Salma Hayek

Salma Hayek
	; (2020)
Biografía
Nacemento	(es) Salma Valgarma Hayek Jiménez ; 2 de setembro de 1966 (57 anos); Coatzacoalcos (México)
Datos persoais
País de nacionalidade	México ; Estados Unidos de América
Grupo étnico	Arab Mexican (en) , Inmigración española en México e Lebanese Mexicans (en)
Relixión	Igrexa católica
Educación	Stella Adler Studio of Acting (en) ; Universidad Iberoamericana (pt) ; Academy of the Sacred Heart (en)
Actividade
Lugar de traballo	México
Ocupación	actriz de cinema , actriz , cantante , actriz de dobraxe , actriz de televisión , directora de cinema , produtora , produtora de televisión
Período de actividade	1988 -
Lingua	Lingua inglesa e Castelán mexicano
Familia
Cónxuxe	François-Henri Pinault (2009–)
Fillos	Valentina Paloma Pinault (en)
Parentes	Mathilde Pinault (pt) (fillastra); François Pinault (en) (fillastro); François Pinault (pt) (husband's father (en) ); Laurence Pinault (en) (husband's sister (en) ); Dominique Pinault (en) (esposo do irmão (pt) )
	Premios (2008) Lucy Award (en) ; (2007) Premio Grandes Inmigrantes; Cabaleiro da Lexión de Honra; Daytime Emmy Awards (pt) ;

Salma Valgarma Hayek-Jiménez, nada en Coatzacoalcos (Veracruz) o 2 de setembro de 1966^[1], é unha actriz mexicana, máis coñecida como Salma Hayek. Nomeada ós Premios Oscar da Academia como mellor actriz pola súa interpretación en Frida.

Traxectoria[editar | editar a fonte]

Os seus pais son o político e home de negocios Sami Hayek Dominguez, e a cantante de ópera Diana Jiménez. De pequena estudou en Luisiana (Estados Unidos de América) e viviu en Texas. De regreso a México estudou Relacións Internacionais, pero deixou os seus estudos universitarios polos de actuación.

O seu primeiro traballo artístico foi na obra Aladino e a lámpada marabillosa, onde a viu un produtor de televisión que lle ofreceu un papel na súa primeira telenovela Un Nuevo Amanecer en Televisa. A súa impactante beleza causou que o seu segundo papel fóra de protagonista na telenovela Teresa, que foi un grande éxito.

Malia ese grande éxito, decidiu deixalo todo en México e volver empezar nos Estados Unidos. Estudou interpretación nos Ánxeles (California) e obtivo pequenos papeis nalgunhas películas menores e programas de televisión por cable. O seu primeiro gran papel foi na película Desperado con Antonio Banderas. O director da película, Robert Rodríguez, elixiuna para actuar de novo con Bandeiras en Four Rooms, Spy Kids e a secuela de Desperado (O mexicano, ademais de Aberto ata o amencer con George Clooney. Actuou noutras películas con Penélope Cruz, Mike Myers, Will Smith, Matt Damon, Pierce Brosnan e a súa parella por varios anos, Edward Norton.

En 2002 presentouse a súa película Frida sobre a pintora mexicana Frida Kahlo, o traballo de varios anos da súa compañía de produción (Ventana Rosa) resultou nomeada en 6 categorías dos Oscar incluíndo Mellor Actriz para Hayek. O filme obtivo 2 premios (Maquillaxe e Música Orixinal).

Desde 2004 o seu rostro é o estandarte de Avon, anteriormente fixo a mesma función para Revlon en 1998. Ademais é considerada unha das actrices mellor vestidas de Hollywood.

En marzo de 2007 dáse a coñecer que está embarazada e comprometida co empresario francés François-Henri Pinault, cuxa firma é propietaria de Gucci e Yves Saint Laurent.