Manuel García, Buciños

Na Galipedia, a Wikipedia en galego.
(Redirixido desde "Manuel García de Buciños")
Saltar ata a navegación Saltar á procura
Manuel García, Buciños
Nacemento10 de decembro de 1938 e 1938
 Buciños
NacionalidadeEspaña
Ocupaciónescultor
Coñecido porMonumento ó libro e Familia
PremiosPremio Otero Pedrayo
editar datos en Wikidata ]

Manuel García Vázquez, chamado Buciños, nado o 10 de decembro de 1938 en Buciños (Carballedo) é un escultor galego. A vila de orixe deste escultor rematou por configurar o seu nome ata o punto de ser coñecido polo citado topónimo, coma se realmente fose o seu primeiro apelido.

Traxectoria profesional[editar | editar a fonte]

A Rianxeira, escultura en Rianxo.

Practicamente, toda a súa obra realizouna en Ourense, vinculado ao grupo que auspiciou o escritor Vicente Risco, e que reunía a novos artistas na taberna de Tucho, e que foi denominado Os Artistiñas pola súa extrema mocidade. Do grupo formaban parte Xaime Quessada Porto, Xosé Luís de Dios, Acisclo Manzano, Xavier Pousa e Arturo Baltar.

Estatua a Castelao, cando estaba xunto ao Museo de Pontevedra.

Comezou traballando a madeira, e inicialmente acusou influencias de Cristino Mallo e talvez de Antón Failde Gago, onde aproveitaba as vetas para simular roupaxes e pregas. Máis tarde traballaría o bronce e con frecuencia acudiu ás oquedades, a imaxinarios «rotos» na morfoloxía das súas pezas, que vagamente o identificarían con Henry Moore, aínda que quizais teña influencias de Julio González. As curvas pronunciadas e os volumes a un tempo rotundos e suaves danlle á escultura de Buciños unha moi definida personalidade.

Seis figuras alegóricas (pintura, teatro, escultura, literatura, cine e música) entre os cabalos de Oliveira no Teatro García Barbón.

Realizou numerosas exposicións en España e no estranxeiro. Está representado en todos os museos de Galiza e en numerosas institucións públicas e coleccións particulares. Os seus monumentos, a personaxes históricos ou con afán puramente ornamental, abundan nas cidades galegas. Habitualmente traballa formatos pequenos, aínda que tamén ten practicado a monumentalidade.

En 2020 o Centro Cultural Marcos Valcárcel de Ourense estreou unha exposición súa na que se mostraba toda unha vida dedicada a esculpir a través de 60 pezas creadas desde 1962 nas que o artista achegou a súa mirada e estilo.[1]

Recoñecementos[editar | editar a fonte]

Forma parte da galería de personaxes ilustres de Carballedo[2], e en 2020 foi nomeado fillo adoptivo da provincia de Ourense[3].

Notas[editar | editar a fonte]

  1. "Buciños, una vida de arte". La Región (en castelán). 2020-03-06. Consultado o 2020-03-08. 
  2. "Personaxes Ilustres". www.concellocarballedo.es. Consultado o 2019-01-25. 
  3. "Nomean Fillo Adoptivo da provincia de Ourense a Manuel Buciños". El Correo Gallego. 25 de setembro de 2020. 

Véxase tamén[editar | editar a fonte]

Casa natal do escultor en Buciños

Bibliografía[editar | editar a fonte]

  • Pablos Holgado, F. (1981): Plástica galega. Vigo, Caja de Ahorros Municipal de Vigo.
  • Pablos Holgado, F. (1994): Pousa e Buciños. Santiago de Compostela, Xunta de Galicia.
  • Vázquez Trabazo, L. (1978): Pedra, barro, bronce. Deputación de Ourense.

Ligazóns externas[editar | editar a fonte]