Mercado

Na Galipedia, a Wikipedia en galego.
Mercado tradicional, Guatemala
Wet market in Singapore

O mercado, en economía, é calquera conxunto de transaccións, acordos ou intercambios de mercadorías (bens e/ou servizos) entre compradores e vendedores. En contraposición cunha simple venda, o mercado implica a existencia dun comercio regular e regulado, dándose unha certa competencia entre os participantes. O mercado xorde desde o intre en que se unen grupos de vendedores e compradores (concorrencia), e permite que se articule o mecanismo da oferta e da procura; de feito, mercado é tamén o lugar onde se compran e venden bens. Os primeiros mercados da historia funcionaban mediante o troque. Tras a aparición do diñeiro, empezáronse a desenvolver códigos de comercio que, finalmente, deron lugar ás modernas empresas nacionais e internacionais. Á medida que a produción aumentaba, as comunicacións e os intermediarios empezaron a desempeñar un papel máis importante nos mercados.

Entre as distintas clases de mercados podemos distinguir os mercados ao por menor ou minoristas, os mercados ao por maior ou distribuidores, os mercados de produtos intermedios, de materias primas e os mercados de accións (bolsas de valores).

O termo mercado tamén se emprega para se referir á demanda de consumo potencial ou estimada.

Cestos nun mercado vigués

O concepto clásico de mercado de libre competencia, define un tipo de mercado ideal, no cal é tal a cantidade de axentes económicos interrelacionados, tanto compradores como vendedores, que ningún de eles é capaz de interferir no prezo final do ben ou servizo intercambiado. Por tanto existen tensións neste sistema cando se dan casos de monopolios ou oligopolios

Mercado, en mercadotecnia[editar | editar a fonte]

En mercadotecnia, mercado é o conxunto de persoas ou empresas dispostas a gastar o seu diñeiro en satisfacer as súas necesidades, requirimentos e desexos.

É importante salientar que esta definición non se corresponde coa definición de economía. En palabras sinxelas, mentres na mercadotecnia o mercado é só o grupo de "compradores", e o grupo de "vendedores" é a industria, en economía ambos os grupos son o mercado.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]