde, logrou o seu segundo papel protagonista, na serie da ABC, que só durou 13 episodios na primavera de 1993. Para entón, Perry formou parte nun novo piloto dramático titulado LAX 2194. O proxecto tardou en saír, polo que intentou conseguir un papel para o piloto Six of One como un apoio, que máis tarde sería coñecido como Friends, creada por Marta Kauffman e David Crane, que anteriormente xa traballaran xuntos en Dream On. Matthew conseguiu o papel de Chandler Bing.

O programa foi todo un éxito, e valeulle candidaturas nos Premios Emmy en 2002 por Mellor Actor Principal nunha Serie de Comedia, xunto con Matt LeBlanc. Ademais da súa exitosa carreira en Friends, Matthew apareceu en películas como Fools Rush In (xunto ao seu pai John Bennett Perry e Salma Hayek), Almost Heroes, Tango para tres, The Whole Nine Yards (xunto a Bruce Willis) e a súa secuela, The Whole Ten Yards, e Serving Sara.

Anos 2000

Aínda que é coñecido principalmente polos seus papeis cómicos, Perry fraguouse unha carreira no teatro. As súas tres aparicións na serie The West Wing (dúas veces na cuarta tempada e unha vez na quinta) valéronlle dúas candidaturas aos Premios Emmy ao mellor actor convidade nunha serie dramática en 2003 e 2004. Tamén actuou como o avogado Todd Merrick en dous episodios cerca do final da 5ª tempada de Ally McBeal, incluíndo un especial de 2 horas.

Despois de Friends, Perry fixo o seu debut como director nun episodio da 4ª tempada de Scrubs.

Actuou na película de TNT, The Ron Clark Story, que se estreou o 13 de agosto de 2006. Perry protagonizou a Ron Clark, un profesor dunha pequena cidade. Recibiu unha candidatura ao Globo de Ouro, así como unha candidatura ao Emmy pola interpretación.

Durante o período 2006-2007, Perry apareceu no drama de Aaron Sorkin, Studio 60 on the Sunset Strip .

En 2006 comezou a filmar Numb, unha comedia dramática sobre un escritor con depresión crónica. A data da película foi posposta varias veces, pero finalmente foi lanzada en DVD o 13 de maio de 2008. Tamén apareceu en Sexual Perversity in Chicago. creada por David Mamet, en Londres. En 2009 protagonizou a película 17 Again representando ao maior Mike O'Donnell.

Showtime pasou nun piloto chamado The End of Steve, unha comedia de humor negro protagonizada, escrita e producida por Peter Tolan e Perry.

A nova serie creada por Matthew Perry chegou ás mans da ABC, segundo The Hollywood Reporter. Baséase nunha idea orixinal de Perry, e será escrita por el mesmo, así como Alex Barnow Firek e Marc, asignados como os produtores executivos. Thomas Schlamme está en conversacións para dirixir. O novo piloto chámase Mr. Sunshine. En xaneiro de 2010, anunciouse que a ABC aceptou lanzar Mr. Sunshine. Tamén se revelou que o proxecto é unha comedia protagonizada por unha única cámara e con Perry como un home que sofre unha crise debido a que ten 40 anos. A empresa ven de Sony TV e Jamie Tarses Fanfare Productions.

Vida persoal

A pesar das relacións con figuras tan coñecidas como Julia Roberts, Yasmine Bleeth e Lauren Graham, Perry permanece solteiro. Segundo os informes, sae coa estudante de moda Rachel Dunn.

Perry fixo unha rehabilitación de 28 días en 1997 por unha adicción ao Vicodin.

Perry volveu entrar en rehabilitación en marzo de 2001 para tratar unha adicción a Vicodin, metadona, a velocidade e o alcohol. Perry atopábase en Dallas coa filmación de Serving Sara con Elizabeth Hurley cando tivo uns severos dores de estómago, polo que chamou a un médico local, quen lle aconsellou rehabilitación. Perry voou a Los Angeles e rexistrouse no Marina del Rey's Daniel Freeman Hospital. A publicista de Perry, Lisa Kasteler confirmou a súa rehabilitación.

Premios e nomeamentos

• Premios Emmy
  • Candidato - Mellor Actor - Miniserie ou telefilme, The Ron Clark Story (2007)
  • Candidato - Mellor actor convidado - Serie dramática, The West Wing (2003 e 2004)
  • Candidato - Mellor actor - Serie de comedia, Friends (2002)
• Globos de Ouro
  • Candidato - Mellor actor de miniserie ou telefilme, The Ron Clark Story (2007)
• Kids' Choice Awards
  • Candidato - Actor Favorito, Friends (2002)
• Satellite Awards
  • Candidato - Mellor Actor - Drama Studio 60 on the Sunset Strip (2006)
• Screen Actors Guild Awards
  • Candidato - Mellor Actor de Televisión - Miniserie ou Telefilme, The Ron Clark Story (2007)
  • Gañador - Mellor Elenco de Televisión - Comedia, Friends (1995)
• Teen Choice Awards
  • Ganador - Mellor Actor en Serie de Comedia, Friends (2004)

Filmografía

Cine

Ano	Título	Personaxe	Comentarios
1988	Dance 'Til Dawn	Roger
1997	Fools Rush In	Alex Whitman
1998	Almost Heroes	Leslie Edwards
1999	Tango para tres	Oscar Novak
2000	The Whole Nine Yards	Nicholas 'Oz' Oseransky
2002	Serving Sara	Joe Tyler
2004	The Whole Ten Yards	Nicholas 'Oz' Oseransky	junto con Bruce Willis
2006	The Ron Clark Story	Ron Clark	telefilme
2008	Numb	Hudson	posprodución
2008	The Beginning of Wisdom	Del	posprodución
2008	Birds of America	Morrie	posprodución
2009	17 Again	Mike O' Donnell (adulto)
2010	Lovers	Kristoph (Astrid´s Lover)

Televisión

Ano	Título	Personaxe	Comentarios
1991	Beverly Hills, 90210	Roger Azarian	Episodio 18, 1ª temrada: "April Is the Cruelest Month"
1994 - 2004	Friends	Chandler Bing	Protagonista
2001	The Simpsons	Matthew Perry	Voz Episodio 1, 13ª tempada: "Treehouse of Horror XII"
2002	Ally McBeal	Attorney Todd Merrick	Episodios 16 e 17 da 5 tempada
2003	The West Wing	Joe Quincy	3 episodios
2004	Scrubs	Murray Marks	Convidado en "My Unicorn" episodio 4, tempada 11 e tamén director
2006 - 2007	Studio 60 on the Sunset Strip	Matt Albey	Protagonista
2009 - presente	The End of Steve	Steve	Protagonista, dirección e produción
2010 - presente	Mr. Sunshine	Ben	Protagonista e Co-creador