Jørn Utzon

Jørn Utzon
	;
Biografía
Nacemento	9 de abril de 1918 ; Copenhague
Morte	29 de novembro de 2008 (90 anos); Helsingør
Causa da morte	infarto agudo de miocardio
Lugar de sepultura	Hellebæk Cemetery (en)
Educación	Real Academia de Belas Artes de Dinamarca
Actividade
Campo de traballo	Arquitectura
Lugar de traballo	Sydney ; Copenhague ; Teherán ; Cidade de Kuwait ; Helsingør
Ocupación	arquitecto
Membro de	Real Academia de Arte (membro de honra) ; Accademia delle Arti del Disegno
Profesores	Steen Eiler Rasmussen
Obra
	Obras destacables (1973) Ópera de Sidney; (1982) Edifício da Assembleia Nacional do Kuwait (pt) ; (1987) Paustians Hus ;
Familia
Fillos	Jan Utzon, Lin Utzon, Kim Utzon
Pai	Aage Utzon
Premios
	(2003) Premio Pritzker; (1998) Prêmio Sonning (pt) ; (1992) Wolf Prize in Architecture (en) ; (1986) Niels Prize (en) ; (17 de maio de 1985) Honorary Companion of the Order of Australia (en) ; (1982) Premio Alvar Aalto; (1978) Medalla de Ouro do RIBA; (1973) Prins Eugen-medaljen; (1967) C. F. Hansen Medal (en) ; (1957) Eckersberg Medal (en) ; (1947) Emil Bissens Award (en) ; doutor honoris causa pola Universidade de Sydney; Medalha de Ouro do Instituto de Arquitetos da Austrália (pt) ; Sir John Sulman Medal (en) ;

Jørn Utzon, nado en Copenhaguen o 9 de abril de 1918 e finado o 29 de novembro de 2008, foi un arquitecto dinamarqués de recoñecido prestixio en todo o mundo.

Traxectoria

Fillo dun enxeñeiro naval, medrou na cidade de Aalborg, onde se interesou desde moi novo polo mundo da navegación. Estuda na Real Academia Danesa de Belas Artes, onde se gradúa en 1942. Pouco despois comeza a traballar no estudio de arquitectura de Gunnar Asplund, en Estocolmo, onde coñece a Arne Jacobsen. Coa fin da segunda guerra mundial, volta para Dinamarca.

Realizou varias viaxes polo mundo. En México quedou abraiado pola maneira na que os maias construian altos templos para achegarse aos seus deuses. Do tempo que pasou no país comentou que foi «unha das maiores experiencias arquitectónicas da miña vida».

En 1957 gañou inesperadamente o concurso para unha nova casa da ópera na cidade australiana de Sydney. Nos seguintes anos, Utzon gradualmente desenvolveu un xeito para a construción das enormes cunchas que cobren os dous muros.

Tamén tiña plans espectaculares para o interior dos vestíbulos, pero por motivos políticos, o novo goberno electo do estado de Nova Gales Sur parou os pagamentos ao arquitecto, polo que este deixou o país en 1966. Nunca volveu.

A Casa da Ópera de Sydney rematouse finalmente e foi aberta no 1973 pola raíña Isabel II, sendo agora un dos máis recoñecibeis edificios do mundo.

En marzo de 2003, Utzon foi galardoado co título de Doutor Honoris pola Universidade de Sydney. O fillo do arquitecto aceptou o galardón en nome do seu o pai, o cal estaba moi enfermo para viaxar a Australia. Utzon foi galardoado tamén coa Orde de Australia e coa Chave da Cidade de Sydney. Estivo tamén envolto nos traballos de remodelación e redeseño da casa da ópera, principalmente no ástrago da entrada, seguindo o acordo feito no ano 2000. No ano 2003, o arquitecto dinamarqués recibiu o maior honor coma arquitecto, foi galardoado co Premio Pritzker.