Khaled Al Khamissi
Nome orixinal | (ar) خالد الخميسي |
---|---|
Biografía | |
Nacemento | 27 de setembro do 1962 O Cairo, Exipto |
Datos persoais | |
País de nacionalidade | Exipcia |
Educación | Universidade do Cairo, Universidade da Sorbona |
Actividade | |
Ocupación | Escritor, xornalista, director de cinema e produtor cinematográfico |
Período de actividade | Séculos XX e XXI |
Xénero artístico | Novela |
Movemento | Realismo social |
Lingua | Árabe |
Obra | |
Obras destacables Taxi |
Khaled Al Khamissi ou Halid Hamisi (árabe: خالد الخميسى), nado o 27 de setembro do 1962 no Cairo, é un escritor, produtor e director expicio.[1][2] Na actualidade, vive na súa cidade natal, onde traballa como xornalista. Al Khamissi é autor de dez novelas, traducidas a máis dunha ducia de linguas. Dende o 2015, é director xeral da biblioteca pública do Gran Cairo, en Zamalek.
Traxectoria[editar | editar a fonte]
Khaled Al Khamissi naceu no Cairo o 27 de setembro do 1962, fillo dun escritor que morreu cando Al Khamissi era aínda moi novo. Licenciouse en Ciencias Políticas pola Universidade do Cairo no 1984, e doutorouse en Política Estranxeira na Sorbona no 1987.[2] Tras regresar a Exipto, traballou no Instituto Nacional de Estudos Sociais, e fundou a empresa de produción Nile Production Company, coa que escribiu numerosos guións de cinema.[2] Tamén dirixiu a editorial Noussous, publicando a autores como Louis Awad ou Nasr Hamid Abu Zayd.[2] Na actualidade, escribe artigos e análises críticas sobre política e sociedade para diversos xornais e semanarios do seu país.
Obra[editar | editar a fonte]
Literatura[editar | editar a fonte]
As obras de Al Khassimi inscríbense no movemento do realismo social. Moitas delas están ambientadas en lugares tradicionais do Cairo, e describen aspectos da vida cotiá das clases populares, que lle permiten comentar temas sensibles do Exipto contemporáneo, como a política, a economía, a sanidade pública, a educación ou a emigración cara Europa.[3] Neste sentido, varios dos seus libros analizan o fenómeno da Primavera Árabe.[4][5]
Traducións[editar | editar a fonte]
- Taxi (2009). Tradución ao castelán de Alberto Canto García e Khaled Musa Sánchez. Editorial Almuzara. ISBN 978-84-92573-29-5.[6]
Cinematografía[editar | editar a fonte]
Producións[editar | editar a fonte]
- Zaza w Gargir ("Zaza e Gargir", 2004-actualidade).[7]
Notas[editar | editar a fonte]
- ↑ "Taxi - Khaled Al Khamissi". www.complete-review.com. Consultado o 2024-01-05.
- ↑ 2,0 2,1 2,2 2,3 lecturalia.com. "Khaled Al Khamissi: libros y biografía autor". Lecturalia (en castelán). Consultado o 2024-01-05.
- ↑ Williams, Eli (2011-11-22). "Interview with Khaled Al-Khamissi, Egyptian Novelist". IPI Global Observatory (en inglés). Consultado o 2024-01-05.
- ↑ "In Dialogue: Khaled Al-Khamissi – Stefan Weidner: The Arab Spring - Qantara.de". qantara.de (en inglés). 2011-05-19. Consultado o 2024-01-05.
- ↑ "L'arche de Noé - Khaled Al Khamissi". Babelio (en francés). Consultado o 2024-01-05.
- ↑ "Taxi - Editorial Almuzara". Almuzara Libros (en castelán). Consultado o 2024-02-12.
- ↑ "Zaza w Gargir". 2004-07-18. Consultado o 2024-01-05.