Marcón, Pontevedra

Para outras páxinas con títulos homónimos véxase: Marcón.

Marcón
Igrexa de San Miguel de Marcón.
Concello	Pontevedra
Provincia	Pontevedra
Coordenadas	42°24′45″N 8°36′52″O
Área	9,16 km²
Poboación	2105 hab. (2017)
Densidade	229,8 hab./km²
Entidades de poboación	13
[ editar datos en Wikidata ]

San Miguel de Marcón é unha parroquia do concello de Pontevedra. Segundo o padrón municipal (INE) en 2017 tiña 2105 habitantes (1012 homes e 1093 mulleres), 15 menos ca no ano anterior.

Xeografía

A parroquia sitúase ao pé do monte da Fracha (545 m). Limita coa Canicouva, Tomeza, Bora, Mourente e Tourón. Está atravesada polo río de Pintos, afluente do río dos Gafos.

No seu momento pertenceu ao concello de Mourente.

Patrimonio

A súa igrexa parroquial (do século XX, que mestura estilos románico e gótico), a casa reitoral e a ponte do Couto son as mostras máis destacadas do seu patrimonio monumental. A fonte dos Bañiños é de augas medicinais.

No campo de fútbol do Carrasco xoga o Marcón Atlético, e pola parroquia discorre a proba de rally Subida Cidade de Pontevedra, que remata no polígono industrial do Campiño.

Festas

A parroquia celebra as festas de San Miguel os días 29 e 30 de setembro e 1 de outubro.

Lugares e parroquias

Lugares de Marcón

Lugares da parroquia de Marcón no concello de Pontevedra
Albeiro | A Barcia | A Cardosa | Carracido | A Ermida | Marcón | Pazos | Peralba | Pintos | Ría de Abaixo | Ría de Arriba | Valadares | Vilafranca Non aparecen no Nomenclátor de 2003: A Pedra do Lagarto | Sabarís

Véxase tamén

Outros artigos

• Lugares de Pontevedra