A tempada 2000-2001 da Heineken Cup foi a 6ª edición da máxima competición continental do rugby europeo. Nesta edición houbo de novo 24 equipos participantes, divididos en 6 grupos de 4, para afrontar a primeira fase da competición, a fase de grupos. Tralas 6 xornadas correspondentes a esta primeira fase, os primeiros de cada grupo e os 2 mellores segundos clasificáronse para disputar os cuartos de final, a partidos único, as semifinais e a final.
Nesta 6ª edición do torneo participaron 6 equipos franceses, 6 ingleses, 5 galeses, 3 irlandeses, 2 italianos e 2 escoceses, igual que na tempada 1999/2000.
Os 6 equipos que remataron primeiros de grupo clasificáronse para os cuartos de final, ademais dos 2 equipos que remataron na segunda posición con máis puntos. Os equipos que xogaron coma locais foron aqueles que máis puntos conseguiron, ou no caso de empate, aplicouse o criterio de ensaios a prol ou diferenza entre puntos anotados e encaixados. Nas semifinais aplicouse o mesmo criterio para decidir que equipo xogaba como local. A final foi o 19 de maio do ano 2001, e se xogou no Parc des Princes de París diante de 44.000 persoas. Leicester Tigers coroóuse coma sexto Campión de Europa.