Illescas

Para outras páxinas con títulos homónimos véxase: Illescas (homónimos).

Illescas

Localización
40°07′22″N 3°50′44″O
Estado	España
Comunidade autónoma	Castela-A Mancha
Provincia	provincia de Toledo
Capital	Illescas
Poboación
Poboación	33.301 (2025) (584,23 hab./km²)
Xeografía
Parte de	Q107553714
Superficie	57 km²
Altitude	583 m
Comparte fronteira con	Torrejón de la Calzada El Viso de San Juan Carranque Ugena Casarrubuelos Cedillo del Condado Numancia de la Sagra Yuncos Torrejón de Velasco Yeles Cubas de la Sagra
Organización política
• Alcalde	José Manuel Tofiño (en) (2015–)
Identificador descritivo
Código postal	45200
Fuso horario	UTC+01:00, horario estándar UTC+02:00, horario de verán
Código INE	45081
Sitio web	illescas.es

Illescas é un municipio de Castela-A Mancha, pertencente á provincia de Toledo. En 2008 tiña 19.167 habitantes, nunha superficie de 57 km², sendo a densidade para o mesmo ano de 277,7 hab/km².

Toponimia

Segundo Nieto Ballester, o topónimo Illescas podería ter orixe prerromana, de aspecto celta. Segundo García Sánchez, podería derivarse do topónimo Egelesta, nomeado por Tolomeo en Geographías Hyphégesis, segunido o proceso Egelesta > Elesta > Elesca(s) > Ilescas > Iliescas > Illescas.

Xeografía

O concello está situado na comarca de La Sagra, nunha ampla chaira. Limita ao norte cos municipios de Casarrubuelos, Cubas de la Sagra, Torrejón de la Calzada e Torrejón de Velasco (da Comunidade de Madrid), ao leste con Yeles, ao sur con Numancia de la Sagra e Yuncos, e ao oeste con Cedillo del Condado, El Viso de San Juan, Carranque e Ugena.

Demografía

En 1561 había 12.000 habitantes, cifra que iría diminuíndo nos séculos posteriores. A mediados do século XVIII, segundo a información que ofrece o catastro de Ensenada, Illescas converteuse nun núcleo cunha importante presenza de hidalgos e clérigos. A súa poboación en 1752 era 1.481 habitantes.

Coa chegada do século XX comezou unha lenta recuperación demográfica, que culminou nunha verdadeira explosión demográfica nos anos 60. En 1956 a súa poboación era de 2.325 habitantes e no ano 2001, de 12.234, superándose por primeira vez a cifra de poboación máxima que Illescas tivo desde o século XVI. Na actualidade é o terceiro municipio máis habitado da provincia, só por detrás de Talavera de la Reina e Toledo.

Historia

Na zona atopáronse restos arqueolóxicos que testemuñan a existencia de asentamentos desde a época prehistórica. Nas escavacións realizadas no sitio de El Cerrón atopáronse os restos dun poboado celtibero, habitado entre finais do século V a. C. ao II a. C., Trala romanización, tamén estivo un tempo habitado.

Durante a época árabe construíuse un alcázar e algunhas fortificacións, tomadas en 1085 durante a reconquista de Toledo por Afonso VI de León, que ordenou a súa reconstrución. Máis tarde a poboación foi doada á diocese de Toledo, para converterse de novo en territorio reguengo en 1124.

En 1154 Afonso VII de León concedeu a carta puebla e catro anos máis tarde a vila volveu pertencer ao señorío arcebispal até 1575, en que pasou definitivamente á xurisdición real. Durante estes séculos foron frecuentes os litixios entre a vila e o cabido catedralicio.

Serviu de lugar de recreo para os reis, pero chegou a perder o favor real a causa da Guerra das Comunidades de Castela, onde o illescano Francisco de Guzmán foi capitán do exército comuneiro das compañías de Juan de Padilla.

A principios do século XIX, as tropas francesas desmantelaron un mosteiro de franciscanos descalzos.

Segundo o dicionario de Pascual Madoz, a mediados dese século o concello tiña 300 casas e o orzamento municipal ascendía a 30.000 reais, dos que 4.400 eran para pagar o secretario. A partir de entón iniciouse un lento desenvolvemento, ao que contribuíu a chegada do ferrocarril en 1876.

Na década de 1960 iniciouse a expansión do casco urbano, cun gran desenvolvemento industrial e do sector servizos.

Política e goberno

Alcaldes desde as eleccións de 1979

Lexislatura	Nome	Partido
1979-1983	Luis Gamboa Conde	independente
1983-1987	José Vicente Inogés Parra	PSOE
1987-1991	José Vicente Inogés Parra (14/01/1988) Carlos Gómez García	PSOE PSOE
1991-1995	Felipe Delgado Redondo	Independente
1995-1999	José Manuel Tofiño Pérez	PSOE
1999-2003	José Manuel Tofiño Pérez	PSOE
2003-2007	José Manuel Tofiño Pérez	PSOE
2007-2011	José Manuel Tofiño Pérez	PSOE
2011-2015	Fernando Javier Cabanes Ordejón	PP
2015-2019	José Manuel Tofiño Pérez	PSOE
2019-2023	n/d	n/d
2023-	n/d	n/d

Véxase tamén

Ligazóns externas

• www.illescas.es Arquivado 11 de novembro de 2020 en Wayback Machine. (en castelán).