Junípero Serra
 (1774)  | |
| Nome orixinal | Junípero Serra Ferrer |
|---|---|
| Biografía | |
| Nacemento | Miguel José Serra Ferrer 24 de novembro de 1713 Casa del Beat Juníper Serra (Coroa de Aragón) |
| Morte | 28 de agosto de 1784 (70 anos) Mission San Carlos Borromeo de Carmelo (Imperio Español) |
| Causa da morte | Morte natural (Tuberculose ) |
| Lugar de sepultura | Mission San Carlos Borromeo de Carmelo (en)  |
| Datos persoais | |
| Outros nomes | O apóstolo de California [1] |
| País de nacionalidade | Coroa de Aragón |
| Relixión | católica |
| Formación profesional | Doutor en Filosofía e Teoloxía |
| Educación | Convento de San Francisco de Palma de Mallorca |
| Coñecido por | Creación e dirección de numerosas Misións en California (Nova España) |
| Actividade | |
| Lugar de traballo | California |
| Ocupación | Freire da Orde dos Freires Menores Descalzos Evanxelizador de California |
| Empregador | Orde dos Freires Menores Descalzos |
| Lingua | Lingua castelá e lingua catalá |
| Orde relixiosa | Orde dos Freires Menores |
| Enaltecemento | |
| Día de festividade relixiosa | 1 de xullo |
| Familia | |
| Pais | Antonio Serra e Margarita Ferrer |
  | |
Junípero Serra Ferrer O.F.M., nado en Petra (Mallorca) o 24 de novembro de 1713 e finado en Monterey (Alta California) o 28 de agosto de 1784, foi un freire franciscano balear. Foi bautizado como Miguel José Serra Ferrer, e é máis coñecido tradicionalmente como frei Junípero Serra. Doutor en Filosofía e Teoloxía, trasladouse a América, onde fundou nove Misións españolas na Alta California, e presidiu outras quince.[2]
Traxectoria[editar | editar a fonte]
Primeiros anos[editar | editar a fonte]
Naceu o 24 de novembro de 1713 en Petra, Mallorca, daquela unha poboación de canteiros e labradores, do matrimonio formado por Antonio Serra e Margarita Ferrer.[3] O seu nome de bautismo era Miguel José.[4][5]
Os seus pais eran analfabetos,[6] pero ingresaron ao seu fillo na escola do convento franciscano de San Bernardino en Petra, e de aí pasou a ampliar estudos no convento de San Francisco de Palma de Mallorca. Aos 16 anos fíxose freire, e cambiou o seu nome polo de Junípero. O seu interese pola filosofía viuse alimentado por Ramon Llull. Dedicouse á docencia de filosofía de 1740 a 1743 no Convento de San Francisco,[6] e despois ocupou a cátedra de teoloxía Escotista na Universidade Luliana.[3]
Apostolado[editar | editar a fonte]
En calidade de padre presidente fundou unha serie de Misións e atendeu á fundación doutras, cun total de nove Misións. A primeira das Misións fundadas por el foi a de San Diego de Alcalá, o 16 de jullo de 1769;[7] a misión encóntrase dentro do actual concello de San Diego. Estableceu a súa sede central na Misión de San Carlos Borromeo de Carmelo,[2] fundada por el en 1770.[7]
En xullo de 1771 fundou a Misión de San Antonio de Padua, e en agosto, a de San Gabriel]], esta última na actual área metropolitana dos Ánxeles.[7] O 1 de setembro de 1772 fundou a Misión de San Luis Obispo de Tolosa.[7] Tamén tivo participación na fundación da Misión de San Juan Capistrano en 1776, e na de San Buenaventura en 1782. Sábese que visitou as misións de Santa Clara de Asís e de San Francisco de Asís, esta última na localidade de San Francisco.
As Misións foron creadas primordialmente para evanxelizar aos nativos. Outro obxectivo foi a integración destas persoas na sociedade española e a súa capacitación para asumir a propiedade e a xestión da terra. Como cabeza da Orde en California, Serra non soamente lidou con cargos relixiosos, senón tamén con outras autoridades españolas en cidade de México e cos oficiais militares locais que mandaban as gornicións achegadas.
Beatificación e canonización[editar | editar a fonte]
Foi beatificado polo papa san Xoán Paulo II o 28 de setembro de 1988.[8] O 23 de setembro de 2015 foi canonizado polo papa Francisco, na cidade de Washington D. C..[9] A partir dese momento é tamén coñecido como San Junípero Serra.
Notas[editar | editar a fonte]
- ↑ La Vanguardia, ed. (7 de maio de 2015). "El papa aprueba el decreto de canonización de Fray Junípero Serra". Consultado o 14 de febreiro de 2020.
- ↑ 2,0 2,1 Serra Club of Bethlehem, Pennsylvania (ed.). "Blessed Junípero Serra 1713-1784". Arquivado dende o orixinal o 17 de outubro de 2013. Consultado o 14 de febreiro de 2020.
- ↑ 3,0 3,1 Muñiz, Gabriel (2014). "El evangelizador. Fray Junípero Serra, un misionero español en California". Historia de Iberia Vieja (107).
- ↑ "Beato Junípero Serra (1713-1784), Apóstol de Sierra Gorda y California". Directorio Franciscano. Santoral Franciscano. Consultado o 14 de febreiro de 2020.
- ↑ Claudio Leonardi, Andrea Riccardi e Gabriella Zarri (2000). Diccionario de los Santos, Volume II. Madrid: Editorial San Pablo. p. 2272. ISBN 978-84-2852-257-1.
- ↑ 6,0 6,1 Salustiano Vicedo Franciscanos.org. "Beato Junípero Serra (1713-1784), Apóstol de Sierra Gorda y California". Consultado o 14 de febreiro de 2020.
- ↑ 7,0 7,1 7,2 7,3 Fundación Junípero Serra FundacionSerra.com. "Bosquejo bibliográfico y perfil espiritual del Siervo de Dios". Consultado o 14 de febeiro de 2020.
- ↑ Franciscanos.org. "Beato Junípero Serra (1713-1784) (do caderno distribuído na súa beatificación)". Directorio Franciscano - Santoral Franciscano. Consultado o 14 de febreiro de 2020.
- ↑ Fray Junípero Serra será canonizado en septiembre por el Papa en Estados Unidos Diario de Mallorca, 15-01-2015. Consulyado o 14 de febreiro de 2020.
