Herman Potočnik

Herman Potočnik
	;
Biografía
Nacemento	22 de decembro de 1892 ; Pula, Croacia
Morte	27 de agosto de 1929 (36 anos); Viena, Austria
Causa da morte	pneumonía
Educación	Universidade Técnica de Viena
Actividade
Campo de traballo	Enxeñaría mecánica e Astronáutica
Lugar de traballo	Imperio Austrohúngaro
Ocupación	Enxeñeiro de aviación, enxeñeiro, enxeñeiro mecánico, inventor, oficial
Carreira militar
Conflito	Primeira guerra mundial

Herman Potočnik (pseudónimo Hermann Noordung) nado en Pula o 22 de decembro de 1892 e finado en Viena o 27 de agosto de 1929) foi un enxeñeiro esloveno especializado en foguetes e astronáutica.

Traxectoria

Potočnik naceu en 1892 en Pula, daquela Imperio Austrohúngaro (agora Pula, Croacia). A súa familia era orixinaria de Eslovenia. O significado do seu pseudónimo Noordung segue sendo un misterio, pero suxeriuse que o seu nome foi usado para demostrar o problema do Caos (Ordnung, en alemán: a "orde"; ordunga, esloveno: popular, e a letra ene teríaa engadido ao dar o sentido de fóra de orde).

Na Primeira guerra mundial serviu na Galicia dos Cárpatos, en Serbia e en Bosnia. Foi ascendido a tenente e en 1919 retirouse do exército austríaco co rango de capitán debido á tuberculose que contraeu durante a guerra. Comezou a estudar enxeñería eléctrica no departamento de enxeñería mecánica da Universidade Tecnolóxica de Viena e obtivo un doutoramento en enxeñaría. A partir de 1925, dedicouse por completo aos problemas da ciencia dos foguetes e da tecnoloxía espacial. Debido a unha enfermidade crónica, non atopou traballo nin casou, pero viviu co seu irmán Adolf na capital austríaca.

É coñecido polo seu traballo teórico sobre as longas estadías do home no espazo, concepto explicado por primeira vez en 1928 no seu libro Das Problem der Befahrung des Weltraums (O problema dos voos espaciais ), no que deseñou unha estación espacial en forma de roda desde o que calculou a órbita xeoestacionaria^[1] ^[2] ^[3] no que se baseou Arthur C. Clarke para escribir o artigo sobre satélites de comunicacións xeoestacionarios Extraterrestrial relays (a 35.786 km sobre o ecuador terrestre), en Wireless World en outubro de 1945.^[4] A edición en ruso de Verein für Raumschiffahrt (VfR) posiblemente influíu nas ideas e a obra de Sergei Koroliov.

Herman Potočnik morreu na pobreza en 1929 de pneumonía, en Viena, tendo 36 anos.

Notas

↑ "Das Problem der Befahrung des Weltraums - Der Raketenmotor von Hermann Noordung". bhaak.net (en alemán). Consultado o 2023-01-09.
↑ "The Problem of Space Travel, Table of Contents". www.hq.nasa.gov (en inglés). Arquivado dende o orixinal o 04 de abril de 2020. Consultado o 2023-01-09.
↑ Shayler, David (2004-06-03). Walking in Space (en inglés). Springer Science & Business Media. ISBN 978-1-85233-710-0.
↑ Arthur C. Clarke (29 de setembro de 2011). Voices from the Sky. Orion. p. 53–. ISBN 978-0-575-12183-6.

Véxase tamén

Ligazóns externas

Facsímile electrónico do artigo orixinal de Arthur C. Clarke

[1] "Das Problem der Befahrung des Weltraums - Der Raketenmotor von Hermann Noordung". bhaak.net (en alemán). Consultado o 2023-01-09.

[nasa-2] "The Problem of Space Travel, Table of Contents". www.hq.nasa.gov (en inglés). Arquivado dende o orixinal o 04 de abril de 2020. Consultado o 2023-01-09.

[3] Shayler, David (2004-06-03). Walking in Space (en inglés). Springer Science & Business Media. ISBN 978-1-85233-710-0.

[Clarke2011-4] Arthur C. Clarke (29 de setembro de 2011). Voices from the Sky. Orion. p. 53–. ISBN 978-0-575-12183-6.

[1]

[2]

[3]

[4]