Heinrich von Stackelberg

Heinrich von Stackelberg

Nome orixinal	(de) Heinrich Freiherr von Stackelberg
Biografía
Nacemento	31 de outubro de 1905 Moscova, Rusia
Morte	12 de outubro de 1946 (40 anos) Madrid, España
Causa da morte	Linfoma
Catedrático
Datos persoais
País de nacionalidade	Alemaña
Educación	Universidade de Colonia
Director de tese	Erwin von Beckerath (pt)
Actividade
Lugar de traballo	Bonn
Ocupación	economista , profesor universitario
Empregador	Rheinische Friedrich-Wilhelms-Universität Bonn Universidade Humboldt de Berlín
Partido político	Partido Nacionalsocialista Alemán dos Traballadores
Membro de	Schutzstaffel Luftwaffe (pt)
Lingua	Lingua alemá
Obra
Doutorando	Hans Möller (pt) e Hans Möller (pt)
Outro
Título	Barón
Familia	Stackelberg (en)

Heinrich Freiherr von Stackelberg, nado en Moscova o 31 de outubro de 1901 e finado en Madrid o 12 de outubro de 1946, foi un economista alemán que contribuíu á teoría de xogos e á organización industrial, e que é coñecido polo modelo de competencia que leva o seu nome, chamado tamén como duopolio de Stackelberg.

Biografía

Stackelberg naceu en Moscova, no seo dunha familia nobre de alemáns do mar Báltico de Estonia. A súa nai era arxentina, de ascendencia española. Tras a Revolución de Outubro de 1917, a súa familia mudouse a Racibórz, e máis tarde a Colonia. Estudou Economía e Matemáticas na Universidade de Colonia, graduándose en 1927 cunha tese sobre os estudos da distribución da renda de Alfred Marshall. Doutorouse en 1930 cunha disertación sobre a teoría de custos, publicada en Viena en 1932. En 1934 concluíu a súa habilitación en estrutura de mercado e equilibrio.

Tras isto, foi profesor universitario na Universidade de Colonia, aínda que un semestre despois aceptou un posto na Universidade de Berlín, onde traballou até o ano 1941. Nese ano, pasou a ser profesor de Economía da Universidade de Bonn, até 1944, cando empezaría a impartir clases na Universidade Complutense de Madrid. A súa influencia na economía española dos anos sucesivos foi moi importante na súa postura liberalizadora. Así dixo o economista Juan Velarde, discípulo seu, quen afirmou que cando lle preguntou a Alberto Ullastres como se atreveu a levar a cabo o Plan de Estabilización de 1959, contestoulle: "Estaba todo en Stakelberg".

Stackelberg foi membro do Partido Nazi desde 1931, e Scharführer das SS desde 1933.

Morreu de linfoma en Madrid en 1946 e está soterrado no Cemiterio Británico desa cidade.

Obra

O modelo de liderado de Stackelberg é un tipo de duopolio, é dicir, un mercado dun produto con basicamento só dúas empresas, no que está a entrada a outras organizacións atópase restrinxida. Cada empresa trata de producir unha cantidade tendo en conta a produción da outra empresa. A diferenza do modelo de Cournot, a empresa líder coñece a conduta da empresa seguidora, conducindo a unha produción dunha determinada cantidade segundo os seus intereses, segundo a cal, a empresa seguidora producirá unha cantidade en base á outra. Dáse, polo tanto, unha clara vantaxe da empresa que move ficha antes.

A achega de Stackelberg foi a base de moitos dos xogos desenvolvidos por Nash na súa famosa teoría dos xogos. A partir do esquema debuxado por Stackelberg, Nash deseña un mapa de diversas alternativas ao redor dunha serie de xogadas interpretadas por dous duopolistas que controlan o mercado. Mediante esta serie de xogos detectouse que non só adquire vantaxe o primeiro en mover, senón que baixo certas condicións, ás veces, ser o primeiro pode resultar nunha decisiva desvantaxe.

Publicacións

• Grundlagen einer reinen Kostentheorie (Fundamentos da Teoría de Custos), Viena, 1932.
• Marktform und Gleichgewicht (Estrutura de Mercado e Equilibrio), Viena, 1934.
• Grundlagen der theoretischen Volkswirtschaftslehre (Fundamentos da Teoría Económica), Berna, 1948.
• von Stackelberg, Heinrich (2014). Foundations of a Pure Cost Theory (en inglés). Springer. ISBN 978-3-642-34537-1.