Terapia

Na Galipedia, a Wikipedia en galego.
Saltar ata a navegación Saltar á busca
"Goya atendido por Arrieta". Óleo de Francisco de Goya (1820).

En medicina, terapia,[1] ou tratamento,[2] [3] é o conxunto de medios de calquera clase (hixiénicos, farmacolóxicos, cirúrxicos ou físicos) cuxa finalidade é a curación ou o alivio (paliación) das enfermidades ou os síntomas delas.

Non se debe confundir con terapéutica,[4] [5] que é a rama das ciencias da saúde que se ocupa dos medios empregados e a súa forma de aplicalos no tratamento das enfermidades.[6]

Etimoloxía[editar | editar a fonte]

O termo terapia é a adaptación galega do latín científico therapia, voz introducida en 1846, que procede do grego antigo θεραπεία therapeía, "servizo", "coidado do corpo", "tratamento médico".[7]

Tipos de tratamentos[editar | editar a fonte]

Piscina de balneoterapia en Széchenyi Bath, Budapest.
Radioterapia da pelve.

Formas de aplicar os tratamentos[editar | editar a fonte]

  • Terapia individual, é a aplicada a un só paciente.
  • Terapia de grupo, é aplicada a varios pacientes á vez.
  • Tratamento alternativo, é o prescrito por unha persoa, xeralmente sen formación médica homologada, e sen demostración científica da súa eficacia.
  • Tratamento conservador, é o que evita procedementos cruentos, como os cirúrxicos ou instrumentais, e que utiliza medidas pouco agresivas tendentes a manter ou mellorar a situación xeral do enfermo e a controlar no posíbel o curso da enfermidade.
  • Tratamento curativo, é o que tras ser aplicado se consegue unha reversión total da enfermidade.
  • Tratamento específico, é o dirixido contra unha enfermidade concreta.
  • Tratamento etiolóxico, é o que actúa directamente sobre a causa que orixina a enfermidade.
  • Tratamento paliativo, é o que intenta aliviar ou ofrecer o máximo benestar ao paciente porque non se pode alcanzar un tratamento curativo.
  • Tratamiento radical, é o que intenta erradicar a enfermidade utilizando todas as medidas dispoñíbeis en medicina.
  • Tratamento sintomático, é o que calma ou alivia os síntomas en aquelas enfermidades que se descoñecen ou que non teñen un tratamento eficaz.
  • Tratamiento non farmacolóxico, é a intervención non química, teoricamente sustentada, focalizada e replicábel, realizada sobre o paciente ou o coidador e potencialmente capaz de obter un beneficio relevante.

Notas[editar | editar a fonte]

  1. terapia no Dicionario da RAG.
  2. tratamento no Dicionario da RAG.
  3. tratamento no Dicionario galego de termos médicos. Real Academia de Medicina e Cirurxía de Galicia / Xunta de Galicia. Consellería de Educación e Ordenación Universitaria. Santiago de Compostela, 2002, ISBN 84-453-3371-2.
  4. trerapéutica no Dicionario da RAG.
  5. terapéutica no Dicionario galego de termos médicos.
  6. Porén, o Dicionario galego de termos médicos considera como sinónimos "terapéutica", "tratamento" e "terapia". Cf. estes tres termos nese dicionario.
  7. therapy no Online Etymology Dictionary,

Véxase tamén[editar | editar a fonte]

Bibliografía[editar | editar a fonte]

  • Agencia Española de Medicamentos y Productos Sanitarios (2006): Guía de prescripción terapéutica. Barcelona: Pharma. ISBN 84-95993-11-2.
  • Brunton, L. L.; Lazo, J. S, & Parker, K. L., editores (2007): Goodman and Gilman. Las bases farmacológicas de la terapéutica, 11ª ed. México: McGraw-Hill. ISBN 978-970-10-5739-1.
  • Agencia Española de Medicamentos y Productos Sanitarios (2007): Formulario nacional, 1ª ed. Madrid: Editorial Díaz de Santos, S. A. ISBN 978-84-7978-813-1.

Outros artigos[editar | editar a fonte]

Ligazóns externas[editar | editar a fonte]