Johns Hopkins University Press

Johns Hopkins University Press
Instancia de editorial universitaria editorial de libros editorial  Nome orixinal Johns Hopkins University Press (en)
Organizacións  Matriz Universidade Johns Hopkins  Membro de Coalition for Networked Information (en) Association of American University Presses (en) Association of Learned and Professional Society Publishers Book Industry Study Group (en)
Datas  Fundación / creación 1878
Localización  Sede Baltimore  País Estados Unidos de América
Identificadores VIAF 157408888 ISNI 0000000107472869 Freebase /m/09xgg5 OpenAlex P4310315678
Fontes e ligazóns  Páxina WEB press.jhu.edu  Teléfono +1-410-516-6900
Wikidata

A Johns Hopkins University Press, tamén coñecida como JHU Press ou JHUP, é a división editorial da Universidade Johns Hopkins. Foi fundada en 1878 e é a editorial universitaria de funcionamento continuo máis antiga dos Estados Unidos.

Publica libros, revistas e bases de datos electrónicas. Tendo en conta todos os recursos publicados é unha das editoriais universitarias máis grandes dos Estados Unidos.

A súa sede está na zona de Charles Village, en Baltimore, Maryland.

Historia

Daniel Coit Gilman, o primeiro presidente da Universidade Johns Hopkins, inaugurou a editorial en 1878, que comezou a funcionar como a axencia de publicacións da universidade. As súas actividades na prensa científica comezaron co lanzamento do American Journal of Mathematics no seu primeiro ano, e do American Chemical Journal no segundo. A axencia publicou o seu primeiro libro en 1881, Sidney Lanier: A Memorial Tribute, en honor ao poeta que foi un dos primeiros escritores residentes da universidade. En 1891, a axencia converteuse na Johns Hopkins Press e, desde 1972, coñécese como a Johns Hopkins University Press.

Despois de varios movementos dentro e fóra do Campus Homewood, o principal centro académico e administrativo da universidade, a editorial adquiriu unha sede permanente en 1993, nunha antiga igrexa reformada situada no barrio de Charles Village en Baltimore. A estrutura de granito e ladrillo, construída en 1897, era a igrexa católica dos santos Filipe e Santiago, e agora alberga nos seus cinco andares as oficinas da editorial. Nos seus máis de cen anos de publicacións académicas, a editorial tivo unicamente seis directores: Nicolás Murray (1878-1908), Christian W. Dittus (1908-1948), Harold E. Ingle (1948-1974), Jack G. Goellner (1974-1996), Willis G. Regier (1996-1998), James D. Jordan (1998-2003) e Kathleen Keane (2003– ).

Publicacións e divisións

• Johns Hopkins University Press books (libros)
• Johns Hopkins University Press academic journals (revistas científicas)

A JHU Press publica 65 revistas científicas e máis de 200 novos libros cada ano. Desde 1993 promove o proxecto MUSE, un provedor en liña de máis de 550 revistas académicas e máis de 20.000 libros electrónicos.

A editorial ten tres divisións:

1. Libros: adquisicións, edición de manuscritos, deseño e produción, mercadotecnia.
2. Revistas e publicacións electrónicas, que inclúe o Proxecto MUSE.
3. Servizo Hopkins de execución (Hopkins Fulfillment Services, HFS): ordes de pedidos, sistemas de información e centro de distribución.

Véxase tamén

Outros artigos

• Universidade Johns Hopkins

Ligazóns externas

• Lista das publicacións Arquivado 04 de decembro de 2016 en Wayback Machine. da JHUP.