Ida Kar

Na Galipedia, a Wikipedia en galego.
Saltar ata a navegación Saltar á procura
Ida Kar
Nacemento8 de abril de 1908
 Tambov
Falecemento24 de decembro de 1974
 Londres
NacionalidadeReino Unido
Ocupaciónfotógrafa
CónxuxeVictor Musgrave
editar datos en Wikidata ]

Ida Karamian, coñecida como Ida Kar, nada en Tambov o 8 de abril de 1908 e finada o 24 de decembro de 1974, foi unha fotógrafa rusa de orixe armenia que realizou retratos de artistas e escritores célebres.

Traxectoria[editar | editar a fonte]

Filla de pais armenios, pasou a súa infancia entre Rusia, Armenia, Irán e Exipto. En 1928 trasladouse a París a fin de estudar química e medicina pero pronto simpatizou cos surrealistas e interesouse pola fotografía. Ao regresar ao Cairo en 1933 abriu un estudio fotográfico e participou no desenvolvemento do surrealismo en Exipto.

En 1945 trasladouse a Londres, onde participou no movemento surrealista inglés polo que a súa obra comezou a difundirse. En 1954 participou nunha exposición colectiva co título de Forty Artists from Paris and London (Corenta artistas de París e Londres) e en 1960 realizou a súa primeira exposición individual.

Algúns personaxes que fotografou son Jean Arp, Doris Lessing, Iris Murdoch, Henry Moore, Georges Braque, Jean-Paul Sartre, Dmitrii Shostakovich, Bertrand Russell, T.S. Eliot, André Breton, Eugène Ionesco, Bridget Riley, Man Ray, Fidel Castro ou Joan Miró.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]