Madonna de Bruxas

Madonna de Bruxas
Instancia de estatua obra escultórica
Movemento Renacemento Alto Renacemento
Xénero arte sacra
Material mármore
Propietario Alessandro Moscheroni (en) Giovanni Moscheroni (en)
Autoría
Creador/a Michelangelo
Temática
Tema principal Virxe co Neno
Representa a muller Santa María rapaz neno Xesús nai
Datas e cronoloxía
Data de creación 1503 1501
Dimensións
Altura 135 cm
Localización
Situado en Bruxas  Localización Igreja de Nossa Senhora (pt)  Colección Igreja de Nossa Senhora (pt) Munich Central Collecting Point  País Bélxica Coordenadas  51°12′17″N 3°13′28″L
Código do catálogo S11 Michelangelo: The Complete Paintings, Sculptures and Architecture
Wikidata C:Commons

A Madonna de Bruxas é unha escultura realizada en mármore por Michelangelo no ano 1504. De 1,23 metros de altura, atópase na igrexa da Nosa Señora de Bruxas (cidade da actual Bélxica).

Análise

Foi realizada inmediatamente despois que a Piedade do Vaticano, por encarga duns mercadores flamengos, os Mouscrom. A Virxe e o Neno presentan parecido movemento nas vestiduras coa citada Piedade, pero aquí o grupo adquire unha solemnidade plástica, debido á súa verticalidade, parecida a unha arquitectura. O rostro da Virxe é ovalado, de gran beleza clásica, e queda enmarcado polas ondulacións do veo. Áchase coma se estivese nun momento de pensamento profundo, mostrándose cunha gran serenidade, mentres o Neno, de pé, está recostado entre as pernas da súa nai e xunta a súa man coa dela, dándolle coa enerxía deste xesto a sensación dinámica que el sostén.

Historia

Por unha carta de Giovanni Balducci dirixida a Michelangelo con data 14 de agosto de 1506, infórmase do traslado da escultura a Bruxas por Giovanni e Alessandro Moscheroni. Foi colocada nunha capela da igrexa da Nosa Señora, onde a viu Dürer en 1521.

Na época de Napoleón foi levada a Francia e devolta a Bruxas en 1815. Sufriu outra subtracción similar por parte das tropas alemás na segunda guerra mundial, pero rematou regresando á súa situación orixinal grazas ao Programa de Monumentos, Arte e Arquivos. Esta peripecia foi reflectida na película The Monuments Men (2014), protagonizada por George Clooney.

Capela da Madonna de Bruxas na igrexa de Notre-Dame en Bruxas.

Véxase tamén

Bibliografía

• Baldini, Umberto (1978). Miguel Ángel: La Escultura. Editorial Teide. ISBN 84-307-8163-3.