Isistius

Na Galipedia, a Wikipedia en galego.
Saltar ata a navegación Saltar á procura

Isistius
Rango fósil: Paleoceno - actualidade [1]
56 - 0 Ma
Isistius brasiliensis.jpg
Isistius brasiliensis
Clasificación científica
Reino: Animalia
Filo: Chordata
Subfilo: Vertebrata
Clase: Chondrichthyes
Subclase: Elasmobranchii
Superorde: Squalomorphi
Orde: Squaliformes
Familia: Dalatiidae
Xénero: Isistius
Gill, 1865
Especie tipo
Isistius brasiliensis [2]
(Quoy & Gaimard, 1824)
Especies
Véxase o texto

Isistius é un xénero de peixes elasmobranquios da superode dos escualomorfos, orde dos escualiformes e familia dos dalatíidos.[2]

Os membros deste xénero son coñecidos polo seu comportamento e a súa dentición inusuais.[3]

Taxonomía[editar | editar a fonte]

Descrición[editar | editar a fonte]

O xénero foi descrito en 1865 polo paleontólogo estadounidense Theodore Gill,[2] no seu traballo publicado na revista Proc. Acad. nat. Sci. Philad, 1864, páx. 264.[4]

Etimoloxía[editar | editar a fonte]

O nome científico do xénero, Isistius, está formado pola unión dos elementos do latín científico is- e -istius, o primeiro calco do elemento do grego antigo ἰσο- iso- "igual", e o segundo tirado do termo do grego antigo ἰστίoν istíon "vela de navío", que é unha referencia ás dúas aletas dorsais deste peixe, de forma e tamaño similares, un carácter que Gill utilizó para diagnosticar o xénero.[5][6][7]

Sinónimos[editar | editar a fonte]

Ademais de polo nome actualmente válido, que é o protónimo, o xénero coñeceuse tamén polos sinónimos:[2][8]

  • Inistius (erro ortográfico)
  • Leius Kner, 1864
  • Tristius (lapsus calami)

Especies[editar | editar a fonte]

Na actualidade (2020) recoñécense no xénero as seguintes dúas especies:[2][9]

Ademais, coñécense dúas especies extintas:

Nota taxonómica[editar | editar a fonte]

Durante un tempo algúns autores, consideraron a existencia dunha terceira especie, Isistius labialis Meng, Zhu & Li, 1985, e aínda hoxe, por exemplo a FishBase e a ADW admítena como especie diferente,[12][13] pero o WoRMS a identifica como Isistius brasiliensis,[2] e a EOL e o ITIS non a consideran.[14][9]

Características[editar | editar a fonte]

Brámido con danos causados por Isistius brasiliensis

As súas dúas especies (ou tres, segundo os autores) son pequenos tiburóns caracterizados principalmente polo seu método conseguir o alimento, que consiste en cortaren anacos de carne da parte exterior de animais mariños, o que xustifica o seu nome inglés de cookiecutter sharks (tiburóns cortadores de galletas). A miúdo atacan grandes cardumes de peixes, e sábese que rodean os barcos pesqueiros para obteren a súa comida facilmente. Son particularmente coñcidos por morderen pequenos anacos dos animais que constitúen as súas presas ao pasaren canda eles. As presas grandes, como o peixe espada e os cetáceos, poden mostrar varias feridas (curadas) de tales trabadas.[15]

Por outra parte, son inusuais na forma na que substitúen os seus dentes: en lugar de substituílos individualmente a medida en que se danan ou se perden, por exemplo, na captura de alimento, estes tiburóns cambian a dentición completa, proceso que poden repetir varias veces ao longo da súa vida.[3][16]

As presas máis débiles poden resultaren o suficientemente feridas como para debilitarse até que non poden nadar, polo que son propensos a afundir, o que permite que estes tiburóes os traguen. As especies de Isistius poden comeren a metade do seu propio peso corporal dunha vez.[3]

Distribución e hábitat[editar | editar a fonte]

A súa distribución xeográfica é esporádica, encontrándose en todos os océanos do mundo, e o seu hábitat é de difícil acceso, polo que é difícil identificar as diferentes especies, o que xustifica as diferenzas sobre o número de especies entre os autores.

Galería[editar | editar a fonte]

Notas[editar | editar a fonte]

  1. Sepkoski, Jack (2002). "A compendium of fossil marine animal genera (Chondrichthyes entry)". Bulletins of American Paleontology 364: 560. Arquivado dende o orixinal o 10 de maio de 2012. 
  2. 2,0 2,1 2,2 2,3 2,4 2,5 Isistius Gill, 1865 noWoRMS.
  3. 3,0 3,1 3,2 Jones, E. C. (1971): "Isistius brasiliensis, a squaloid shark, the probable cause of crater wounds on fishes and cetaceans" Fish. Bull. 69: 791-798.
  4. Isistius Gill, 1864 en Nomenclator Zoologicus.
  5. Christopher Scharpf & Kenneth J. Lazara: Isistius Gill 1865 en The ETYFish Project. Fish Name Etymology Database.
  6. Flávia de Figueiredo Petean & Marcelo R. de Carvalho (2018): "Comparative morphology and systematics of the cookiecutter sharks, genus Isistius Gill (1864) (Chondrichthyes: Squaliformes: Dalatiidae)". PLoS One 13 (8): e0201913.
  7. Isistius brasiliensis (Quoy & Gaimard, 1824) en FishBase.
  8. Isistius Gill, 1865 no GBIF.
  9. 9,0 9,1 Isistius Gill, 1865 no ITIS.
  10. Probst, J. (1879): Isistius triangulus "Beiträge zur Kenntniss der fossilen Fische aus der Molasse von Baltringen". Hayfische. Jahreshefte des Vereins für vaterländische Naturkunde in Württemberg 35: 127–191.
  11. Winkler, T. C. (1874): "Deuxième mémoire sur des dents de poissons fossiles du terrain bruxellien". Archives du Musée Teyler 4 (1): 16–48.
  12. Isistius na ADW.
  13. Especies de Isistius en FishBase.
  14. Isistius na EOL.
  15. Yannis P. Papastamatiou, Brad M. Wetherbee, John O’Sullivan, Gwen D. Goodmanlowe & Christopher G. Lowe (2010): "Foraging ecology of Cookiecutter Sharks (Isistius brasiliensis) on pelagic fishes in Hawaii, inferred from prey bite wounds". Environmental Biology of Fishes 88 (4): 361-368. (Resume.
  16. Strasburg, Donald W. (1963): "The Diet and Dentition of Isistius brasiliensis, with Remarks on Tooth Replacement in Other Sharks". Copeia, 1963 (1): 33-40.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]