Donbass Arena

Donbass Arena Донбасc Арена
Donetsk
Instancia de estadio  Composto por Museum of FC Shakhtar Donetsk (en)  Estado de uso fechado temporariamente (pt)
Características  Tipo superficie céspede
Deporte  Deporte fútbol
Implicados  Arquitecto/a Arup  Propietario/a FC Shakhtar Donetsk  Ocupante FC Shakhtar Donetsk
Datas  Inauguración 29 de agosto de 2009
Cifras e dimensións  Ingresos totais    600.000 ₴ (2025)  Activos totais    278.528.400 ₴ (2025)  Capacidade    52.518
Localización  Situado en  Donetsk, Donetsk urban hromada (en) , Donetsk Raion (en) , Oblast de Donetsk (pt) , Ucraína  Rúa Cheliuskintsev Street, Donetsk (en)  Enderezo г. Донецк, ул. Челюскинцев, 189Е  OpenStreetMap  Coordenadas 48°01′15″N 37°48′35″L
Códigos e identificadores OpenStreetMap 1724684 Freebase /m/0b0s1p
Fontes e ligazóns  Páxina WEB donbass-arena.com…
Wikidata C:Commons

O Donbass Arena ou Donbas Arena (en ucraíno: Донбас Арена, en ruso: Донбасc Арена) é un estadio de fútbol situado en Donetsk, Ucraína. Actualmente é utilizado principalmente para partidos de fútbol, sendo o estadio local do Shakhtar Donetsk. O estadio, que será unha das sedes da Eurocopa 2012, ten capacidade para 51.504 espectadores.

Historia

O Donbass Area inaugurouse o 29 de agosto de 2009, día dos mineiros en Ucraína e día da cidade de Donetsk. Destacar que este día non foi elixido por casualidade: o nome do club local, Shakhtar Donetsk, en galego tradúcese como "os mineiros de Donetsk" e ademais a cidade atópase en Donbass, unha rexión mineira, polo que esta data foi elixida polo seu simbolismo. A cantautora de R&B Beyoncé actuou na noite inaugural, sendo súa primeira actuación en Ucraína.

O Donbass Area foi deseñado por ArupSport Company, que xa construíra o Eithad Stadium, en Manchester (Reino Unido) o Allianz Arena en Múnic (Alemaña), o Estadio Olímpico Lluís Companys en Barcelona (España) e o Sydney Football Stadium en Sydney (Australia). A súa solución de enxeñaría, co efecto de teito á alza, fai que o estadio se asemelle a un prato volante. O estadio atópase preto do RSK Olimpiyskiy Rexional Sports Complex, no parque Lenin Comsomol en pleno centro da cidade.

Datos

• O terreo (incluído o campo), onde se atopa o estadio abrangue unha superfie de 46.780 m².
• A altura do estadio é de 54 m dende o chan até á parte superior do teito.
• Conta con 227 aseos, con 471 WC e 333 lavabos.
• A área total acristalada é de aproximadamente 24.000 m².
• O tamaño do campo de fútbol é de 105 x 68 m, 7.668 m² de céspede natural e 2.201 m² de céspede artificial.
• É o unico estadio de categoría elite da UEFA, que esta cualificado con 6 estrelas.

Eurocopa 2012

Artigo principal: Eurocopa de Fútbol Polonia/Ucraína 2012.

Partidos

O Donbass Arena albergou durante o campionato cinco encontros: tres encontros da fase de grupos, correspondentes ao Grupo D, un de cuartos de final e unha semifinal. Os partidos foron os seguintes:

Data	Fase	Equipo		Resultado		Equipo	Espectadores
11 de xuño	Primeira rolda	Francia		1 - 1		Inglaterra	47.400
15 de xuño	Primeira rolda	Ucraína		0 - 2		Francia	48.000
19 de xuño	Primeira rolda	Inglaterra		1 - 0		Ucraína	48.700
23 de xuño	Cuartos de final	España		2 - 0		Francia	47.000
27 de xuño	Semifinal	Portugal		0 - 0		España	48.000

Véxase tamén

Outros artigos

• Sedes da Eurocopa de Polonia e Ucraína 2012

Ligazóns externas

• Sitio web oficial do estadio
• Sitio web oficial da UEFA Euro 2012