Lech Kaczyński

Na Galipedia, a Wikipedia en galego.
Lech Kaczyński
Lech Kaczyński
Lech Aleksander Kaczyński

22 de decembro de 2005 – 10 de abril de 2010
Precedido por Aleksander Kwaśniewski
Sucedido por Bronislaw Komorowski (en funcións)

Datos persoais
Nacemento 18 de xuño de 1949 Polonia Polonia, Varsovia
Falecemento 10 de abril de 2010 (60 anos) Rusia Rusia, Smolensk
Cónxuxe/s Maria Kaczyńska
Profesión avogado, político

Na rede
Lech Kaczyński
IMDB: nm1007332 WikiTree: Kaczyński-4 Find a Grave: 50914481 Editar o valor em Wikidata

Lech Aleksander Kaczyński, nado en Varsovia o 18 de xuño de 1949 e finado en Smolensk (Rusia) o 10 de abril de 2010,[1] foi un político polaco. Exerceu o cargo de presidente de Polonia dende 2005 até o seu falecemento nun accidente de aviación en 2010. Liderou, xunto ao seu irmán xemelgo Jarosław, o partido político conservador Lei e Xustiza (en polaco Prawo i Sprawiedliwość ou PiS).

Entre novembro de 2002 e decembro de 2005 foi presidente da capital do país, Varsovia (un cargo equivalente ao de alcalde).

Lech presentouse candidato a presidente da nación nas eleccións de 2005. Na convocatoria do 9 de outubro de 2005 ficou segundo, por detrás de Donald Tusk, pero conseguiu superarlle na segunda volta que se decidiu na xornada electoral do 23 de outubro.

Familia[editar | editar a fonte]

Lech, e o seu irmán xemelgo Jarosław, eran fillos de Rajmund Kaczyński, enxeñeiro que combateu na segunda guerra mundial, tomando parte no levantamento de Varsovia contra a ocupación alemá en 1944. Ambos os dous irmáns protagonizaron en 1962, á idade de trece anos, na película de aventuras O dwóch takich, co ukradli księżyc ("Sobre dous que roubaron a lúa").[2]

Falecemento[editar | editar a fonte]

Durante un voo de Varsovia a Smolensk, o avión en que Kaczyński e maila súa delegación viaxaban estrelouse. Este dirixíase a unha homenaxe en memoria das vítimas do masacre de Katyń. A néboa acompañara o avión dende a súa saída de Varsovia e durante o voo. Na investigación que seguiu ao accidente apuntouse como causas do accidente a negativa do piloto a mudar o rumbo cara a Minsk ou Moscova, as condicións meteorolóxicas adversas e os erros nas manobras de aterraxe no aeroporto de Smolensk (Rusia). Como resultado da apertura dunha nova investigación sobre o accidente en 2015, concluíuse que o avión se incendiara no ar debido a unha primeira explosión na á esquerda do Tupolev 154, seguida dunha segunda explosión no casco do aparato.[3][4][5] No accidente morreron Kaczynski, a súa dona Maria Helena Kaczyńska Mackiewicz, e todas as persoas que viaxaban no mesmo avión.[3] Segundo o gobernador de Smolensk e a axencia PAP de Polonia (que cita fontes rusas), non houbo sobreviventes.[6] [7][8] En novembro de 2016 comezaron as labores de exhumación dos restos de 83 vítimas, entre eles os de Lech Kaczyński e a súa muller, a pesar da oposición das familias de dúas das vítimas, razón pola que Polonia foi condenada polo Tribunal Europeo de Dereitos Humanos[9][10]. Logo das análises os corpos foron soterrados o 18 de novembro de 2018 na catedral Wawel, en Cracovia .[11]

Notas[editar | editar a fonte]

  1. Katastrofa samolotu prezydenta. Nikt nie przeżył
  2. Kaczynski, o euroescéptico que sacudiu a UE Arquivado 15 de abril de 2010 en Wayback Machine. 10/04/2010, consultado o 11/04/2010
  3. 3,0 3,1 A maioría de fontes sinalaron 96 como o total de vítimas, como EFE en 2018, pero a moitas fontes do momento e algunhas posteriores concordan en que viaxaban un total de 97 persoas no avión"Un informe dice que el avión presidencial polaco explotó antes de estrellarse en Smolensk". www.efe.com (en castelán). EFE. 11 de abril 2018. Arquivado dende o orixinal o 03 de xullo de 2019. Consultado o 3 de xullo de 2019. 
  4. "NEW official investigation findings: Summary and FULL report in ENG". smolenskcrash.eu. Arquivado dende o orixinal o 03 de xullo de 2019. Consultado o 3 de xullo de 2019. 
  5. "Russos e polacos responsáveis pela morte Lech Kacziynski". www.dn.pt (en portugués). Consultado o 3 de xullo de 2019. 
  6. Segundo Dimitri Lijanov en 2010, viaxaban 89 membros da delegación polaca e 8 tripulantes. VerLijanov, Dimitri (11 de abril de 2010). "El presidente polaco muere en una tragedia aérea en Rusia". El País (en castelán). ISSN 1134-6582. Consultado o 3 de xullo de 2019. 
  7. "Muere el presidente de Polonia al estrellarse su avión en Rusia". www.elmundo.es. EFE. 10 de abril de 2019. Consultado o 3 de xullo de 2019. 
  8. Estrélase en Rusia un avión no que viaxaba o presidente de Polonia
  9. "Court: Exhumations during Polish presidential plane crash investigation breached rights of victims’ wives". humanrightseurope.org (en inglés). 20 de setembro de 2018. Consultado o 3 de xullo de 2019. 
  10. "Polonia abre con Kaczynski la exhumación de las víctimas de la tragedia de Smolensk". Elmundo.es (en castelán). 14 de novembro de 2016. Consultado o 3 de xullo de 2019. 
  11. "Poland president Lech Kaczyński reburied after postmortem". The Guardian (en inglés). 2016-11-19. ISSN 0261-3077. Consultado o 3 de setembro de 2019. 

Véxase tamén[editar | editar a fonte]

Predecesor:
Aleksander Kwaśniewski
Presidente de Polonia

23 de decembro de 200510 de abril de 2010
Sucesor:
Bronisław Komorowski