A 103ª edición da Liexa-Bastogne-Liexa tivo lugar o domingo 23 de abril de 2017 con saída e chegada na cidade de Liexa, logo de pasar pola cidade de Bastoña. O percorrido disputouse sobre unha distancia de 258 quilómetros que contaron con 10 dos famosos "muros".
Foi o cuarto monumento da tempada ciclista e a décimo oitava carreira do UCI WorldTour 2017.
O veterán ciclista español Alejandro Valverde conseguiu a súa cuarta vitoria na clásica belga atacando a uns centos de metros de meta e tan só 4 días despois de ter gañado a súa quinta Frecha Valoa (cuarta consecutiva). Detrás súa e no podio remataron Dan Martin que tamén finalizara segundo na outra clásica belga das Ardenas e Michał Kwiatkowski que chegou 3 segundos detrás deles.
Na competición participaron 25 equipos, 18 do UCI WorldTour e 7 da categoría Profesional Continental. Comezaron un total de 200 ciclistas (8 por equipo).