Limeira

Limeira
Citrus ×aurantifolia Walter Tennyson Swingle 1913
Instancia de taxon  Subclase de planta útil  Epónimo Florida Keys (pt)  Uso alimento planta medicinal sabor
Características
Fonte de Myrtol standardized (en) Lima lime oil (en) smell of lime (en)
Localización  Invasora en Madagascar  Área de distribución Myanmar
Clasificación taxonómica
Categoría taxonómica especie
Taxon superior cítrico
Reino Plantae División Magnoliophyta Clase Magnoliopsida Orde Sapindales Familia Rutaceae Subfamilia Citroideae Tribo Citreae Xénero Citrus Especie C. aurantiifolia
Sinonimia Citrus acida Roxb. Citrus hystrix subsp. acida (Roxb.) Engl. Citrus lima Lunan Citrus limetta var. aromatica Wester Citrus medica var. acida (Roxb.) Hook.f. Limonia aurantiifolia Christm. basónimo
Códigos e identificadores Freebase /m/052b2y MeSH D032082 OpenAlex C2908793008 UNII 1ET868BGG1 ITIS 506403 OTT 3942427
Fontes e ligazóns  Descrito pola fonte Flora Reipublicae Popularis Sinicae, volume 43(2) (en) pp. 193
Wikidata C:Commons

Limas.

A limeira (Citrus aurantiifolia), é unha especie arbórea froiteira cítrica da familia das rutáceas, do xénero Citrus. O seu froito recibe o nome de lima.

É unha especie híbrida de C. medica, oriúnda do sueste de Asia e introducida en Europa en tempos das Cruzadas a través do Medio Oriente e África do Norte.

Comparte parcialmente a súa etimoloxía coa palabra «limón». Deriva do árabe hispano lima , este do árabe līmah, este do persiano لیمو /limú/, e este do sánscrito nimbú, que en realidade se refería a esta lima aceda.

Árbore perenne, duns 5 m de altura, e toro habitualmente torto, ramifícase de xeito mesto dende moi abaixo. As pólas posúen espiñas curtas e duras que xorden das axilas, con follas ovadas de entre 2,5 a 9 cm de cor verde pálido semellantes ás da laranxeira, de aí o seu nome latino aurantifolia. As flores (fragrantes como todas as do xénero), duns 2,5 cm, son de cor branca amarelenta, cunha fina liña púrpura nos bordos, nacen das axilas das pólas, solitarias ou en ramallos de até 7 floriñas.

Existen diferentes variedades cultivares de Citrus aurantiifolia con diversos graos de acedume e cores que varían do verde ao amarelo.

Froita

A lima de forma globosa e entre 2,5 a 3 cm de diámetro é de cor verde amarelento ao madurar, aínda que se acostuma consumir antes da maduración. A polpa verde e zumarenta posúe un característico sabor acedo e aromático. Ten un alto contido en vitamina C, así coma ácido cítrico.

Fíxose famosa entre os mariñeiros británicos do século XVIII, que as consumían habitualmente durante as súas longas travesías para combater o escorbuto.

A súa historia en América do Sur iníciase coa chegada dos colonos españois.

O aceite de lima é comunmente utilizado en perfumes, limpeza, e en aromaterapia.

Véxase tamén

• Lima (froita)