Ken Robinson
.jpg)  | |
| Biografía | |
|---|---|
| Nacemento | (en) Kenneth Robinson 4 de marzo de 1950 Liverpool, Reino Unido |
| Morte | 21 de agosto de 2020 (70 anos) Londres, Reino Unido |
| Causa da morte | Morte natural (Cancro ) |
| Datos persoais | |
| Residencia | Os Ánxeles |
| País de nacionalidade | Reino Unido |
| Educación | Universidade de Leeds Wade Deacon High School (en)  Liverpool Collegiate School (en) Universidade de Londres Bretton Hall College (en) |
| Actividade | |
| Ocupación | education expert (en) , educador , conferencista (pt) , escritor , presidente do parlamento (pt) , participante em documentário (pt) |
| Empregador | Universidade de Warwick (pt) Hong Kong Academy for Performing Arts (en) Government of Singapore (en) |
| Lingua | Lingua inglesa |
| Participou en | |
| World Government Summit 2015 (en) |
|
Premios
| |
| Páxina web | sirkenrobinson.com |
     | |
Sir Ken Robinson, nado en Liverpool o 4 de marzo de 1950, é un pedagogo e escritor inglés. Doutor pola Universidade de Londres desde 1981, é experto en asuntos relacionados coa creatividade, a calidade do ensino, a innovación e os recursos humanos. Debido á relevancia da súa actividade, especialmente en relación coa arte, foi nomeado Sir pola Raíña Isabel II en 2003.
Traxectoria[editar | editar a fonte]
Foi un dos sete fillos de James e Ethel Robinson. Con catro anos tivo a polio. Durante tres anos foi á escola en Liverpool, e continuou na escola de gramática de Cheshire até 1968, e posteriormente na universidade de Leeds para recibir formación sobre a lingua inglesa e dramaturxia. Tras finalizar estes estudos, matriculouse na universidade de Londres, facendo a súa tese sobre o drama e o teatro en educación.
Actualmente vive nos Ánxeles (California) coa súa muller Therese e os seus dous fillos, James e Kate.
Vida profesional[editar | editar a fonte]
Entre 1985 e 1989 dirixiu o proxecto The Arts in Schools, iniciativa que pretendía mellorar o ensino e a aprendizaxe das artes nas escolas británicas. Entre 1989 e 2001 foi profesor de educación artística e portavoz do departamento de educación artística na Universidade de Warwick. Ao tempo, foi encargado das investigacións para o desenvolvemento da Facultade de Educación na que traballaba, e director de estudos de grao no instituto Warwick para a educación, director do programa de posgrao en educación artística e estudos culturais, e director da unidade para a investigación en educación, cultura e artes (URECA).
En 1998 foi posto á fronte do comité consultivo nacional sobre educación creativa e cultura polo ministro británico de educación e emprego, David Blunkett. Alí desenvolveu unha investigación nacional sobre a importancia da creatividade na educación e a economía do Reino Unido. Este traballo deu pé ao Informe Robinson, titulado All Our Futures: Creativity, Culture and Education, que tivo grande impacto ao pór de relevo o escaso papel que até entón tivera a creatividade e a importancia que sobre ela recaía o futuro, xa non só do país, senón da propia humanidade.
Amais de co goberno británico, durante a súa carreira colaborou cos gobernos de Hong Kong e Singapur, coa Comisión Europea e co Instituto de Artes Paul McCartney.
Actualmente é profesor emérito da Universidade de Warwick.
Obra[editar | editar a fonte]
- Learning Through Drama. Report Of The Schools Council Drama Teaching Project. Con Lynn McGregor e Maggie Tate. UCL. Heinemann. ISBN 0435185659 (1977)
- Exploring Theatre and Education. Heinmann ISBN 0435187813 (1980)
- The Arts in Schools: Principles, Practice and Provision,. Calouste Gulbenkian Foundation. ISBN 0903319233 (1982)
- The Arts and Higher Education (Editor xunto a Christopher Ball). Gulbenkian and the Leverhulme Trust ISBN 0900868899 (1984)
- The Arts in Further Education. The British Department of Education and Science. (1986)
- Facing the Future: the Arts and Education in Hong Kong. Hong Kong Arts Development Council ASIN B002MXG93U (1998)
- All Our Futures: Creativity, Culture and Education (The Robinson Report) (1998)
- Out of our Minds Capstone. ISBN 1907312471 (2001)
- The Element: How Finding Your Passion Changes Everything (con Lour Aronica). Viking. ISBN 0670020478 (2009)
- Unlocking Creativity (2010)
Véxase tamén[editar | editar a fonte]
Ligazóns externas[editar | editar a fonte]
- Web persoal (en inglés).
