Ramon Llull (en latínRaimundus ou Raymundus Lullus), nado en Palma en 1235 e finado en 1315, foi un escritor, teólogo e filósofo mallorquín. Considérase o primeiro grande escritor en catalán, ademais tamén escribiu en árabe e latín.
Nado en Mallorca, pouco despois da súa conquista, no seo dunha familia nobre, aos 31 anos deixa a súa familia e posición para se dedicar ao estudo e á predicación, obsesionándose coa conversión dos musulmáns e xudeus ao cristianismo, aínda que sempre polo convencemento, nunca pola violencia. Con esta finalidade, Llull, vai aprender o árabe e viaxar por Oriente. Escribe máis de 400 obras e vai ser o primeiro en escribir libros filosóficos e teolóxicos nunha lingua vulgar, o catalán.
