A tempada 2003-2004 da Heineken Cup foi a 9ª edición da máxima competición continental do rugby europeo. Nesta edición houbo de novo 24 equipos participantes, divididos en 6 grupos de 4, para afrontar a primeira fase da competición, a fase de grupos. Tralas 6 xornadas correspondentes a esta primeira fase, os primeiros de cada grupo e os 2 mellores segundos clasificáronse para disputar os cuartos de final, a partido único, as semifinais e a final.
Nesta 9ª edición do torneo participaron 6 equipos franceses, 6 ingleses, 5 galeses, 3 irlandeses, 2 italianos e 2 escoceses, exactamente igual que na tempada 2002/03. Os 5 equipos galeses participantes foron por primeira vez os novos equipos provinciais profesionais, que substituíron nas competicións continentais e na liga celta ós clubs tradicionais da liga galesa.
Os 6 equipos que remataron primeiros nos seus grupos clasificáronse para os cuartos de final, ademais dos 2 equipos que remataron na segunda posición con máis puntos. Os equipos que xogaron como locais foron os que máis puntos conseguiron, ou en caso de empate aplicouse o criterio de máis ensaios a prol ou maior diferenza entre puntos anotados e encaixados. Nas semifinais aplicouse o mesmo criterio para decidir que equipo xogaba como local. A final disputouse o 23 de maio do ano 2004 no Twickenham Stadium de Londres diante de 73.057 persoas. London Wasps coroouse por primeira vez como Campión de Europa.
.svg){kind=small}
