Joseph Fiennes

Na Galipedia, a Wikipedia en galego.
Saltar ata a navegación Saltar á procura
Joseph Fiennes
Joseph Fiennes 5 (cropped).jpg
Joseph Fiennes en agosto de 2009.
Nome completoJoseph Twisleton Wykeham Fiennes
Nacemento27 de maio de 1970 (49 anos)
LugarSalisbury, Wiltshire, Inglaterra Inglaterra
NacionalidadeReino Unido
Educado enGuildhall School of Music and Drama
PaiMark Fiennes
NaiJennifer Lash
Cónxuxe(s)María Dolores Diéguez (2009–presente)
ProfesiónActor
editar datos en Wikidata ]

Joseph Twisleton Wykeham Fiennes, nado o 27 de maio de 1970 en Salisbury, é un actor inglés de cine, teatro, televisión e voz.

Traxectoria[editar | editar a fonte]

É fillo da novelista Jennifer Lash e do fotógrafo Mark Fiennes, e irmán do tamén actor Ralph Fiennes. Tamén é primo terceiro do explorador Ranulph Fiennes.

É coñecido sobre todo polo teatro (traballou para a Royal Shakespeare Company) e por interpretar ao propio Shakespeare en Shakespeare in Love (1998), película que obtivo 13 nomeamentos nos Oscar dos que gañou sete, incluído "Mellor Filme".

Coprotagonizou xunto a Jude Law a película Enemy at the Gates (2001), onde interpretou a Danilov, un comisario político de segunda clase asignado a Stalingrado. Un ano despois traballou en Killing Me Softly e en 2003 foi o protagonista de Luther. En 2004 protagonizou The Merchant of Venice.

En televisión foi o protagonista da serie Flashforward (2009-2010).

Joseph Fiennes formou parte do elenco de American Horror Story para a súa segunda tempada, Asylum, que se estreou nos Estados Unidos o 17 de outubro de 2012. Xunto a Jessica Lange, Adam Levine, Zachary Quinto e Evan Peters, entre outros.

En 2017 interpretou a Fred Waterford na serie de televisión The Handmaid's Tale, baseada no libro O conto da criada da autora Margaret Atwood.

Filmografía[editar | editar a fonte]

Cine[editar | editar a fonte]

Televisión[editar | editar a fonte]

Vida privada[editar | editar a fonte]

Está casado coa modelo suíza María Dolores Diéguez, con quen ten dous fillos. A orixe galega da familia Diéguez leva a que o actor visite con frecuencia Trives, onde ten unha casa.[1]

Véxase tamén[editar | editar a fonte]

Notas[editar | editar a fonte]

  1. "Joseph Fiennes Ourense". ABC. Arquivado dende o orixinal o 03 de febreiro de 2015. Consultado o 2 de febreiro de 2015. .

Ligazóns externas[editar | editar a fonte]