A bóveda da capela Sistina (en italiano: Soffitto della Cappella Sistina) é coñecida pola decoración pictórica que o papaXulio II lle encargou a Michelangelo no ano 1508.[1] Debía substituír a pintura que xa había na parte da bóveda da capela Sistina, na Cidade do Vaticano, que consistía nun fondo azul con estrelas douradas, obra realizada por Piero Matteo d'Amelia, que seguía a tradición dos templos paleocristiáns.[2]
Na bóveda de canón rebaixada, o artista deseñou unha complexa arquitectura, onde incluíu o desenvolvemento das historias da Xénese narradas dende o cabo do altar até a porta de entrada da capela, nunha superficie de máis de cincocentos metros cadrados. Michelangelo traballou nela dende 1508 até o outono de 1512, e fíxoo el só, sen axudantes. O 1 de novembro de 1512, coa bóveda rematada, celebrouse a primeira misa.[3]
Forlani, Ana (1964). Pinacoteca de los Genios: Miguel Ángel(en castelán). Buenos Aires: Editorial Codex.
González Prieto, Antonio; Tello, Antonio (2008). Miguel Ángel. Colección: Grandes Maestros de la Pintura (en castelán). Madrid: Editorial Sol 90. ISBN978-84-9820-751-4.
